ការបោះឆ្នោតក្រុមប្រឹក្សាឃុំ/សង្កាត់ ២០១៧

គ.ជ.ប៖ ការិយាល័យបោះឆ្នោតជាង ២ម៉ឺនការិយាល័យ ត្រូវបានរៀបចំរួចរាល់អស់ហើយ សម្រាប់បម្រើឲ្យការបោះឆ្នោតនៅថ្ងៃស្អែក

FN ៖ លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានប្រាប់អង្គភាពព័ត៌មាន Fresh News ថា ការិយាល័យបោះ ឆ្នោតចំនួន ២២,១៤៨ការិយាល័យ ព្រមទាំងបរិក្ខាប្រើសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ នៅថ្ងៃទី០៤ ខែមិថុនា ស្អែកនេះ ត្រូវបានរៀបចំរួលរាល់អស់ហើយ។

សម្រាប់ការិយាល័យមួយចំនួននៅក្នុងខេត្តប៉ៃលិន ដែលជន់លិចដោយជំនន់ទឹកភ្លៀងនោះ លោក ហង្ស ពុទ្ធា បានបញ្ជាក់ថា ត្រូវបានរុះរើទៅកន្លែងថ្មីរួចរាល់ហើយ។

ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ស្អែកនេះ នឹងត្រូវធ្វើឡើងចាប់ពីម៉ោង ៧ព្រឹក ដល់ម៉ោង ៣រសៀល។ លោក ហង្ស ពុទ្ធា បានអំពាវនាវប្រជាពលរដ្ឋទាំងដែលបានចុះឈ្មោះ ចូលរួមបោះឆ្នោតរួចរាល់ទៅចូលរួមបោះឆ្នោតឲ្យបានគ្រប់គ្នា ដោយភ្ជាប់ទៅ ជាមួយអត្តសញ្ញាណសញ្ជាតិខ្មែរ ឬ ឯកសារបញ្ជាក់អត្តសញ្ញាណ។

សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤នេះ មានគណបក្សនយោបាយចំនួន១២ បានចូលរួមប្រកួតប្រជែងយកអាសនៈក្រុមប្រឹក្សាឃុំ សង្កាត់នៅទូទាំងប្រទេស ដែលមានចំនួន ១,៦៤៦ឃុំ សង្កាត់។ គណបក្សនយោបាយទាំង ១២នោះ រួមមាន៖ គណបក្សនយោបាយទាំង១២ ដែលចូលរួមប្រកួតប្រជែងការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ រួមមាន៖ គណបក្សប្រជាជនកម្ពុជា (ប្រ.ជ), គណបក្សសង្រ្គោះជាតិ (គ.ស.ជ), គណបក្ស ហ៊្វុន ស៊ិនប៉ិច, គណបក្សម្ព័ន្ធដើម្បីប្រជាធិបតេយ្យ (គ.ស.ប), គណបក្សខ្មែររួបរួមជាតិ (ខ.រ.ជ), គណបក្សសំបុកឃ្មុំសង្គមប្រជាធិបតេយ្យ (គ.ស.ស.ប), គណបក្សសញ្ជាតិកម្ពុជា (គ.ស.ក), គណបក្សប្រជាធិបតេយ្យមូលដ្ឋាន (គ ប ម), គណបក្សសាធារណរដ្ឋប្រជាធិបតេយ្យ (គ.ស.រ.ប), គណបក្សយុវជនកម្ពុជា (គ.យ.ក), គណបក្សអំណាចខ្មែរ...Read More

ថ្ងៃស្អែក ជាថ្ងៃបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ សូមបងប្អូនអញ្ជើញទៅបោះឆ្នោតឲ្យបានគ្រប់គ្នា, តើត្រូវមានអ្វីខ្លះ ទើបអាចបោះឆ្នោតបាន?

FN ៖ ថ្ងៃស្អែក ថ្ងៃទី០៤ ខែមិថុនា ឆ្នាំ២០១៧ ជាថ្ងៃបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ សូមបងប្អូនប្រជាពលរដ្ឋ ដែលមានឈ្មោះបោះឆ្នោត អញ្ជើញទៅចូលរួមបោះឆ្នោត ឲ្យបានគ្រប់គ្រប់គ្នា ដើម្បីជ្រើសរើសក្រុមប្រឹក្សាឃុំសង្កាត់ ដែលលោកអ្នកពេញចិត្ត។

ការបោះឆ្នោតជ្រើសរើស ក្រុមប្រឹក្សាឃុំ-សង្កាត់ អាណត្តិទី៤ ឆ្នាំ២០១៧ ដែលនឹងត្រូវធ្វើឡើងនៅថ្ងៃទី០៤ ខែមិថុនា ឆ្នាំ២០១៧ ចាប់ពីម៉ោង៧៖០០នាទីព្រឹក ដល់ម៉ោង៣៖០០នាទីរសៀល។

តើប្រជាពលរដ្ឋត្រូវមានអ្វីខ្លះ ដើម្បីអាចបោះឆ្នោតនៅថ្ងៃស្អែកបាន?

* មានឈ្មោះក្នុងបញ្ជីបោះឆ្នោត ផ្លូវការឆ្នាំ២០១៦។
* មានអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណបម្រើឲ្យការបោះឆ្នោត។
* ប្រជាពលរដ្ឋ ត្រូវចងចាំថា ឯកសារដែលត្រូវយកទៅបោះឆ្នោត មានតែ០២ (ពីរ) ប្រភេទប៉ុណ្ណោះគឺ អត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណបម្រើឲ្យការបោះឆ្នោត។
* ប្រជាពលរដ្ឋ ត្រូវចងចាំថា ប័ណ្ណព័ត៌មានអ្នកបោះឆ្នោតគ្រាន់តែជាឯកសារ ជំនួយសម្រាប់ងាយស្រួល រកទីតាំងការិយាល័យបោះឆ្នោត និងរកឈ្មោះក្នុងបញ្ជីបោះឆ្នោត តែប៉ុណ្ណោះ។
* ប្រជាពលរដ្ឋ ត្រូវចងចាំថា បង្កាន់ដៃចុះឈ្មោះបោះឆ្នោត មិនអាចប្រើប្រាស់ក្នុងការបោះឆ្នោតបានទេ។
* ករណីប្រជាពលរដ្ឋមកបោះឆ្នោត មិនបានយកប័ណ្ណព័ត៌មានអ្នកបោះឆ្នោត មកជាមួយលេខាធិការ នៃគណៈកម្មការការិយាល័យ បោះឆ្នោតមិនត្រូវណែនាំឲ្យប្រជាពលរដ្ឋត្រឡប់ ទៅយកប័ណ្ណព័ត៌មានអ្នកបោះឆ្នោត មកបង្ហាញនៅការិយាល័យបោះឆ្នោត នៅពេលបោះឆ្នោតឡើយ។
* គណៈកម្មការរៀបចំការបោះឆ្នោតគ្រប់លំដាប់ថ្នាក់ គណបក្សនយោបាយ បេក្ខជន និងភ្នាក់ងារគណបក្សនយោបាយ អង្គការមិនមែនរដ្ឋាភិបាលជាតិ អន្ដរជាតិ និងភាគីពាក់ព័ន្ធទាំងអស់ មិនត្រូវណែនាំប្រាប់ប្រជាពលរដ្ឋថា គ្មានប័ណ្ណព័ត៌មានអ្នកបោះឆ្នោត មិនអាចបោះឆ្នោតបានឡើយ។

សូមជម្រាបថា នៅរាជធានី-ខេត្តទូទាំងប្រទេសកម្ពុជា មានឃុំ-សង្កាត់ចំនួន១៦៤៦ ដែលក្នុងនោះរួមមាន៖

១៖ ខេត្តបន្ទាយមានជ័យ មានចំនួន ៦៥
២៖ ខេត្តបាត់ដំបង មានចំនួន ១០២
៣៖...Read More

គ.ជ.ប៖ កាឃោសនារកសំឡេងឆ្នោត ១៤ថ្ងៃ មានភាពល្អប្រសើរ ខណៈបណ្ដឹងចំនួន៧៨ កំពុងដោះស្រាយ

FN ៖ យុទ្ធនាការឃោសនារកសំឡេងឆ្នោត រយៈពេល១៤ថ្ងៃ ត្រូវបានបិទបញ្ចប់ហើយ នៅថ្ងៃទី០២ ខែមិថុនា ឆ្នាំ២០១៧នេះ។ យុទ្ធនាការឃោសនា រយៈពេល១៤ថ្ងៃនេះ ត្រូវបានវាយតម្លៃថា មានភាពល្អប្រសើរជាងអាណត្តិកន្លងទៅ ជាមួយនឹងការទទួលបាននូវបណ្ដឹងតិចតួចបំផុត ខណៈគណបក្សនយោបាយចំនួន២ប៉ុណ្ណោះ គឺគណបក្សប្រជាជនកម្ពុជា និងគណបក្សសង្គ្រោះជាតិ បានដង្ហែក្បូនទ្រង់ទ្រាយធំ។

លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី០២ ខែមិថុនា ឆ្នាំ២០១៧នេះ បានគូសបញ្ជាក់ថា ស្ថានការណ៍នៃការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ដែលបប្រព្រឹត្តទៅរយៈពេល ១៤ថ្ងៃ មកនេះ មានភាពល្អប្រសើរជាងអាណត្តិមុនៗ ទោះបីមានបញ្ហាបន្តិចបន្តួចក៏ដោយ។

ក្នុងសន្និសីទព័ត៌មានបូកសរុបព្រឹត្តិការណ៍ទូទៅ នៃការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៤ នៅរសៀលថ្ងៃទី០២ ខែមិថុនានេះ លោក ហង្ស ពុទ្ធា ថ្លែងយ៉ាងដូច្នេះ «ជិត១៤ថ្ងៃនេះ គ.ជ.ប បានវាយតម្លៃថា កាឃោសនាដើម្បីស្វែងរកសំឡេងឆ្នោតរបស់គណបក្សនយោបាយ មានភាពរលូន ក្នុងនោះបញ្ហាកើតមានតិចតួច ហើយបញ្ហាទាំងឡាយ ក៏បានដោះស្រាយជាបន្តបន្ទាប់ហើយដែរ មានតែ១ករណីទេ ដែលឡើងមកដល់ គណៈកម្មាធិការជាតិរៀបចំការបោះឆ្នោត គឺរឿងនៅខេត្តតាកែវ នៅឃុំព្រៃខ្លា ស្រុកកោះអណ្ដែត»។

អ្នកនាំពាក្យរូបនេះបានបន្តថា ក្នុងអំឡុងពេលឃោសនាបោះឆ្នោតនេះ គណៈកម្មការឃុំ-សង្កាត់រៀបចំការបោះឆ្នោត (គឃ.សប) បានទទួលបណ្ដឹងចំនួន ៧៨បណ្ដឹង ក្នុងនោះបណ្ដឹងចំនួន១០ បានឡើងមកដល់ គណៈកម្មការរាជធានី-ខេត្តរៀបចំការបោះឆ្នោត (គធ.ខប) និងបានឡើងមកដល់ គ.ជ.ប ចំនួន១បណ្ដឹង។

បើតាមស្ថាប័នអព្យាក្រឹតមួយនេះ បន្ទាប់ពីបិទបញ្ចប់ការឃោសនាបោះឆ្នោតឃុំ-សង្កាត់ នៅវេលាម៉ោង១០ យប់ថ្ងៃនេះទៅ សកម្មភាពឃោសនា ការចែកចាយ ឬបិទស្លាកសញ្ញានានា ការផ្សព្វផ្សាយលើប្រព័ន្ធផ្សព្វផ្សាយទាំងអស់ ត្រូវតែបញ្ឈប់។ សម្រាប់ថ្ងៃទី០៣ ខែមិថុនាស្អែកនេះ ដែលថ្ងៃ «ស» ក្នុងរយៈពេល២៤ម៉ោង ហាមមិនឲ្យទាំងការលក់...Read More

ប្រធានគណបក្សប្រជាជនកម្ពុជា ប្រកាសដកមេឃុំ ឬចៅសង្កាត់ណា ដែលបម្រើពលរដ្ឋតាមមូលដ្ឋានមិនបានល្អនៅពេលឈ្នះឆ្នោត

FN ៖ ប្រធានគណបក្សប្រជាជនកម្ពុជា សម្ដេចតេជោ ហ៊ុន សែន បានប្រកាសយ៉ាងដាច់ណាត់ថា នឹងដកមេឃុំ ឬចៅសង្កាត់ណា ដែលបម្រើប្រជាពលរដ្ឋនៅ តាមមូលដ្ឋានមិនបានល្អ ពេលដែលគណបក្សឈ្នះឆ្នោត ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧នេះ។

ក្នុងយុទ្ធនាការឃោសនារកសំឡេងឆ្នោតថ្ងៃបិទបញ្ចប់ នៅព្រឹកថ្ងៃទី០២ ខែមិថុនា ឆ្នាំ២០១៧នេះ ចំពោះមុនអ្នកគាំទ្រជាង២០ម៉ឺននាក់ សម្ដេចតេជោ ហ៊ុន សែន មានប្រសាសន៍យ៉ាងដូច្នេះថា «មេឃុំចៅសង្កាត់ ឬក៏មន្ដ្រីនៅក្នុងក្រុមប្រឹក្សាឃុំសង្កាត់ ពេលដែលជាប់ឆ្នោតហើយ បម្រើប្រជាជនមិនបានល្អ គណបក្សត្រូវតែហ៊ាន វះកាត់ ដោះដូរចេញ ដើម្បីបម្រើឲ្យប្រជាជន។ ដូច្នេះសូមទុកការថ្នាំងថ្នាក់ មួយអន្លើរ ហើយបោះឆ្នោតមួយសន្លឹកឲ្យគណបក្សប្រជាជនឈ្នះសិន»។

សម្ដេចតេជោ ហ៊ុន សែន បញ្ជាក់ថា កាលណាដែលប្រជាពលរដ្ឋបោះឆ្នោតឲ្យគណបក្សប្រជាជនកម្ពុជា បានឈ្នះឆ្នោតនោះ គណបក្សមួយនេះមានលទ្ធភាព កែប្រែនូវអ្វី ដែលជាចំណុចខ្វះខាតជូនពលរដ្ឋ ហើយបំពេញបន្ថែមនូវអ្វីដែលមិនទាន់គ្រប់គ្រាន់។ សម្ដេចថ្លែងយ៉ាងដូច្នេះថា «បងប្អូនឃើញទេនៅពេលគណបក្ស ប្រជាជនកាន់អំណាច គណបក្សប្រជាជនមានលទ្ធភាព និងកែលម្អនូវចំណុចខ្វះខាត ដែលជាមតិយោបល់របស់សមាជិក សមាជិការាប់លាននាក់»។

សម្ដេចតេជោ ធ្លាប់បានឲ្យដឹងថា គណបក្សប្រជាជនកម្ពុជា ជានិម្មិតរូបនៃសន្តិភាព ហើយថាបើបោះឆ្នោត ឲ្យគណបក្សប្រជាជនកម្ពុជានោះ សន្តិភាព និងការអភិវឌ្ឍនេះនឹងនៅតែកើតមានបន្តទៅមុខទៀត។ បន្ថែមពីនេះសម្ដេចក៏អំពាវនាវឲ្យថែរក្សាសន្តិភាព ដែលកម្ពុជាមានសព្វថ្ងៃនេះ ដើម្បីកុំឲ្យរងគ្រោះ ដូចប្រទេសមួយចំនួន នៅមជ្ឈឹមបូព៌ា ក្នុងនោះមានប្រទេសអ៊ីរ៉ាក់ ស៊ីរី លីប៊ី ជាដើម។

សូមជម្រាបថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ នឹងធ្វើឡើងនៅថ្ងៃទី០៤ ខែមិថុនា ឆ្នាំ២០១៧ខាងមុខនេះ។ យោងតាមគណៈកម្មាធិការជាតិរៀបចំការបោះឆ្នោត បានឲ្យដឹងថា មានគណបក្សចំនួន១២ បានចុះឈ្មោះចូលរួមប្រកួតប្រជែងជាមួយបេក្ខភាព សរុបជាង ៩ពាន់នាក់ ខណៈឃុំ-សង្កាត់នៅទូទាំងប្រទេសមានចំនួនសរុប ១,៦៤៦ ឃុំ-សង្កាត់៕

គ.ជ.ប៖ អ្នកព័ត៌មានជាតិ និងអន្តរជាតិ ជិត ៨០០នាក់ បានចុះឈ្មោះចូលរួមយកព័ត៌មានបោះឆ្នោតជ្រើសរើសក្រុមប្រឹក្សាឃុំ សង្កាត់

FN ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសឲ្យដឹងថា មានអ្នកព័ត៌មានជាតិ និងអន្តរជាតិជិត ៨០០នាក់ បានចុះឈ្មោះ ដើម្បីចូលរួមយកព័ត៌មានបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ ដែលឈានចូលមកដល់នៅថ្ងៃទី ០៤ ខែមិថុនា ឆ្នាំ២០១៧នេះ។

គ.ជ.ប កំពុងរៀបចំសន្និសីទបូកសរុបលទ្ធផល នៃយុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧

FN ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃទី០២ ខែមិថុនា ឆ្នាំ២០១៧នេះ បានបើកសន្និសីទសារព័ត៌មាន បូកសរុបលទ្ធផលការងារ នៃការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ឆ្នាំ២០១៧។

សូមជម្រាបថា យុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ឆ្នាំ២០១៧នេះ មានរយៈពេល១៤ថ្ងៃ ចាប់ពីថ្ងៃទី២០ ខែឧសភា ដល់ថ្ងៃទី០២ ខែមិថុនា ពោលគឺ នឹងបិទបញ្ចប់នៅវេលាម៉ោង ១០យប់ ថ្ងៃនេះតែម្ដង។

ចំណែកនៅថ្ងៃទី០៣ ខែមិថុនា ស្អែកនេះ គ្រប់សកម្មភាពឃោសនាបោះឆ្នោត និងសកម្មភាពឃោសនាទាក់ទង នឹងកម្មវិធីនយោបាយ របស់គណបក្សនយោបាយនានា ត្រូវបានបញ្ឈប់ពេញរយៈពេល ២៤ម៉ោង។

លុះដល់ថ្ងៃអាទិត្យ ទី០៤ ខែមិថុនា ឆ្នាំ២០១៧ ខាងស្អែក គឺជាថ្ងៃបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ហើយ សូមប្រជាពលរដ្ឋអញ្ជើញទៅបោះឆ្នោតឲ្យបានគ្រប់ៗគ្នា៕

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងយុទ្ធនាការបិទបញ្ចប់ការឃោសនារកសំឡេងឆ្នោត ដែលសមាជិក-សមាជិកាជិត២០ម៉ឺននាក់ បានចូលរួម

FN ៖ នៅព្រឹកថ្ងៃទី០២ ខែមិថុនា ឆ្នាំ២០១៧នេះ សម្តេចតេជោ ហ៊ុន សែន ដឹកនាំអ្នកគាំទ្របក្សប្រជាជនកម្ពុជាដ៏ធំសម្បើម ជិត២០ម៉ឺននាក់ ដើម្បីធ្វើយុទ្ធនាការឃោសនារកសម្លេងឆ្នោតថ្ងៃបិទបញ្ចប់។ មុននឹងចាប់ផ្ដើមយុទ្ធនាការសម្ដេចតេជោ បានថ្លែងសុន្ទរកថាទៅកាន់សមាជិក សមាជិកា និងអ្នកគាំទ្រដ៏អស្ចារ្យនោះផងដែរ។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងទៅកាន់អ្នកគាំទ្ររបស់គណបក្សប្រជាជនកម្ពុជា ក្នុងយុទ្ធនាការឃោសនារកសម្លេងឆ្នោតថ្ងៃបិទបញ្ចប់៖

*សម្តេចតេជោ ហ៊ុន សែន បានថ្លែងថា សមាជិកគណបក្សរាប់ម៉ឺននាក់ នៅទីនេះ និងនៅទូទាំងប្រទេសរាប់លាននាក់ បានចេញមកគាំទ្របេក្ខជនឈរឈ្មោះរបស់គណបក្សប្រជាជន។ ការឈ្នះឆ្នោតរបស់បេក្ខជន បេក្ខនារី ដែលបានជ្រើសរើសដោយសន្និបាត នៃគណបក្សប្រជាជនតាមមូលដ្ឋាន មិនមែនជាជោគជ័យសម្រាប់តែបុគ្គលឈរឈ្មោះនោះទេ ប៉ុន្តែជាជោគជ័យរួមរបស់បក្ស និងប្រជាជាតិយើងតែម្តង

*សម្តេចតេជោ ហ៊ុន សែន បានថ្លែងថា មន្រ្តីគ្រប់លំដាប់ថ្នាក់នៃ CPP ក៏បានផ្សព្វផ្សាយនូវគោលនយោបាយរបស់គណបក្សប្រជាជនកម្ពុជារួចហើយ មិនចាំបាច់ឱ្យខ្ញុំបកស្រាយបន្ថែម នូវគោលនយោបាយថ្នាក់ជាតិ សម្រាប់មូលដ្ឋាននោះទេ។

*សម្តេចតេជោ ហ៊ុន សែន សូមយកឱកាសនេះ អរគុណ និងកោតសរសើរ ចំពោះសមាជិក សមាជិកា និងថ្នាក់ដឹកនាំគ្រប់លំដាប់ថ្នាក់ ដែលបានថែរក្សាសន្តិសុខ ភាពសុខសាន្ត នៅក្នុងអំឡុងពេលឃោសនាបោះឆ្នោតកន្លងនេះ។

*សម្តេចតេជោ ហ៊ុន សែន បានប្រកាសថា គណបក្សប្រជាជនដ៏ខ្លាំងក្លា និងថ្លៃថ្នូ ដែលមានសមាជិក៥លាននាក់ បានអនុវត្តយ៉ាងត្រឹមត្រូវតាមច្បាប់ និងនីតិវិធីតាមច្បាប់បោះឆ្នោត។

*សម្តេចតេជោ ហ៊ុន សែន បានថ្លែងថា គុណធម៌ដ៏ថ្លៃថ្លារបស់ CPP បានបង្ហាញឱ្យឃើញពីភាពចាស់ទុំ យើងមិនបានបង្ហាញនូវអាកប្បករិយា ទំនើង ឬជម្លោះណាមួយ នេះគឺជាមោទនភាពរបស់បក្សយើងទាំងមូល និងថ្នាក់ដឹកនាំ។

*សម្តេចតេជោ ហ៊ុន សែន បានរម្លឹកថា កាលពីការបោះឆ្នោតឆ្នាំ២០០២ និង២០១២ ខ្ញុំមិនបានចូលរួមទេ។ ៥លើករួចទៅហើយ សម្តេចមិនដែលបានចូលរួមនោះទេ។

*សម្តេចតេជោ ហ៊ុន សែន...Read More

គ.ជ.ប៖ ការបោះឆ្នោតក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ មានភ្នាក់ងារគណបក្សនយោបាយទាំង១២ ចូលសង្កេតមើលការបោះឆ្នោតជាង១០ម៉ឺននាក់!

FN ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២ ខែមិថុនា ឆ្នាំ២០១៧នេះ បានចេញសេចក្តីប្រកាសព័ត៌មានមួយ ដោយបង្ហាញថា នៅក្នុងការបោះឆ្នោតជ្រើសរើស ក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ មានភ្នាក់ងារគណបក្សនយោបាយទាំង១២ បានដាក់ពាក្យចូលរួមសង្កេតមើលការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ ឆ្នាំ២០១៧ រហូតដល់ជាង១០ម៉ឺននាក់។

ភ្នាក់ងារគណបក្សនយោបាយដែលចូលរួម សង្កេតមើលការបោះឆ្នោតរួមមាន៖ អ្នកសង្កេតមើលការបោះឆ្នោតពេញសិទ្ធិចំនួន ៥៨,៦២៧នាក់ (ស្រី១១,៧៦២នាក់) អ្នកសង្កេតមើលការបោះឆ្នោតបម្រុងចំនួន៤៦,៧២១នាក់ (ស្រី១១,២៣០នាក់) សរុបទាំងអស់ចំនួន ១០៥,៣៤៨នាក់ (ស្រី២២,៩៩២នាក់)៕

គ.ជ.ប ចេញលិខិតប្រាប់លោក កឹម សុខា ពាក់ព័ន្ធបញ្ហាកៀងគរអ្នកគាំទ្រមកពីតាមបណ្ដាខេត្ត ដើម្បីឃោសនានៅថ្ងៃនេះ គឺផ្ទុយពីកិច្ចព្រមព្រៀងជាមួយសាលារាជធានីភ្នំពេញ

FN ៖ បន្ទាប់ពី គ.ជ.ប ទទួលបានលិខិតស្នើសុំពីសាលារាជធានីភ្នំពេញ, គ.ជ.ប ចេញលិខិតប្រាប់លោក កឹម សុខា ពាក់ព័ន្ធបញ្ហាកៀងគរអ្នកគាំទ្រ មកពីតាមបណ្ដាខេត្ត ដើម្បីឃោសនានៅថ្ងៃនេះ គឺផ្ទុយពីកិច្ចព្រមព្រៀងជាមួយសាលារាជធានីភ្នំពេញ។

គ.ជ.ប បានបញ្ជាក់នៅក្នុងលិខិតថា៖ ប្រសិនបើគណបក្សសង្រ្គោះជាតិ បានគៀងគរអ្នកគាំទ្រអ្នកគាំទ្រពីបណ្តា ខេត្តមកចូលរួមដង្ហែក្បួន ឃោសនានៅរាជធានីភ្នំពេញ ដូចដែលរដ្ឋបាលរាជធានីភ្នំពេញ បានទទួលព័ត៌មានមែន ជាហេតុធ្វើឲ្យមានការកកស្ទះចរាចរប៉ះពាល់ដល់សណ្តាប់ធ្នាប់ សាធារណៈ និងផ្ទុយពីកំណត់ហេតុចុះថ្ងៃទី០១ ខែមិថុនា ឆ្នាំ២០១៧ រវាងរដ្ឋបាលរាជធានីភ្នំពេញ គណៈកម្មការរៀបចំការបោះឆ្នោត រាជធានីភ្នំពេញ និងតំណាងគណៈកម្មការប្រតិបត្តិគណបក្សសង្រ្គោះជាតិរាជធានីភ្នំពេញ។

សូមជម្រាបថា សាលារាជធានីភ្នំពេញ នៅថ្ងៃទី០១ ខែមិថុនា ឆ្នាំ២០១៧ បានស្នើឲ្យគណៈកម្មាធិការជាតិរៀបចំការ បោះឆ្នោត ហៅកាត់ថា គ.ជ.ប ចាត់វិធានការឲ្យទាន់ពេលដល់គណបក្សសង្គ្រោះជាតិ ដែលមានបំណង់ចង់កៀងគរ អ្នកគាំទ្រមកពីតាមបណ្ដាខេត្តផ្សេង ដើម្បីមកឃោសនានៅថ្ងៃទី២ ខែមិថុនានេះ ឲ្យបញ្ឈប់សកម្មភាពនេះបន្ទាន់ ព្រោះវាផ្ទុយពីច្បាប់របស់ គ.ជ.ប។

សាលារាជធានីភ្នំពេញ បានឲ្យដឹងថា «ថ្មីៗនេះ រដ្ឋបាលរាជធានីភ្នំពេញ បានទទួលព័ត៌មានថា នៅថ្ងៃទី០២ ខែមិថុនា ឆ្នាំ២០១៧ គណបក្សសង្គ្រោះជាតិបានកៀរគរអ្នកគាំទ្រនៅខេត្តកណ្ដាល កំពង់ស្ពឺ តាកែវ កំពង់ឆ្នាំង កំពង់ចាម និងខេត្តត្បូងឃ្មុំ មកចូលរួមដង្ហែក្បូនឃោសនានៅក្នុងរាជធានីភ្នំពេញ ប្រកាសនេះមិនស្របតាមបទបញ្ជា និងនីតិវិធីសម្រាប់ការបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ពិសេសធ្វើឲ្យប៉ះពាល់ដល់ការរក្សាសន្ដិសុខ សណ្ដាប់ធ្នាប់ និងរបៀបរៀបរយសាធារណៈ ក្នុងរាជធានីភ្នំពេញ»។

មួយវិញទៀត បើតាមនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ តម្រូវឲ្យធ្វើការឃោសនាបោះឆ្នោត ក្នុងក្របខណ្ឌព្រំប្រទល់រដ្ឋបាលឃុំសង្កាត់រៀងៗខ្លួន ដោយមានការសម្របសម្រួលពីអាជ្ញាធរមានសមត្ថកិច្ច។

កត្តាទាំងនេះហើយ ទើបសាលារាជធានី បានចាត់ទុកថា ទង្វើរបស់គណបក្សសង្គ្រោះកំពុងតែអនុវត្តផ្ទុយពី បទបញ្ជាគណៈកម្មាធិការជាតិរៀបចំការបោះឆ្នោត ហើយម្យ៉ាងទៀតសាលាធានីខ្លាចក្រែងមានបញ្ហាអ្វីមួយកើតឡើងជាយថាហេតុ ដោយសារការមិនគោរពច្បាប់របស់បក្សប្រឆាំងមួយនេះ៕

ប្រធាន គ.ជ.ប ស្នើឲ្យរដ្ឋមន្ត្រីក្រសួងការបរទេស ពិនិត្យលទ្ធភាពសម្រួលដល់ពលករ និងនិស្សិតខ្មែររស់នៅបរទេស ដើម្បីអាចមកបោះឆ្នោតបាន នៅថ្ងៃទី០៤ ខែមិថុនា!

FN ៖ ប្រធានគណៈកម្មាធិការជាតិ រៀបចំការបោះឆ្នោត លោក ស៉ិក ប៊ុនហុក នៅថ្ងៃទី០១ ខែមិថុនា ឆ្នាំ២០១៧នេះ បានផ្ញើលិខិតទៅកាន់ទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ ដើម្បីពិនិត្យលទ្ធភាពសម្រួលដល់ពលករ និងនិស្សិតខ្មែរនៅបរទេស អាចបានមកបោះឆ្នោតជ្រើសរើសក្រុមប្រឹក្សាឃុំសង្កាត់ នៅថ្ងៃទី០៤ ខែមិថុនា ឆ្នាំ២០១៧៕

គ.ជ.ប ចេញសេចក្តីជូនដំណឹង បញ្ជាក់ពីឯកសារផ្លូវការ របស់ប្រជាពលរដ្ឋ សម្រាប់យកទៅប្រើប្រាស់ ក្នុងការបោះឆ្នោតក្រុមប្រឹក្សាឃុំ-សង្កាត់!

FN ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី០១ ខែមិថុនានេះ បានចេញសេចក្តីជូនដំណឹងថ្មីមួយ ដើម្បីបញ្ជាក់ប្រាប់ប្រជាពលរដ្ឋ ពីឯកសារផ្លូវការរបស់ពួកគាត់ សម្រាប់យកទៅប្រើប្រាស់ ក្នុងការបោះឆ្នោតជ្រើសរើស ក្រុមប្រឹក្សាឃុំសង្កាត់ អាណត្តិទី៤ ដែលនឹងចូលមកដល់នៅថ្ងៃទី៤ ខែមិថុនា ឆ្នាំ២០១៧ខាងមុខនេះ។

គ.ជ.ប បានឲ្យដឹងថា ថ្ងៃទី០៤ ខែមិថុនា ឆ្នាំ២០១៧ ខាងមុខនេះ ជាថ្ងៃដែលប្រជាពលរដ្ឋត្រូវទៅបោះឆ្នោត ដើម្បីបោះឆ្នោតប្រជាពលរដ្ឋត្រូវ៖

ជាមួយគ្នានេះ គ.ជ.ប សង្ឃឹមទុកជាមុនថា ប្រជាពលរដ្ឋគណៈកម្មការរៀបចំ ការបោះឆ្នោតគ្រប់លំដាប់ថ្នាក់ គណបក្សនយោបាយ អង្គការមិនមែនរដ្ឋាភិបាលជាតិអន្ដរជាតិ និងភាគីពាក់ព័ន្ធ នឹងអនុវត្តតាមសេចក្ដីជូនដំណឹងនេះ ឲ្យមានប្រសិទ្ធភាពខ្ពស់៕

គ.ជ.ប ចេញសេចក្តីជូនដំណឹង បញ្ជាក់ពីឯកសារផ្លូវការ របស់ប្រជាពលរដ្ឋ សម្រាប់យកទៅប្រើប្រាស់ ក្នុងការបោះឆ្នោតក្រុមប្រឹក្សាឃុំ-សង្កាត់!

ទៅមុខថយក្រោយ