បច្ចុប្បន្នភាពកម្ពុជា

ក្រសួងការបរទេសកម្ពុជា ចេញបំភ្លឺ៖ ករណីនាវាដឹកអាវុធគ្រាប់រ៉ុកកែត ជាង៣ម៉ឺនដើមនៅប្រទេសអេហ្ស៊ីប បំពាក់ទង់ជាតិកម្ពុជា គឺជាការប្រើប្រាស់ខុសច្បាប់ និងអាចដាក់ទោសតាមច្បាប់ និងបទបញ្ញត្តិអន្តរជាតិ

FN ៖ បន្ទាប់ពីមានការ​ចេញផ្សាយដោយសារព័ត៌មាន Washington Post របស់​សហរដ្ឋអាមេរិក ​នៅរសៀល​ថ្ងៃចន្ទ ទី០២ ខែតុលា ឆ្នាំ២០១៧ថា នាវាដ៏​អាថ៌កំបាំង​មួយ​បានធ្វើដំណើរឆ្ពោះទៅកាន់​ព្រែកជីក​ស៊ុយអេ ហើយវាមានឈ្មោះថា ជី ស៊ុន (Jie Shun) ដោយមានដោតទង់ជាតិ​នៃប្រទេសកម្ពុជា ព្រមទាំងដឹកអាវុធជាប្រភេទកាំភ្លើងបាញ់គ្រាប់រ៉ុបកែតជាង៣០,០០០ដើម, ដោយនៅយប់ថ្ងៃទី០២ ខែតុលា ឆ្នាំ២០១៧នេះ ក្រសួងការបរទេសកម្ពុជា បានចេញសេចក្តីបំភ្លឺមួយដោយបញ្ជាក់ថា នាវាទាំងឡាយណា ដែលអះអាងថា ស្ថិតក្រោមទង់ជាតិកម្ពុជាក្រោយចុងខែសីហា ឆ្នាំ២០១៦ គឺជាត្រូវបានចាត់ទុកថាខុសច្បាប់ និងអាចត្រូវបានដាក់ទោសដោយច្បាប់ និងបទបញ្ញត្តិអន្តរជាតិ។

នៅក្នុងសេចក្តីបំភ្លឺ ក្រសួងការបរទេសកម្ពុជា ដែលបណ្តាញព័ត៌មាន Fresh News ទទួលបាននៅយប់ថ្ងៃច័ន្ទនេះបានបញ្ជាក់ថា តាមរយៈកំណត់ទូត ចុះថ្ងៃទី១២ ខែមេសា ឆ្នាំ២០១៦ បានជូនដំណឹងដល់ស្ថានទូតនៃសាធារណៈរដ្ឋកូរ៉េនៅភ្នំពេញថា នាវាចំនួន៣គ្រឿង របស់ក្រុមហ៊ុនកូរ៉េខាងជើងមួយ បំពាក់ទង់ជាតិកម្ពុជា ត្រូវបានលុបចេញពីបញ្ជីដោយ ISROC ស្របតាមកថខណ្ឌទី១៩ នៃសេចក្តីសម្រេចលេខ ២២៧០ ចុះថ្ងៃទី០២ ខែមីនា ឆ្នាំ២០១៦ របស់ក្រុមប្រឹក្សាសន្តិសុខអង្គការសហប្រជាជាតិ។

ក្រសួងការបរទេសកម្ពុជា សូមបញ្ជាក់ថា ការប្រើប្រាស់ទង់ជាតិកម្ពុជា ដោយនាវាណាក៏ដោយ រួមទាំងនាវាដែលបានលើកឡើងនេះគឺជាការប្រើប្រាស់ដោយខុសច្បាប់៕

ព្រឹកនេះកម្ពុជា ចុះហត្ថលេខាទទួលជំនួយជប៉ុន ៣៥លានដុល្លារសម្រាប់សងសង់ស្ពាន និងផ្លូវ នៅតំបន់រងគ្រោះដោយទឹកជំនន់

FN ៖ រាជរដ្ឋាភិបាលកម្ពុជា បានទទួលជំនួយឥតសំណងប្រមាណ ៣៥លានដុល្លារអាមេរិក ពីរាជរដ្ឋាភិបាលជប៉ុន សម្រាប់សាងសង់ស្ពាន និងផ្លូវនៅតំបន់រងគ្រោះដោយសារទឹកជំនន់ក្នុងខេត្តក្រចេះ និងព្រៃវែង។

ពិធីចុះហត្ថលេខាទទួល និងផ្តល់ជំនួយនេះ ត្រូវបានធ្វើឡើងនាព្រឹកថ្ងៃទី០៣ ខែតុលា ឆ្នាំ២០១៧នេះ រវាងលោកទេសរដ្ឋមន្រ្តី ប្រាក់ សុខុន រដ្ឋមន្ដ្រីក្រសួងការបរទេស និងសហប្រតិបត្តិការអន្ដរជាតិ និង លោក រីណូអ៊ុជី ហ៊ីដេហ៊ីសា ​ឯកអគ្គរាជទូតជប៉ុនប្រចាំកម្ពុជា។

តាមរយៈជំនួយខាងលើនេះ ស្ពានចំនួន៥ នៅលើផ្លូវជាតិលេខ៧៣ ក្នុងខេត្តក្រចេះ និងស្ពានចំនួន ២ទៀត​ នៅលើផ្លូវជាតិលេខ១១ នៅក្នុងខេត្តព្រៃវែង នឹងត្រូវបានសាងសង់សម្រាប់ ជំនួសស្ពានកំពុងប្រើប្រាស់នាពេលបច្ចុប្បន្ន ដើម្បីពង្រីកសមត្ថភាពដឹកជញ្ជូននៅតាមបណ្ដោយផ្លូវជាតិទាំងពីរនេះ។

ទាំងលោកទេសរដ្ឋមន្រ្តី ប្រាក់ សុខុន និងលោកឯកអគ្គរាជទូតជប៉ុន សុទ្ធតែមានសុទិដ្ឋិនិយមថា ជំនួយនេះនឹងជួយជួយបង្កើនសមត្ថភាពនៃការដឹកជញ្ជូន កាត់បន្ថយពេលវេលា និងលុយកាក់ធ្វើដំណើរ និងដឹកជញ្ជូនរបស់បងប្អូនប្រជាពលរដ្ឋ។ ជាពិសេសជួយលើកកម្ពស់ជីវភាពរបស់ប្រជាពលរដ្ឋនៅតាមតំបន់ងាយរងគ្រោះដោយទឹកជំនន់។

លោកទេសរដ្ឋមន្រ្តី ប្រាក់ សុខុន បានថ្លែងអំណរគុណដ៏ជ្រាលជ្រៅចំពោះរាជរដ្ឋាភិបាល និងប្រជាជនជប៉ុន ដែលបានផ្តល់ជំនួយជាបន្តបន្ទាប់ដល់ប្រទេសកម្ពុជា។

ប្រមុខការទូតកម្ពុជា បានបញ្ជាក់យ៉ាងដូច្នេះ «ជំនួយដែលបានផ្តល់តាមរយៈការចុះហត្ថលេខានៅថ្ងៃនេះ និងជំនួយជាច្រើនដែលបានរដ្ឋាភិបាល និងប្រជាជនជប៉ុន បានផ្ដល់កន្លងមក ជាការរួមចំណែកដ៏ធំធេងដល់កិច្ចប្រឹងប្រែងរបស់រាជរដ្ឋាភិបាលកម្ពុជា ដើម្បីកសាងហេដ្ឋារចនាសម្ព័ន្ធ អភិវឌ្ឍសេដ្ឋកិច្ច និងកាត់បន្ថយភាពក្រីក្ររបស់ប្រជាជន»។

សូមបញ្ជាក់ថា ចាប់តាំងពីខែមេសា ឆ្នាំ២០១៧ កម្ពុជាបានទទួលបានជំនួយអភិវឌ្ឍន៍ផ្លូវរបស់ជប៉ុន ប្រហែល ២៤៩លានដុល្លារអាមេរិក ក្នុងនោះរួមមាន ហិរញ្ញប្បទានឥតសំណងប្រមាណ ៤០លានដុល្លារអាមេរិក សម្រាប់អភិវឌ្ឍធនធានមនុស្ស និងការពារទឹកជំនន់ព្រមទាំង ការកែលំអរប្រព័ន្ធលូបង្ហូរទឹកនៅរាជធានីភ្នំពេញ និងកម្ចីសម្បទាន ដែលមានទឹកប្រាកប្រមាណ ២០៩លានដុល្លារអាមេរិក សម្រាប់ការអភិវឌ្ឍចំណតផែកុងតឺន័រថ្មីនៅក្នុងក្រុងព្រះសីហនុ៕

រដ្ឋមន្រ្តីក្រសួងសុខាភិបាល​ ចុះពិនិត្យព្យាបាលជំងឺជូនកម្មករ-កម្មការីនីជិត៤ពាន់នាក់ នៅរោងចក្រដេស្បែកជើង ប៉ុនទូសហ្វតវើល ខេត្តតាកែវ

FN​ ៖ រដ្ឋមន្រ្តីក្រសួងសុខាភិបា​ល លោក​ ម៉ម ប៊ុនហេង នៅព្រឹកថ្ងៃ​ទី០​៣ ខែ​តុលា ឆ្នាំ​២០១៧នេះ បានចុះដឹកនាំក្រុមគ្រូពេទ្យរបស់មន្ទីរសុខាភិបាលខេត្តតាកែវ មកព្យាបាលជូនដល់បងប្អូនកម្មករ កម្មការីនី ប្រមាណ៣​,៥​០០នាក់ នៅរោងចក្រស្បែកជើង «ប៉ុនទូសហ្វតវើល» ដែលស្ថិតនៅក្នុងឃុំកំភេម ស្រុកត្រាំកក់​។

​ថ្លែងនៅចំពោះមុខបងប្អូនកម្មករ-កម្មការីនីទាំងអស់ លោក​រដ្ឋមន្រ្តី ម៉ម ប៊ុនហេង បានបញ្ជាក់ថា ការចុះមកពិនិត្យព្យាបាលជូនបងប្អូនកម្មករទាំងអស់នៅថ្ងៃនេះ គឺជាការឆ្លើយតបទៅនិង​ការជម្រុញរបស់សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ដែលសម្ដេចបានឲ្យក្រុមគ្រូពេទ្យទាំងអស់ ត្រូវតែបង្កើនយកចិត្តទុកដាក់ ជួយព្យាបាលជំងឺដល់បងប្អូនកម្មករ ដោយយកក្រុមគ្រូពេទ្យ មកពិនិត្យព្យាបាល​ដល់រោងចក្រផ្ទាល់តែម្ដង ហើយការព្យាបាលនេះ គឺមិនគិតកម្រៃនោះទេ ម្យ៉ាងទៀតវាជាការជួយដល់កម្មករ មិនបាច់ចំណាយពេលវេលាទៅព្យាបាលនៅមន្ទីរពេទ្យ ដែលនៅឆ្ងាយពីផ្ទះ។

នៅក្នុងឱកាសនោះលោករដ្ឋមន្រ្តី ក៏បានលើកឡើង ប្រាប់កម្មករពីការយកចិត្តទុកដាក់ ចំពោះបងប្អូនកម្មករពីសំណាក់សម្ដេចតេជោ ហ៊ុន សែន ដែលថ្មីៗនេះ សម្ដេចបានប្រកាស់ស្ដីពីការផ្ដល់សារៈប្រយោជន៍ជាច្រើន ដល់បងប្អូនកម្មករ ដូចជាការតម្លើងប្រាក់ខែ បញ្ចុះតម្លៃទឹក ភ្លើង ជិះរថយន្តក្រុងដោយមិនប្រាក់ ការគាំពាសុខភាព និងការទទួលបានប្រាក់សោធននិវត្តន៍ ដូចមន្រ្តីរាជការនៅពេលឆាប់ខាងមុខនេះ ជាពិសេសកម្មការិនីនេះ ដែលឆ្លងទន្លេ​បានឈប់សម្រាកចំនួន៣ខែ ហើយ​ទទួលប្រាក់ចំនួន៤០ម៉ឺនរៀល ពីរាជរដ្ឋាភិបាល និង​ទទួលប្រាក់ខែ១២០ភាគរយ ព្រមទាំងទទួលបានផលប្រយោជន៍ជាច្រើនទៀត។

​បើតាមលោករដ្ឋមន្ដ្រី ការគិតគូពីសំណាក់ប្រមុខរាជរដ្ឋាភិបាលកម្ពុជា ពិតជាបានធ្វើឲ្យជីវភាព​បងប្អូនកម្មករ កម្មាកា​រីនី កាន់តែមានជីវភាពធូធារ ដែលនេះពិតជាសំណាងដែលកម្ពុជា មានមេដឹកនាំដែលដឹងសុខទុក្ខដល់បងប្អូនកម្មករ និងប្រជាពលរដ្ឋដូច្នោះសូមបងប្អូនទាំងអស់ ត្រូវតែនាំគ្នាចូលរួមជាមួយរាជរដ្ឋាភិបាល ក្នុងការរក្សាសន្តិភាព និងស្ថេរភាពនយោបាយ កុំជឿការអុចអាលញុះញង់ពីក្រុមណាមួយ ដែលធ្វើឲ្យប្រទេសមានការបែកបាក់ ធ្វើឲ្យប្រទេសមានភាពចលាចល និយាយជារួមសូមបងប្អូនត្រូវចូលរួមជាមួយរាជរដ្ឋាភិបា​ល ដើម្បីធ្វើឲ្យប្រទេសជាតិ​កាន់តែមានការអភិវឌ្ឍន៍ និងធ្វើឲ្យជីវភាពបងប្អូនកាន់តែមានភាពប្រសើរឡើង៕

លោក​ ហ៊ុន​ ម៉ាណែត និងមន្រ្តីយោធាជាន់ខ្ពស់បារាំង សន្យាពង្រឹងការងារសំខាន់ៗ លើវិស័យយោធាកម្ពុជា-បារាំង កាន់តែខ្លាំងឡើង, ភាគីបារាំងនឹងបន្តបណ្តុះបណ្តាល នាយទាហានវ័យក្មេងរបស់កម្ពុជា

FN ៖ តបតាមការអញ្ជើញ​របស់ក្រសួងការពារជាតិបារាំង​ លោកឧត្តមសេនីយ៍​ ហ៊ុន​ ម៉ាណែត​ បានដឹកនាំគណៈប្រតិភូបំពេញ​ទស្សនកិច្ច​ផ្លូវការក្រសួងការពារជាតិបារាំង​ នាសប្តាហ៍នេះ។ លោក ហ៊ុន ម៉ាណែត និងគណៈប្រតិភូ បានចូលជួប និងពិភាក្សាការងារ​ជាមួយលោក​ឧត្តមសេនីយ៍​ Gen. Philippe ERRERA អគ្គនាយក នៃអគ្គនាយកដ្ឋានទំនាក់ទំនងអន្តរជាតិ​ និង​យុទ្ធសាស្ត្រ​ (DGRIS) នៃក្រសួង​ការពារជាតិបារាំង​ នៅក្នុងទីក្រុង​ប៉ារីស ដោយផ្តោតសំខាន់លើកិច្ចសហប្រត្តិបត្តការ លើវិស័យយោធានៃប្រទេសទាំង២។

នៅក្នុងឱកាសនោះលោក ហ៊ុន​ ម៉ាណែត​ បានថ្លែងអំណរគុណដល់ភាគីមិត្ត នៃប្រទេសបារាំងដែលបានបានសហប្រត្តិបត្តការ លើវិស័យ​យោធានា​ពេលកន្លងមក ដោយផ្តោតលើកាបន្តបណ្តុះបណ្តាល និងកសាងសមត្ថភាពជំនាញយោធាផ្សេងៗ និងបន្តជួយបណ្តុះបណ្តាល​លើផ្នែកភាសាសម្រាប់និស្សិត។

លោក ហ៊ុន​ ម៉ាណែត​ ក៏បានស្នើឱ្យភាគីបារាំង បន្តជួយហ្វឹកហ្វឺនដល់កងកម្លាំងរក្សាសន្តិភាព អង្គការសហប្រជាជាតិ និងស្នើសុំវគ្គសិក្សា​សម្រាប់វគ្គនាយទាហានវ័យក្មេង និងស្នើសុំភាគីបារាំងជួយ សាលាហ្វឹកហ្វឺន នាយទាហានសកម្មលើពង្រីកចំណេះដឹង និងបច្ចេកវិទ្យា​ផ្សេងៗ។

ជាការឆ្លើយតបលោកឧត្តមសេនីយ៍​ Gen. Philippe ERRERA ​បានស្វាគមន៍យ៉ាងកក់ក្តៅ ចំពោះលោក ហ៊ុន ម៉ាណែត និងគណៈប្រតិភក្នុង​ដំណើរទស្សនកិច្ចផ្លូការ នៅក្រសួងការពារជាតិបារាំង​នៅពេលនេះ។

លោកឧត្តមសេនីយ៍​ Gen. Philippe ERRERA ក្នុងនាមភាគីបារាំង បានទទួលយកសំណើរនេះ ហើយពិនិត្យលទ្ធភាពក្នុងការជួយ​បន្តបណ្តុះបណ្តាល និងកសាងសមត្ថភាពនាយទាហានវ័យក្មេង របស់កម្ពុជាតាមលក្ខខណ្ឌរបស់ភាគីបារាំង។

​សូមបញ្ជាក់ថា គោលបំណងនៃជំនួបផ្លូវការនេះ គឺជាការរឹតបន្តឹងចំណងមិត្តភាព​ សាមគ្គីភាព​ និង​កិច្ចសហប្រតិបត្តិការល្អ​ រវាងប្រទេសទាំងពីរ​ កម្ពុជា-បារាំង ​លើវិស័យយោធា។ នេះគជាកម្មវិធីមួយក្នុងកម្មវិធីជាច្រើន ក្នុងដំណើរទស្សនកិច្ចរបស់លោក ហ៊ុន ម៉ាណែត មកកាន់តំបន់អឺរ៉ុប៕

ឆមាសទី១ឆ្នាំ២០១៧នេះ អ្នកជំងឺភ្នែកជិត១៦ម៉ឺននាក់ មកទទួលសេវាពិនិត្យព្យាបាលភ្នែក នៅមន្ទីរពេទ្យរដ្ឋទូទាំងប្រទេស

FN ៖ ក្នុងរយៈពេលឆមាសទី១ ឆ្នាំ២០១៧នេះ អ្នកជំងឺភ្នែក ចំនួន១៥៥,៣៣៨នាក់ ដែលមកទទួលសេវាពិនិត្យព្យាបាលភ្នែក នៅតាមបណ្ដាមន្ទីរពេទ្យរដ្ឋ នៅទូទាំងប្រទេស ដែលចំនួននេះមានការកើនឡើង ជាងឆ្នាំ២០១៥-២០១៦ កន្លងទៅ។ នេះបើតាមការលើកឡើង របស់នាយកកម្មវិធីជាតិសុខភាពភ្នែកនៃក្រសួងសុខាភិបាល និងជាប្រធានមន្ទីរពេទ្យមិត្ដភាពខ្មែរ-សូវៀត លោក សាស្ត្រាចារ្យ ងី ម៉េង ថ្លែងប្រាប់អង្គភាពព័ត៌មាន Fresh News នៅថ្ងៃទី០១ ខែតុលា ឆ្នាំ២០១៧នេះ។

លោកបានថ្លែងបន្ដថា «អ្នកជំងឺភ្នែកជិត១៦ម៉ឺននាក់នេះ គឺមានទាំងអ្នកជំងឺភ្នែកឡើងបាយ ជំងឺកន្ទុយថ្លែនភ្នែក ពិការភ្នែក និងគំហើញ ដែលមានកើនឡើងជាងឆ្នាំមុនៗ ហើយបើនិយាយជាសរុប ក្នុងរយៈពេលមួយឆ្នាំ២០១៦កន្លងទៅ គឺមានអ្នកជំងឺភ្នែកត្រឹមតែ ២៨៨,៥២៥នាក់ប៉ុណ្ណោះ ក្នុងនោះអ្នកវះកាត់ភ្នែក សរុប៤៥,៩៣២នាក់ ។ដូច្នេះយើងបានសហការួមគ្នាជាមួយ មូលនិធិហ្រ្វេតហូឡូ បានរៀបចំសិក្ខាសាលា កាលពីចុងខែកញ្ញានេះរួចមកហើយ ដើម្បីបង្ហាញលទ្ធផល រយៈពេល៦ខែ ដើមឆ្នាំ២០១៧នេះ និងរៀបចំផែនការបន្ត ក្នុងការថែទាំសុខភាពភ្នែក និងកាត់បន្ថយភាពពិការភ្នែក របស់ប្រជាពលរដ្ឋនៅកម្ពុជា ក្រោមអធិបតីភាពលោកសាស្រ្តាចារ្យ អេង ហួត រដ្ឋលេខាធិការនៃក្រសួងសុខាភិបាល»។

គួរបញ្ជាក់ថា ក្នុងលទ្ធផលសម្រាប់ឆមាសទី១ ឆ្នាំ២០១៧ នេះ កម្មវិធីជាតិសុខភាពភ្នែក នៃក្រសួងសុខាភិបាល និងភាគីពាក់ព័ន្ធ បានសម្រេចសមិទ្ធផលដូចជា៖

*វិសយ័ធនធានមនុស្ស សហការជាសកលវិទ្យាសាស្រ្តសុខាភិបាល បាននិងកំពុងបន្តការបណ្តុះបណ្តាលឯកទេសចក្ខុសាស្រ្តដូចជា ចក្ខុបណ្ឌិត ចក្ខុគិលានុប្ប និង ចក្ខុមាត្រការី។

*ពង្រឹកការធ្វើរផែនការ និងការអនុវត្តកម្មវិធីសុខភាពភ្នែកនៅថ្នាក់ក្រោមជាតិរហូតដល់មូលដ្ឋាន ក្នុងខេត្តគោលដៅសាកល្បងចំនួន៣ ដើម្បីធានាឲ្យបាន នូវការផ្តល់សេវាភ្នែក នៅតាមមណ្ឌលសុខភាព មន្ទីរពេទ្យបង្អែក និងមន្ទីរពេទ្យខេត្ត ។បង្កើតក្រុមការងារបច្ចេកទេសសុខភាពភ្នែក នៅតាមបណ្តាខេត្តដើម្បីជួយគាំទ្រដល់ការអនុវត្តផែនការ ដូចជាដាក់បញ្ចូលផែនការភ្នែកក្នុងផែនការប្រចាំឆ្នាំរបស់ស្រុកប្រតិបត្ត និងមន្ទីរសុខាភិបាលខេត្ត។

*ផ្តល់ការគាំទ្រ ដល់ការវះកាត់ស្តារគំហើញ ដល់ប្រជាជនក្រីក្ររ ក្នុងខេត្តគោលដៅចំនួន៩ និង២មន្ទីរពេទ្យ នៅរាជធានីភ្នំពេញ។

*សហការជា អន្តរក្រសួង៖...Read More

រដ្ឋបាលរាជធានីភ្នំពេញ ប្រកាសសារជាថ្មី ស្ដីពីការផ្អាកចរាចរណ៍ទាំងស្រុង លើស្ពានជ្រោយចង្វារទី១ ចាប់ពីម៉ោង១២យប់នេះតទៅ ដើម្បីធ្វើការជួសជុលឡើងវិញ

FN ៖ រដ្ឋបាលរាជធានីភ្នំពេញបានប្រកាសសារជាថ្មី ស្ដីពីការផ្អាកចរាចរណ៍ទាំងស្រុង លើស្ពានមិត្តភាពកម្ពុជា-ជប៉ុន (ស្ពានជ្រោយចង្វារទី១) ចាប់ពីម៉ោង១២យប់ ថ្ងៃទី៣០ ខែកញ្ញា ឆ្នាំ២០១៧នេះតទៅ ដើម្បីធ្វើការជួសជុលឡើងវិញ។

លោក ម៉េត មាសភក្ដី អ្នកនាំពាក្យសាលារាជធានីភ្នំពេញ បានប្រាប់មកអង្គភាព Fresh News ឲ្យដឹងថា «ចាប់ពីម៉ោង១២យប់ ថ្ងៃទី៣០ ខែកញ្ញា ឆ្នាំ២០១៧ រំលងអាធ្រាត្រឈានចូលថ្ងៃទី១ ខែតុលា ឆ្នាំ២០១៧នេះ ស្ពានមិត្តភាពកម្ពុជា-ជប៉ុន (ស្ពានជ្រោយចង្វារទី១) នឹងចាប់ផ្ដើមបិទការចរាចរណ៍ទាំងស្រុង ដើម្បីធ្វើការជួសជុលស្ពាននេះឡើងវិញ»។

កាលពីថ្ងៃទី២៧ ខែកញ្ញា ឆ្នាំ២០១៧ រដ្ឋបាលសាលារាជធានីភ្នំពេញ បានចេញសេចក្តីជូនដំណឹងថ្មីមួយទៀត ដោយបានបញ្ជាក់ថា មិនអនុញ្ញាតឲ្យរថយន្តដឹកទំនិញធំៗ ដែលធ្វើដំណើរ ចូលរាជធានីភ្នំពេញ តាមផ្លូវជាតិលេខ៦ ឆ្លងកាត់ស្ពានជ្រោយចង្វារ ចាប់ពីថ្ងៃទី០១ ខែតុលា ឆ្នាំ២០១៧ រហូតដល់ស្ពាន ជួសជុលត្រូវបានបញ្ចប់ ដោយត្រូវពង្វាងចរាចរ ទៅតាមផ្លូវឆ្ពោះទៅស្ពានព្រែកក្តាម មកផ្លូវជាតិលេខ៥ ចូលមកក្រុងវិញ។

សេចក្ដីជូនដំណឹង បានឲ្យដឹងថា ក្នុងន័យនេះ ដើម្បីជៀសវៀងការកកស្ទះចរាចរ នៅលើស្ពានមិត្តភាពកម្ពុជា-ចិន (ជ្រោយចង្វារទី២) ក៏ដូចជាចំណុចក្បាលស្ពានទាំងសងខាងនោះ រដ្ឋបាលរាជធានីភ្នំពេញ សូមធ្វើការជូនដំណឹងដូចខាងក្រោម៖

ទី១៖ ចំពោះរថយន្ដធុនធំចូលរាជធានីភ្នំពេញ តាមផ្លូវជាតិលេខ៦​ ត្រូវពង្វាង់បត់ចូលតាមផ្លូវ លី យ៉ុងផាត់។

ទី២៖ ចំពោះយានយន្ដគ្រប់ប្រភេទ ដែលធ្វើចរាចរទិសដៅចូលរាជធានីភ្នំពេញ តាមផ្លូវជាតិលេខ៦ មកដល់ចំណុចថ្នល់កែង ត្រូវបត់ស្ដាំធ្វើចរាចរតាមកំណត់ផ្លូវជាតិលេខ៦ ឆ្ពោះទៅស្ពានព្រែកក្ដាម និងបន្ដដំណើរចូលរាជធានីភ្នំពេញ តាមផ្លូវជាតិលេខ៥វិញ។

ទី៣៖ ក្នុងករណីមានការកកស្ទះចរាចរណ៍ ក្នុងតំបន់ការដ្ឋានធ្ងន់ធ្ងរ អ្នកបញ្ជាយានយន្ដគ្រប់ប្រភេទ ត្រូវអនុវត្តតាមការបង្វែទិសចរាចរណ៍របស់សមត្ថកិច្ចជំនាញ។

រដ្ឋបាលរាជធានីភ្នំពេញ សង្ឃឹមជឿជាក់យ៉ាងមុតមាំថា បងប្អូនប្រជាពលរដ្ឋ និងសាធារណជនដែលធ្វើដំណើរឆ្លងកាត់ផ្លូវជាតិលេខ៦នេះ នឹងចូលរួមអនុវត្តច្បាប់ចរាចរណ៍ផ្លូវគោក និងសហការយ៉ាងល្អជាមួយ នឹងសមត្ថកិច្ចពាក់ព័ន្ធ ដោយឈរលើស្មារតីយោគយល់ អធ្យាស្រ័យខ្ពស់ ស្របតាមខ្លឹមសារនៃសេចក្ដីជូនដំណឹងនេះ៕

ធនាគារកាណាឌីយ៉ា ចុះ MoU ជាមួយ ប.ស.ស ផ្ដល់សេវាកម្ម បង់ភាគទាន និងការទូទាត់របបឧបត្ថម្ភសម្រាប់កម្មករ-កម្មការិនី

FN ៖ ធនាគារកាណាឌីយ៉ា ក.អ នាព្រឹកថ្ងៃទី២៩ ខែកញ្ញា ឆ្នាំ២០១៧នេះ បានចុះហត្ថលេខាលើកិច្ចព្រមព្រៀងមួយស្ដីពី ការប្រើប្រាស់សេវាកម្ម បង់ភាគទាន និងការទូទាត់តាវកាលិក (របបឧបត្ថម្ភសម្រាប់កម្មករ-កម្មការិនី) ជាមួយបេឡាជាតិរបបសន្ដិសុខសង្គម ដែលហៅកាត់ថា ប.ស.ស។

លោក គ័រ ប៊ុនឡេង អគ្គនាយកប្រតិបត្តិ នៃធនាគារកាណាឌីយ៉ា ក.អ បានឲ្យដឹងថា ការចូលរួមសហការជាមួយនឹង ប.ស.ស នៅក្នុងការបម្រើជូន នូវសេវាកម្មបង់ភាគទាន និងការទូទាត់ តាវកាលិកនេះ។ លោកបានលើកឡើងថា គឺដោយសារតែ ធនាគារកាណាឌីយ៉ាចង់បង្កើននៃភាពងាយស្រួល ជូនដល់សាធារណជន។

លោក អ៊ុក សមវិទ្យា នាយក ប.ស.ស បានថ្លែងថា «ថ្ងៃនេះ បេឡាជាតិរបបសន្ដិសុខសង្គម មានការរីករាយ ចំពោះកិច្ចសហការចូលរួម រវាងធនាគារកាណាឌីយ៉ា ជាមួយនឹងអង្គភាព ប.ស.ស.ស ដែលជាអង្គភាពរបស់រដ្ឋ»។

លោក អ៊ុក សមវិទ្យា បានឲ្យដឹងថា ប.ស.ស បានចាប់ផ្ដើមដំណើរការនៅឆ្នាំ២០០៨ ដោយគិតរហូតមកដល់ពេលនេះ នៅសល់តែ១ខែទៀតប៉ុណ្ណោះ គម្រោងខួប៩ឆ្នាំ នៃការបង្កើនប.ស.ស.នេះ។ បច្ចុប្បន្ន ប.ស.ស មានសមាជិក ដែលជាកម្មករនិយោជិត នៅតាមបណ្ដាលសហគ្រាសឯកជនចំនួន១លាន ២សែននាក់។

លោកបានបន្ថែមទៀតថា «យើងសង្ឃឹមថា នៅក្នុងរយៈពេលដ៏ខ្លីខាងមុខ ប.ស.ស អាចនឹងកើន សមាជិករហូតដល់ជាង៣លាននាក់។ ដោយយើង នឹងចាប់ផ្ដើមចុះបញ្ជី ចាប់ពីសហគ្រាសដែលមានប្រើប្រាស់ កម្មករនិយោជិត ចាប់ពីម្នាក់ឡើងទៅ»។

លោក អ៊ុក សមវិទ្យា បានបញ្ជាក់ថា បច្ចុប្បន្ននេះ ប.ស.ស កំពុងតែអនុវត្ដនូវប្រព័ន្ធពីររួមមាន៖ ហានិភ័យការងារ (គ្រោះថ្នាក់ការងារ) និងផ្នែកថែទាំសុខភាព។ ដោយឡែកផ្នែកថែទាំសុខភាព ប.ស.ស កំពុងតែអនុវត្តបានជិត១ពាន់នាក់ ហើយនិងមានអ្នកចូលរួមជិត១លាននាក់ផងដែរ៕

លោក អៀង មូលី៖ «រាជរដ្ឋាភិបាលបានប្តេជ្ញា ធ្វើឲ្យសម្រេចនូវគោលដៅ​ ៩៥-៩៥-៩៥ ដើម្បីបញ្ចប់ការចម្លងមេរោគអេដស៍ នៅឆ្នាំ២០២៥»

FN ៖ លោកទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធ​ នឹងជំងឺអេដស៍បានថ្លែងឲ្យដឹងថា រាជរដ្ឋាភិបាលបានប្តេជ្ញា ធ្វើឲ្យសម្រេចនូវគោលដៅ​ ៩៥-៩៥-៩៥ ដើម្បីបញ្ចប់ការចម្លងមេរោគអេដស៍ នៅឆ្នាំ២០២៥ ហើយការធានាឲ្យមាន កម្មវិធីសំណាញ់សុវត្ថិភាពសង្គម (Social Safety ​Net Program) និងជាពិសេសការពង្រឹង​ ប្រព័ន្ធគាំពារសង្គម ជាបន្ទុកមួយដែលរាជរដ្ឋាភិបាលត្រូវរៀបចំ នូវ​គោលនយោបាយយូរអង្វែង ដើម្បីលើកស្ទួយជីវភាពជនក្រីក្រ ដែលមានរួមបញ្ចូលគ្រួសារ ដែលទទួលរងផលប៉ះពាល់ នៃជំងឺអេដស៍​។

ការថ្លែងបែបនេះ របស់លោក អៀង មូលី ត្រូវបានធ្វើឡើងក្នុង​ពិធីបិទសិក្ខាសាលាស្ដីពី «ការពិគ្រោះយោបល់ស្តីពីការបញ្ចូល​គ្រួសាររងផល ប៉ះពាល់ដោយសារមេរោគអេដស៍ ​និងជនងាយរងគ្រោះ ​ក្នុងដំណើរការ​កំណត់អត្តសញ្ញាណ គ្រួសារក្រីក្រ» ដែលបានរៀបចំឡើង នាល្ងាចថ្ងៃ​ទី​២៨ ខែកញ្ញា ឆ្នាំ២០១៧នេះ នៅឯសណ្ឋាគារកាំបូឌីយ៉ាណា។ ក្នុងនោះក៏មានការអញ្ជើញ​ចូលរួមពីសំណាក់ លោកស្រី វ្លាដាំងកា អាន់ដ្រីវ៉ា ប្រធានអង្គការយូអិនអេដស៍ (UNAIDS) ប្រចាំកម្ពុជា, ប្រធានលេខាធិការដ្ឋានអេដស៍ និងជាប្រធានកម្មវិធីអេដស៍ និងកាមរោគ រាជធានីភ្នំពេញ និងខេត្តទាំង២៥, អ្នកតំណាងដៃគូអភិវឌ្ឍន៍ និងសង្គមស៊ីវិល និង ​អ្នកតំណាងប្រជាជនប្រឈម​មុខខ្ពស់ និងអ្នកផ្ទុកមេរោគអេដស៍ ជាច្រើននាក់។

លោកទេសរដ្ឋមន្រ្តី អៀង មូលី បានបន្តឲ្យដឹងទៀតថា ដើម្បីលើកកម្ពស់ការយល់ដឹង របស់អង្គសិក្ខាសាលាទាំងមូល និងជាពិសេសពង្រឹងភាពជាម្ចាស់ ក្នុងការឆ្លើយតបនឹងជំងឺអេដស៍ នៅ​ថ្នាក់ក្រោមជាតិ ក្នុងពិធីបិទសិក្ខាសាលានេះ លោកសូមលើកឡើងនូវការខិតខំប្រឹង ប្រែងរបស់រាជរដ្ឋាភិបាល ក្នុងការរួមចំណែកកាត់​បន្ថយផលប៉ះពាល់ នៃជំងឺអេដស៍ដែលបាន និងកំពុងអនុវត្តនាពេលកន្លងមក ក៏ដូចជាក្នុងពេលបច្ចុប្បន្ន។ ក្នុងនោះ រាជរដ្ឋាភិបាលបានប្តេជ្ញា ធ្វើឲ្យសម្រេចនូវគោលដៅ ៩៥-៩៥-៩៥ ដើម្បីបញ្ចប់ការចម្លងមេរោគអេដស៍ នៅឆ្នាំ២០២៥។

ក្នុងការធានាឲ្យមានប្រព័ន្ធ​គាំពារ សង្គមយូរអង្វែង ដល់គ្រួសារដែលទទួលរង ផលប៉ះពាល់នៃជំងឺ...Read More

JICA គ្រោងបញ្ជូនអ្នកដឹកនាំវ័យក្មេងកម្ពុជា១៤រូបទៀត ទៅចូលរួម «វគ្គបណ្តុះបណ្តាលប្រតិបត្តិការ និងការគ្រប់គ្រងសុខភាពសហគមន៍» នៅជប៉ុន នាខែក្រោយ

FN ៖ ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន ហៅកាត់ថា JICA បានចេញផែនការជំហានទី២ ដោយគ្រោងបញ្ជូនអ្នកដឹកនាំកម្ពុជាវ័យក្មេងកម្ពុជា១៤រូបទៀត ទៅចូលរួម «វគ្គបណ្តុះបណ្តាលប្រតិបត្តិការ និងការគ្រប់គ្រងសុខភាពសហគមន៍» នៅជប៉ុន នាខែក្រោយ។ គម្រោងបញ្ជូនអ្នកដឹកនាំកម្ពុជា វ័យក្មេងកម្ពុជា១៤រូបនាពេលនេះ បានធ្វើឡើង បន្ទាប់ពី JICA បាន បញ្ជូនក្រុមទី១ មានចំនួន១៤នាក់ ទៅចូលរួមវគ្គបណ្តុះបណ្តាលជំនាញបច្ចេកទេសនៅប្រទេសជប៉ុន កាលពីថ្ងៃទី១១ ដល់ថ្ងៃទី២៨ ខែកញ្ញា ឆ្នាំ២០១៧។

ជាមួយគ្នានោះ JICA នៅថ្ងៃទី២៩ ខែកញ្ញា ឆ្នាំ២០១៧នេះ ក៏បានរៀបចំសិក្ខាសាលាតម្រង់ទិសមុនពេលដំណើរ «កម្មវិធីបណ្តុះបណ្តាល សម្រាប់អ្នកដឹកនាំវ័យក្មេងឆ្នាំ២០១៧» នៅសណ្ឋាគារភ្នំពេញ ដោយមានការចូលរួមពី លោក ឡូ វាសនាគីរី ប្រធាននាយកដ្ឋានផែនការ និងព័ត៌មានសុខាភិបាលនៃ ក្រសួងសុខាភិបាល, លោក Miura Junichi អនុប្រធានទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុនប្រចាំនៅកម្ពុជា និងសិក្ខាកាមទាំង១៤រូប មកពីតាមបណ្តាខេត្តផងដែរ។

ថ្លែងនៅក្នុងសិក្ខាសាលានោះ លោក ឡូ វាសនាគីរី បានឲ្យដឹងថា វគ្គបណ្តុះបណ្តាលនេះ ធ្វើឡើងដើម្បីជាការផ្តល់ចំណេះដឹង និងបទពិសោធន៍ ក្នុងការទទួលបានសេវាសុខភាព នៅមូលដ្ឋានសុខាភិបាល មណ្ឌលសសុខភាព និងមន្ទីរពេទ្យការផ្តល់សេវានៅ តាមសហគមន៍ ដែលប្រជាពលរដ្ឋពិបាក ក្នុងការធ្វើដំណើរមកទទួលសេវាសុខភាព នៅតាមមណ្ឌលសុខភាព និងមន្ទីរពេទ្យ។ បន្ថែមពីលើនោះ វគ្គបណ្តុះបណ្តាល ក៏នឹងផ្តល់ចំណេះដឹងដល់សិក្ខាកាមកម្ពុជា ស្តីពីប្រតិបត្តិការនៃការផ្តល់សេវាសុខភាព នៅតាមសហគមន៍ នៅក្នុងប្រទេសជប៉ុន និងការគ្រប់គ្រងសេវាដំណើរការជាដើម។

លោក ឡូ វាសនាគីរី បន្តថា វគ្គបណ្តុះបណ្តាលនេះ ជាការរួមចំណែកមួយ ក្នុងការអភិវឌ្ឍធនធានមនុស្សវ័យក្មេង វិស័យផ្សេងៗ និងវិស័យសុខាភិបាលនៅកម្ពុជា និងផ្តល់អត្ថប្រយោជន៍ដល់សិក្ខាកាម និងផ្តល់អត្ថប្រយោជន៍ដល់អង្គភាព និងសិក្ខាកាម កំពុងតែដំណើរការ...Read More

ជប៉ុន ផ្តល់ជំនួយជិត ១,៦លានដុល្លារ សម្រាប់អភិវឌ្ឍន៍តំបន់ជនបទរបស់កម្ពុជា

FN ៖ រដ្ឋាភិបាលជប៉ុន បានផ្តល់ជំនួយឥតសំណងជិត ១,៦លានដុល្លារអាមេរិក សម្រាប់អភិវឌ្ឍន៍តំបន់ជនបទរបស់កម្ពុជា។ ថវិកាជំនួយនេះនឹងជួយទ្រទ្រង់លើគម្រោងចំនួន៣ រួមមាន៖ សាងសង់ស្ពានចំនួន២ នៅស្រុកកោះញ៉ែក ខេត្តមណ្ឌលគិរី, ជួយវិទ្យាស្ថានកែលម្អ និងអភិរក្សបរិស្ថានរបស់អង្គការ ERECON លើកកម្ពស់និរន្តរភាព នៃស្ថានភាពកសិកម្ម ដើម្បីកាត់បន្ថយភាពក្រីក្រក្នុងខេត្តកំពង់ចាម និងជួយលើកកម្ពស់ការអភិវឌ្ឍសហគមន៍តាមរយៈការបោសសម្អាតមីន នៅក្នុងខេត្តបន្ទាយមានជ័យ។

ពិធីចុះហត្ថលេខាផ្តល់ និងទទួលជំនួយនេះ ត្រូវបានធ្វើឡើងនាព្រឹកថ្ងៃទី២៩ ខែកញ្ញា ឆ្នាំ២០១៧នេះ រវាងលោក ហូរីណូអ៊ុជិ ហ៊ីដេហ៊ីសា ឯកអគ្គរាជទូតជប៉ុនប្រចាំកម្ពុជា ជាមួយភាគីពាក់ព័ន្ធរួមមានលោក យន់ សារ៉ោម ប្រធានមន្ទីរអភិវឌ្ឍន៍ជនបទខេត្តមណ្ឌលគិរី បណ្ឌិត Hihara Machito នាយកអង្គការ ERECON និងលោក SHIBATA Mikio ប្រធានតំណាងអង្គការ JMAS រួមជាមួយក្រុមការងារជាច្រើននាក់ទៀតផង។

លោក ហូរីណូអ៊ុជិ ហ៊ីដេហ៊ីសា បានថ្លែងថា ថវិកាជំនួយនេះនឹងជួយទ្រទ្រង់ទៅលើគម្រោងចំនួន ៣រួមមាន គម្រោងទី១៖ ជួយដល់មន្ទីរអភិវឌ្ឍន៍ខេត្តមណ្ឌលគិរី សម្រាប់គម្រោងសាងសង់ ស្ពានចំនួន២កន្លែង នៅក្នុងឃុំចំនួន នៃស្រុកកោះញ៉ែក ដោយប្រើថវិកាប្រមាណ ២៤២,៣៦៧ដុល្លារអាមេរិក។ ស្ពានទាំងពីរនេះ ស្ពានមួយមានប្រវែង ២៤ម៉ែត្រ និងស្ពានមួយទៀតប្រវែង១៨ម៉ែត្រ។ ក្រោយពេលសាងសង់រួចរាល់ ស្ពានទាំងពីរនេះ នឹងផ្តល់ភាពងាយស្រួល និងសុវត្ថិភាពប្រសើរជាមុន ដល់អ្នកភូមិប្រមាណ ៦ពាន់នាក់ ធ្វើដំណើរឆ្លងកាត់ទៅសាលារៀន មន្ទីរពេទ្យ និងផ្សារ និងជួយសម្រួលដល់ការប្រកបអាជីវកម្មរបស់ប្រជាពលរដ្ឋក្នុងមូលដ្ឋាន។

គម្រោងទី២៖ ជាគម្រោងជួយដល់វិទ្យាស្ថានកែលម្អ និងអភិរក្សបរិស្ថាន របស់អង្គការ ERECON លើកកម្ពស់និរន្តរភាព នៃស្ថានភាពកសិកម្ម ដើម្បីកាត់បន្ថយភាពក្រីក្រក្នុងខេត្តកំពង់ចាម ដោយប្រើថវិកា ៥៥៨,២៣៦ដុល្លារអាមេរិក។ គម្រោងនេះ នឹងជំរុញឲ្យមានការដាំដំណាំប្រកបដោយនិរន្តរភាពតាមរយៈការកែលម្អស្ថានភាពដីដោយវិធីសាស្ត្រនានា ដែលមិនប៉ះពាល់ដល់បរិស្ថាន។ គម្រោងនេះ...Read More

គ.ជ.ប កំណត់យកថ្ងៃទី០៥ ខែតុលា ចាប់ផ្ដើមរៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤

FN ៖ គណៈកម្មាធិការជាតិរៀបចំការបោះឆ្នោត (គ.ជ.ប) នឹងចាប់ផ្តើមដំណើរការ រៀបចំការបោះឆ្នោតជ្រើសតាំង សមាជិកព្រឹទ្ធសភា នីតិកាលទី៤ ចាប់ពីថ្ងៃទី០៥ ខែតុលា ឆ្នាំ២០១៧ តទៅ។ នេះបើតាមការប្រកាសរបស់លោក ស៊ិក ប៊ុនហុក ប្រធាន គ.ជ.ប ក្នុងកិច្ចប្រជុំផ្សព្វផ្សាយពាក់ព័ន្ធទៅនឹង ការរៀបការបោះឆ្នោតព្រឹទ្ធសភា នីតិកាលទី៤។

លោក ស៊ិក ប៊ុនហុក បានឲ្យដឹងថា បើតាមសេចក្តីសម្រេចរបស់រាជរដ្ឋាភិបាល ក្នុងចំណោមថ្ងៃបោះឆ្នោតជ្រើសតាំង សមាជិកព្រឹទ្ធសភា នីតិកាលទី៤ ខាងមុខនេះ គ.ជ.ប បានកំណត់យកថ្ងៃទី១៤ ខែមករា ឆ្នាំ២០១៨ ជាថ្ងៃរៀបចំការបោះឆ្នោតព្រឹទ្ធសភា នីតិកាលទី៤។

លោក ស៊ិក ប៊ុនហុក បានបន្តថា ចំពោះបទបញ្ជា និងនីតិវិធីសម្រាប់ការបោះឆ្នោតជ្រើសតំាងសមាជិកព្រឹទ្ធសភា នីតិកាលទី៤ គ.ជ.ប បានសម្រេចរួចរាល់ហើយ ដែលនឹងបញ្ជូនទៅភាគីពាក់ព័ន្ធ​ ដើម្បីផ្តល់អនុសាសន៍ក្នុងពេលដ៏ឆាប់ខាងមុខ។

លោក ស៊ិក ប៊ុនហុក បានបន្ថែមថា សមាជិកព្រឹទ្ធសភា នីតិកាលទី៤ គឺមានការកើនឡើងពី ៦១អាសនៈ ទៅ ៦២អាសនៈ ក្នុងនោះសមាជិក២រូប ត្រូវបានចាត់តាំងដោយព្រះមហាក្សត្រ ២រូប ជ្រើសតាំងដោយរដ្ឋសភាមតិភាគច្រើន និង ៥៨រូបទៀត ជ្រើសតាំងតាមការបោះឆ្នោតជ្រើសរើសសមាជិកព្រឹទ្ធសភាទាំងមូល។

បើតាមលោកប្រធាន គ.ជ.ប ការកើនឡើងសមាជិកព្រឹទ្ធសភានេះ ដោយសាការកើនឡើងនៃអ្នកបោះឆ្នោតពី ១១,៤៧៦នាក់ ទៅ ១១,៩៦៥នាក់។ ដោយឡែក រយៈពេលនៃការឃោសនាបោះឆ្នោត ត្រូវបានកាត់បន្ថយគឺពី ២១ថ្ងៃ មកត្រឹម ១៤ថ្ងៃវិញ ហើយការរៀបចំបោះឆ្នោតជ្រើសតាំងសមាជិកព្រឹទ្ធសភា អាណត្តិនេះ ធ្វើឡើងមិនខុសពីអាណត្តិមុនៗដែរ។

សូមបញ្ជាក់ថា ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ គឺជាការបោះឆ្នោតអសកល ដែលមានតែក្រុមប្រឹក្សាឃុំ-សង្កាត់ក្នុងតំណែងប៉ុណ្ណោះ ទើបមានសិទ្ធិបោះឆ្នោត៕

ទង់ជាតិកម្ពុជានៅ UN ! ប្រមុខដឹកនាំការទូតកម្ពុជា ថ្លែងប្រាប់ពិភពលោកថា ការ​ជ្រើស​រើស​ផ្លូវ​ដើរ​តាម​ការ​កំណត់​របស់​ប្រទេស​លោក​ខាង​លិច​មួយ​ចំនួន ធ្វើ​ឲ្យ​កម្ពុជា​ធ្លាក់​ទៅ​ក្នុង​គ្រោះ​មហន្តរាយ​ដ៏​អាក្រក់

FN ៖ ថ្លែងជា២ភាសាទាំងអង់គ្លេសនិងបារាំង ចេញពីទីក្រុងញ៉ូវយ៉ក សហរដ្ឋអាមេរិក ទីដែលអង្គការសហប្រជាជាតិរៀបចំមហាសន្និបាត, ប្រមុខដឹកនាំ ការបរទេសកម្ពុជា លោក ប្រាក់ សុខុន បានថ្លែងប្រាប់ពិភពលោកថា ការ​ជ្រើស​រើស​ផ្លូវ​ដើរ​តាម​ការ​កំណត់​របស់​ប្រទេស​លោក​ខាង​លិច​មួយ​ចំនួន ធ្វើ​ឲ្យ​កម្ពុជា​ធ្លាក់​ទៅ​ក្នុង​គ្រោះ​មហន្តរាយ​ដ៏​អាក្រក់។ ប្រមុខ​ដឹកនាំបរទេស​កម្ពុជា បានសង្កត់​ធ្ងន់​ថា បញ្ហាសិទ្ធិ ប្រជាធិបតេយ្យគ្រាន់តែជាលេសមួយដើម្បីបរទេសលូកដៃ ចូលកិច្ចការផ្ទៃរបស់កម្ពុជា ធ្វើឲ្យប្រទេសធ្លាក់ ចូលគ្រោះមហន្តរាយ។

«ប្រវត្តិសាស្ត្រ​បាន​បង្រៀន​កម្ពុជា​​​ថា ការ​ជ្រើស​រើស​ផ្លូវ​ដើរ​តាម​ការ​កំណត់​របស់​ប្រទេស​លោក​ខាង​លិច​មួយ​ចំនួន ធ្វើ​ឲ្យ​កម្ពុជា​ធ្លាក់​ទៅ​ក្នុង​គ្រោះ​មហន្តរាយ​ដ៏​អាក្រក់ ហើយការ​អនុវត្ត​​ខ្លះ​ពី​ខាង​ក្រៅ ជា​រឿយ​ៗ​បាន​ក្លាយ​ទៅ​ជា​បញ្ហា មិន​មែន​ជា​ដំណោះ​ស្រាយ​នោះ​ទេ​» នេះជាការលើកឡើងរបស់លោក ប្រាក់ សុខុន។ (សូមស្តាប់ការថ្លែងរបស់លោកនៅខាងក្រោម)

លោក ប្រាក់ សុខុន បានថ្លែង​រយៈ​ពេលជាង​​១៦នាទី កាល​ពីថ្ងៃ​ទី​២២​ ខែកញ្ញា​​ ឆ្នាំ២០១៧កន្លងទៅថ្មីៗ បាន​គូស​បញ្ជាក់​ច្បាស់​ៗ​ថា បញ្ហាសិទ្ធិប្រជាធិបតេយ្យ គ្រាន់តែជាលេសមួយដើម្បីបរទេសលូកដៃ ចូលកិច្ចការផ្ទៃរបស់កម្ពុជា ធ្វើឲ្យប្រទេសធ្លាក់ចូលគ្រោះមហន្តរាយ។

រដ្ឋមន្ដ្រី​ក្រសួង​ការបរទេស​ខ្មែរ បាន​លើក​ឡើង​ថា ថ្មី​ៗ​នេះកម្ពុជា​ត្រូវ​រង​ការ​វាយ​ប្រហារ​ដោយ​សារ​តែ ខ្លួន​បិទ​វិទ្យាស្ថាន​អន្ដរជាតិ​មួយ​ដែល​មាន​ចេតនា​គាំទ្រ​បក្ស​ប្រឆាំង​និង​រំលោភ​ច្បាប់, ប្រាប់​ឲ្យ​កាសែត​បង់​ពន្ធ​​ជូន​រដ្ឋ និង​ចាប់​ខ្លួន​មន្ដ្រី​បក្ស​ប្រឆាំង​ម្នាក់​ដែល​សារភាព​ថា ​បាន​ទទួល​ការ​បណ្ដុះ​បណ្ដាល​ពី​មហា​អំណាច ដើម្បី​ផ្ដួល​រំលំរដ្ឋាភិបាល​។ ចំពោះ​រឿង​អស់​នេះ ​លោក​រដ្ឋ​មន្ដ្រី​ចោទ​សួរ​ថា តើ​រដ្ឋាភិបាល​ប្រទេស​ណា ដែល​អត់ឱនឲ្យ​​នោះ​?

ប្រមុខ​ដឹកនាំបរទេស​កម្ពុជា បានសង្កត់​ធ្ងន់​ថា ​​បញ្ហា​សិទ្ធិ​មនុស្ស​និង​លទ្ធិ​ប្រជាធិបតេយ្យ​នេះ ត្រូវ​បាន​យក​ទៅ​ប្រើ​ប្រាស់​ក្នុង​គោលដៅ​នយោបាយ​ ហើយ​កម្ពុជា​បាន​រង​គ្រោះ​ដោយ​សារ​បញ្ហា​នេះ ​អស់​រយៈ​ពេល​ជាង​២០​ឆ្នាំ​មក​ហើយ។ រង​គ្រោះ​ព្រោះ​តែ​សេចក្ដី​រាយការណ៍​របស់​អ្នក​រាយការណ៍​ពិសេស​អង្គការ​សហប្រជាជាតិ ដែល​តែង​តែ​សរសេរ​វាយ​ប្រហារ​រដ្ឋាភិបាល​កម្ពុជា ដោយ​គ្មាន​ការ​វិនិច្ឆ័យ, ថ្កោល​ទោស​រដ្ឋាភិបាល ហើយ​លើក​តម្កើង​បក្ស​ប្រឆាំង​ថា​ជា​អ្នក​គោរព​សិទ្ធិ​មនុស្ស​។ ប៉ុន្តែចំពោះ​ការ​ប្រព្រឹត្ត​ខុស​ច្បាប់​របស់​បក្ស​ប្រឆាំង​វិញ គេ​មិន​ដែល​មាន​ឃើញ​មាន​សរសេរ​នៅ​ក្នុង​របាយការណ៍​នោះឡើយ​ បើ​ទោះ​បី​ជា​បក្ស​ប្រឆាំង​នោះ ពន្យុះ​ឲ្យ​ពលរដ្ឋ​ទៅ​ដក​បង្គោល​ព្រំដែន ញុះញង់​បង្កើត​ភាព​ស្អប់​ខ្ពើម​ជាតិសាសន៍ និង​ផ្សព្វផ្សាយ​សន្ធិសញ្ញា​ព្រំដែន​ក្លែងក្លាយ​ក៏​ដោយ​។

សូមជំរាបថា កាលពីថ្ងៃទី១៩ ខែកញ្ញា ឆ្នាំ២០១៧កន្លងទៅថ្មីៗនេះ លោក ដូណាល់ ត្រាំ ប្រធានាធិបតីអាមេរិក នៅក្នុងមហាសន្និបាតអង្គការសហប្រជាជាតិ នៅទីក្រុងញូវយ៉កបានថ្លែងសុន្ទរកថា «ក្នុងនាមប្រធានាធិបតីសហរដ្ឋអាមេរិក ជានិច្ចកាលខ្ញុំតែងតែតម្តល់ផលប្រយោជន៍អាមេរិកមុនគេបង្អស់។ គឺដូចទៅនឹង អ្នកទាំងអស់គ្នាក្នុងនាមជាមេដឹកនាំរបស់ប្រទេសអ្នក គឺត្រូវតែគិតគូរពីផលប្រយោជន៍ប្រទេសអ្នកមុនគេបង្អស់ដែរ»។...Read More