Category Archives: តេជោ តាមរយៈសារព័ត៌មាន

សម្តេចតេជោ ហ៊ុន សែន ជូនពរភរិយាក្នុងថ្ងៃខួបកំណើត ខណៈចូលរួមបុណ្យសមុទ្រ នៅខេត្តកោះកុង

FN ៖ ជាមួយនឹងការអំពាវនាវឱ្យជនរួមជាតិចូលរួមបុណ្យសមុទ្រលើកទី០៧នោះ សម្តេចតេជោ ហ៊ុន សែន នៅថ្ងៃទី១៥ ខែធ្នូ ឆ្នាំ២០១៨នេះ ក៏បានឆ្លៀតជូនពរដល់ភរិយារបស់សម្តេច គឺសម្តេចកិត្តិព្រឹទ្ធបណ្ឌិត សម្រាប់ថ្ងៃខួបកំណើតគម្រប់៦៤ឆ្នាំ ឈានចូល ៦៥ឆ្នាំនាថ្ងៃនេះ។ សម្តេចតេជោ ហ៊ុន សែន បានបង្ហោះនៅលើ Facebook យ៉ាងដូច្នេះថា៖ «សូមអញ្ជើញបងប្អូនជនរួមជាតិ និងក្មួយៗចូលរួមសប្បាយរីករាយនៅក្នុងពិធីបុណ្យសមុទ្រនៅខេត្តកោះកុងរយៈពេល៣ថ្ងៃចាប់ពីថ្ងៃ១៤ ដល់១៦ធ្នូ ២០១៨។ ល្ងាចនេះខ្ញុំនិងភរិយា នឹងចូលរួមពិធីបើកបុណ្យសមុទ្រលើកទី៧ ជុំទី២ នៅឯខេត្តកោះកុង ផងដែរ»។ សម្តេចតជោ ហ៊ុន​សែន​បានបន្តទៀតថា «ថ្ងៃទី១៥ធ្នូ ក៏ជាថ្ងៃខួបកំណើតភរិយាខ្ញុំ គម្រប់៦៤ឆ្នាំ ឈានចូល ៦៥ឆ្នាំផងដែរ។ សូមជូនពរភរិយាជាទីស្រឡាញ់មានសុខភាពល្អ កម្លាំងពលំមាំមួន អាយុយឺនយូរ ដើម្បីចូលរួមដឹកនាំការងារមនុស្សធម៌នៃកាកបាទក្រហមកម្ពុជាអោយសង្គមជាតិយើងកាន់តែរីកចម្រើន»។ សូមជម្រាបថា ពិធីបុណ្យសមុទ្រលើកទី៧ ជុំទី២នេះ បានរៀបចំឡើងរយៈពេល៣ថ្ងៃ ចាប់ពីថ្ងៃទី១៤-១៦ ខែធ្នូ ឆ្នាំ២០១៨ នៅទីរួមខេត្តកោះកុង ហើយនៅថ្ងៃនេះ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន…

សម្តេចតេជោ ហ៊ុន សែ​ន កោតសរសើរក្រុមហ៊ុនចិន ដែលបានជួយអភិវឌ្ឍន៍តំបន់ស្ងប់ស្ងាត់នៅកោះកុង ទៅជាកន្លែងទាក់ទាញទេសចរណ៍

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានវាយតម្លៃខ្ពស់ និងកោតសរសើរផងដែរ ចំពោះក្រុមហ៊ុនចិន ដែលបានដាក់ទុនវិនិយោគយ៉ាងច្រើន ប្រែក្លាយតំបន់ស្ងប់ស្ងាត់ នៅក្នុងខេត្តកោះកុងឲ្យក្លាយទៅជាកន្លែងទេសចរណ៍ ដ៏ទាក់ទាញនាពេលបច្ចុប្បន្ន ក៏ដូចជាពេលអនាគត។ ការថ្លែងកោតសរសើររបស់សម្តេចតេជោ ហ៊ុន សែន បានធ្វើឡើង ក្នុងពេលអញ្ជើញទស្សនាតំបន់អភិវឌ្ឍន៍ទីក្រុងវិស្សមកាលទេសចរណ៍តារាសាគរ ស្រុកបុទុមសាគរ ខេត្តកោះកុង នាព្រឹកថ្ងៃទី១៤ ខែធ្នូ ឆ្នាំ២០១៨នេះ។ នៅព្រឹកមិញនេះសម្តេចវិបុលភក្តី សាយ ឈុំ ប្រធានព្រឹទ្ធសភា សម្តេចពញាចក្រី ហេង សំរិន ប្រធានរដ្ឋសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏បានអញ្ជើញទស្សនាតំបន់អភិវឌ្ឍន៍ទីក្រុងវិស្សមកាលទេសចរណ៍តារាសាគរនេះផងដែរ។ ក្នុងដំណើរទស្សនាតំបន់អភិវឌ្ឍន៍ដ៏ធំរបស់ចិននេះ ក៏មានការអញ្ជើញចូលរួមពីឥស្សរជនជាន់ខ្ពស់ តំណាងក្រសួងស្ថាប័ននានារបស់កម្ពុជា និងឥស្សរជនការទូត ព្រមទាំងតំណាងវិនិយោគចិន ជាច្រើនរូបទៀត។ ក្នុងឱកាសនោះ សម្តេចតេជោនាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត បានតាមដានស្តាប់យ៉ាងយក ចិត្តទុកដាក់នូវការធ្វើបទបង្ហាញពីសំណាក់ម្ចាស់គម្រោង នៃតំបន់អភិវឌ្ឍន៍ ទីក្រុងវិស្សមកាលទេសចរណ៍តារាសាគរ ខេត្តកោះកុង។ សូមបញ្ជាក់ថា ក្រុមហ៊ុនចម្រុះមកពីសាធារណរដ្ឋប្រជាមានិតចិន ត្រូវបានរាជរដ្ឋាភិបាលផ្តល់នូវការគាំទ្រឲ្យមានការវិនិយោគ…

សម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត អញ្ជើញទស្សនាពិព័រណ៍រូបថត និងប្លង់គម្រោងអភិវឌ្ឍន៍ នៅតំបន់វិស្សមកាលទេសចរណ៍តារាសាគរ

FN ៖ នៅព្រឹកថ្ងៃទី១៤ ខែធ្នូ ឆ្នាំ២០១៨នេះ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងដំណើរអញ្ជើញមកកាន់ខេត្តកោះកុង ដើម្បីត្រៀមអញ្ជើញចូលរួមបើក ក្នុងពិធិបុណ្យសមុទ្រនៅថ្ងៃស្អែកនោះ នៅព្រឹកនេះ សម្តេចទាំងទ្វេក៏បានអញ្ជើញទស្សនាពិព័រណ៍រូបថត និងប្លង់គម្រោងអភិវឌ្ឍន៍ នៅតំបន់វិស្សមកាលទេសចរណ៍តារាសាគរ ដែលវិនិយោគដោយក្រុមហ៊ុនចិន។ នាឱកាសនេះផងដែរ សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ក៏បានអញ្ជើញតាមដានទស្សនា និងស្តាប់ដោយយកចិត្តទុកដាក់ពីម្ចាស់គម្រោងអភិវឌ្ឍន៍ទីក្រុងវិស្សមកាលទេសចរណ៍តារាសាគរនេះ។ តាមរយៈការធ្វើបទបង្ហាញ នៅទីនេះ គឺបាន និងកំពុងមានគម្រោងវិនិយោគធំៗជាច្រើន ដូចជាព្រលានយន្តហោះ ប្រព័ន្ធហេដ្ឋារចនាសម្ពន្ធ សណ្ឋាគារផ្កាយ៥ ខុនដូរ បឹងកាឡូ ទីលានវាយកូនគោល អគារការិយាល័យ មជ្ឈមណ្ឌលពាណិជ្ជកម្ម និងសួនកំសាន្តខ្នាតអន្តរជាតិ និងគម្រោងផ្សេងៗជាច្រើនទៀត។ គម្រោងទីក្រុងវិស្សមកាលទេសចរណ៍ នៅខេត្តកោះកុងដ៏ធំបែបនេះ គឺបានទាក់ទាញភ្ញៀវទេសចរកាន់តែច្រើន ថែមទៀតមកកាន់កម្ពុជា។ បន្ទាប់ពីតាមដានទស្សនា ដោយយកចិត្តទុកដាក់អំពីគម្រោងអភិវឌ្ឍន៍តំបន់វិស្សមកាលទេសចរណ៍តារាសាគររួចហើយ សម្ដេចតេជោនាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ក៏បានអញ្ជើញពិសារអាហារថ្ងៃត្រង់ ដែលរៀបចំដោយក្រុមហ៊ុនចិន មុននឹងអញ្ជើញធ្វើដំណើរឆ្ពោះទីកាន់ទីរួមខេត្តកោះកុង ដើម្បីត្រៀអញ្ជើញបើកពិធីបុណ្យសមុទ្រ ដែលនឹងប្រព្រឹទ្ធទៅនៅថ្ងៃស្អែកនេះ៕