បច្ចុប្បន្នភាពកម្ពុជា

រដ្ឋមន្ត្រីក្រសួងកសិកម្ម បញ្ជាឲ្យអគ្គនាយកដ្ឋានកសិកម្ម បញ្ជូនគ្រឿងយន្តកសិកម្ម និងពូជស្រូវ ចុះជួយស្តារធ្វើការដាំដុះស្រូវឡើងវិញ ជូនសហគមន៍កសិកម្មនៅឃុំត្បែង ខេត្តកំពង់ធំ

FN​ ៖ តបតាមសំណូមពរ របស់សហគមន៍កសិកម្មនៅក្នុងឃុំត្បែង ស្រុកកំពង់ស្វាយ ខេត្តកំពង់ធំ ក្នុងពេលដំណើរបំពេញបេសកកម្ម របស់លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុងការចុះត្រួតពិនិត្យគ្រោះរាំងស្ងួត នៅតាមបណ្តាខេត្តជុំវិញបឹងទន្លេសាបនាពេលថ្មីៗ, នៅថ្ងៃទី២៣ ខែកក្កដា ឆ្នាំ២០១៩នេះ លោករដ្ឋមន្ត្រីក្រសួងកសិកម្ម បានចាត់ឲ្យលោក ងិន ឆាយ ប្រតិភូរាជរដ្ឋាភិបាល ទទួលបន្ទុកអគ្គនាយកដ្ឋានកសិកម្ម បញ្ជូនគ្រឿងយន្តកសិកម្ម ចុះជួយស្តារធ្វើការដាំដុះស្រូវឡើងវិញ រួមទាំងស្រូវពូជផងដែរ ចែកជូនដល់សមាជិកសហគមន៍ ដែលសកម្មក្នុងការស្តារដំណាំស្រូវរបស់ពួកគាត់ឡើងវិញ។
នៅក្នុងដំណាក់កាលដំបូងនេះ ក្រសួងកសិកម្ម រុក្ខាប្រមាញ់ និងនេសាទ បានបញ្ចេញគ្រាប់ពូជស្រូវផ្ការំដួល ក្នុងក្របខ័ណ្ឌប្រព័ន្ធស្បៀងបម្រុងកម្ពុជា ចំនួន២៩តោន ដើម្បីចែកជូនប្រជាជនជាង៣០០គ្រួសារ សម្រាប់ការស្តារឡើងវិញលើផ្ទៃដី២៩០ហិកតា។
ដំណាំស្រូវដែលភ្ជួរចោលនាពេលនេះ គឺជាប្រភេទស្រូវស្រាលមិនប្រកាន់រដូវស្ថិតក្នុងដំណាក់កាលផើម មានសភាពក្រិន និងមានស្មៅដុះច្រើន មិនអាចសង្គ្រោះបានទោះជាមានភ្លៀងធ្លាក់ ឬមានទឹកបូមសង្គ្រោះក៏ដោយ។
លោករដ្ឋមន្ត្រី វេង សាខុន បញ្ជាក់ឲ្យដឹងថា សហគមន៍កសិកម្មនៅឃុំត្បែង ស្រុកកំពង់ស្វាយ ខេត្តកំពង់ធំ គឺសហគមន៍កសិកម្មមួយដែលភាពសកម្ម ដោយបានប្រឹងប្រែងជីកប្រឡាយ ដោយប្រើប្រាស់ថវិកាផ្ទាល់ខ្លូន បំពាក់ម៉ាស៊ីន សម្រាប់បូមទឹកស្រោចស្រព្វដំណាំស្រូវរបស់ពួកគេ ដោយឃើញដូច្នេះ ទើបក្រសួងកសិកម្ម វាយតម្លៃថាអាចជួយពួកគាត់បាន ក្នុងការជួយស្តារឡើងវិញ នូវដំណាំស្រូវនេះ ទើបណែនាំឲ្យអគ្គនាយកដ្ឋានកសិកម្ម ចុះជួយដល់សហគម៍កសិករ។
បើតាមលោករដ្ឋមន្ត្រី ក្នុងដំណើរបំពេញបេសកកម្មរយៈពេល២ថ្ងៃ ចាប់ពីថ្ងៃទី២០ ដល់ ២១ ខែកក្កដា ឆ្នាំ២០១៩ នៅខេត្តជុំវិញបឹងទន្លេសាបទាំង៦ រួមមាន ខេត្តពោធិ៍សាត់ បាត់ដំបង បន្ទាយមានជ័យ ឧត្តរមានជ័យ សៀមរាប និងកំពង់ធំ ពិនិត្យឃើញថា ផ្ទៃដីដែលមានប៉ះពាល់ដោយគ្រោះរាំងស្ងួត ប្រមាណ១៣២,៦១៧ហិកតា ដែលស្មើនឹង៧ភាគរយ...Read More

លោក គន់ គីម ចុះចាត់វិធានការបូមទឹកសង្គ្រោះស្រូវប្រជាពលរដ្ឋ ៨០០ហិកតាជួបគ្រោះរាំងស្ងួត

FN ៖ លោក គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយអមដំណើរដោយលោក ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ រួមទាំងមន្ត្រីពាក់ព័ន្ធជុំវិញខេត្ត នៅថ្ងៃទី១៩ ខែកក្កដា ឆ្នាំ២០១៩នេះ បានចុះពិនិត្យ និងចាត់វិធានការបូមទឹកសង្គ្រោះស្រូវប្រជាពលរដ្ឋប្រមាណជា៨០០ហិកតា ស្ថិតក្នុឃុំ ជើង ទៀន ស្រុកចុងកាល់ ខេត្តឧត្តរមានជ័យ។
ដោយពិនិត្យឃើញថាទីតាំងខាងលើមានប្រភពទឹកគ្រប់គ្រាន់ ប៉ុន្តែខ្វះមាស៊ីនបូមទឹកនោះលោកទេសរដ្ឋមន្ត្រី គន់ គីម ក៏បានទាក់ទងសុំលោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម ជួយបញ្ចេញមាស៊ីនបូបទឹករបស់សម្តេចតេជោ ហ៊ុន សែន ជាបន្ទាន់ដើម្បីបូមទឹកជួយសង្គ្រោះស្រូវជូនប្រជាពលរដ្ឋឱ្យបានទាន់ពេលវេលា។
ម៉ាស៊ីនបូបទឹកចំនួន៥គ្រឿងត្រូវបានបញ្ចេញបូបទឹកសង្គ្រោះផលដំណាំស្រូវជូនប្រជាពលរដ្ឋ។ ក្នុងពេលចុះពិនិត្យការបូមទឹកសង្គ្រោះស្រូវប្រជាពលរដ្ឋនេះ លោកទេសរដ្ឋមន្រ្តី គន់ គីម បានសំណូមពរ រដ្ឋមន្ត្រីក្រសួងធនធានទឹកនិងឧតុនិយម ជួយបញ្ចេញម៉ាស៊ីនទឹកទៅបណ្តាខេត្តក្រុងផ្សេងទៀត ដែលកំពុងជួបគ្រោះរាំងស្ងួត និងបណ្តាមន្ទីពាក់ពន្ធ័ផ្សេងៗ រួមទាំងប្រជាពលរដ្ឋក្នុងខេត្តនីមួយៗ ប្រើប្រាស់ទឹកដោយសន្សំសំចៃ និងណែនាំដល់មន្ទីរធនធានទឹក និងឧតុនិយម ខេត្តត្រូវក្តាប់សភាពការណ៍ទឹកឲ្យបានល្អ និងខិតខំជួយដោះស្រាយបញ្ហាកង្វះខាតទឹកឲ្យបានទាន់ពេលវេលា និងមានប្រសិទ្ធភាព។
តំណាងអាជ្ញាធរឃុំ និងបណ្តាមន្ទីពាក់ពន្ធ័ ជំនួសមុខឱ្យប្រជាពលរដ្ឋនៅទីតាំងខាងលើ បានសំដែងនូវការសប្បាយរីក ដឹងគុណ និងសូមថ្លែងអំណរគុណយ៉ាងជ្រាលជ្រៅជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានជួយដោះស្រាយបញ្ហាប្រឈមរបស់ប្រជាពលរដ្ឋ លើបញ្ហាកង្វះខាតទឹក ដែលកំពុងជួបប្រទះនាពេលបច្ចុប្បន្នបានទាន់ពេលវេលា៕

មន្រ្តីសុខាភិបាល និងកាកបាទក្រហមកម្ពុជាខេត្តព្រះសីហនុ បើកយុទ្ធនាការដាក់ថ្នាំអាប៊ែតលុបបំបាត់មូលខ្លា ជូនបងប្អូនប្រជាពលរដ្ឋទូទាំងខេត្ត

FN ៖ ដើម្បីចូលរួមប្រយុទ្ធប្រឆាំងជំងឺគ្រុនឈាម សាខាកាកបាទក្រហមខេត្ដ សហការជាមួយមន្ទីរសុខាភិបាល ខេត្តព្រះសីហនុ នៅព្រឹកថ្ងៃទី១២ ខែកក្កដា ឆ្នាំ២០១៩ បានបើកយុទ្ធនាការដាក់ថ្នាំអាប៊ែត ដើម្បីសម្លាប់ដង្កូវទឹកបំបាត់មូសខ្លាកាត់បន្ថយ ក៏ដូចជា បំបាត់នូវជំងឺគ្រុនឈាម ដល់កុមារ ក៏ដូចជាមនុស្សចាស់ ដែលកំពុងទទួលរងនូវគ្រោះថ្នាក់ ដោយ សារមូសខ្លាខាំ។
ពិធីនេះមានការចូលរួមពីលោក ម៉ាង ស៊ីណេត អនុប្រធានសាខាកាកបាទក្រហម និងជាអភិបាលរងខេត្តព្រះសីហនុ ព្រមទាំងមានការចូលរួមពីសមាជិក-សមាជិកាសាខាកាកបាទក្រហមខេត្ត ប្អូនៗយុវជនស្ម័គ្រចិត្ត របស់សាខាកាកបាទក្រហមខេត្ត រួមជាមួយនឹងបងប្អូនប្រជាពលរដ្ឋជាង ១០០នាក់។
ក្នុងឱកាសនោះ លោកអភិបាលរងខេត្ត បានលើកឡើងថា ដោយមានការយកចិត្តទុកដាក់ពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្ដេច តែងតែគិតគូរចំពោះសុខទុក្ខ របស់បងប្អូនប្រជាពលរដ្ឋ ជាពិសេសនៅឆ្នាំនេះ ជំងឺគ្រុនឈាម បាននិងកំពុងកើតមានដល់កុមារ ក៏ដូចជាមនុស្សចាស់ ស្ទើរទូទាំងប្រទេស ដែលបាននិងកំពុងទទួលរងនូវជំងឺគ្រុនឈាមនេះ។
លោកបន្ដថា សម្ដេចតែងតែគិតគូរយកចិត្តទុកដាក់ ជាមួយបងប្អូនប្រជាពលរដ្ឋ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ និងសូមឲ្យក្រុមគ្រួសារ សាច់ញាតិជនរងគ្រោះ ដែលជួបនូវជំងឺគ្រុនឈាមទូទាំងប្រទេសបានឆាប់ជាសះស្បើយពីជំងឺ។
ក្នុងយុទ្ធនាការដាក់ថ្នាំអាប៊ែតនេះ លោកក៏បានបញ្ជាក់ថា ដើម្បីបំបាត់នៅជម្រកមូសខ្លា ត្រូវចូលរួមសំអាតអនាម័យនៅជុំវិញគេហដ្ឋាន បំបាត់នូវទីតាំង ដក់ទឹកដូចជា ថ្លុកត្រពាំងសំបកកង់ឡាន សំបកដប ក៏ដូចជាសម្ភារដក់ទឹក ផ្សេងៗត្រូវដុតឬលុប ចោលដើម្បីកុំឲ្យមានទឹកដក់ដែលជាប្រភព កន្លែងសំរាប់ពងកូនរបស់មូសខ្លា និងនៅពេលគេងត្រូវចងមុង៕

ជនអនាថាជាង ៩០០នាក់ ត្រូវបានទទួលយកមកពិគ្រោះយោបល់ និងបញ្ជូនទៅទទួលសេវាបន្ត នៅមណ្ឌលសំចតរាជធានីភ្នំពេញ និងអង្គការដៃគូ

FN ៖ លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានលើកឡើងថា ជនអនាថាចំនួន ៩១៤នាក់ ត្រូវបានទទួលយកមកពិគ្រោះយោបល់ និងបញ្ជូនទៅទទួលសេវាបន្តនៅមណ្ឌលសំចតរាជធានីភ្នំពេញ និងអង្គការដៃគូ និងបានធ្វើសមាហរណកម្មទៅសហគមន៍វិញចំនួន ៧៤៣នាក់។ មណ្ឌលសំចតសង្គមកិច្ចរាជធានីភ្នំពេញ បានបន្តកែលម្អជាបន្តបន្ទាប់ និងទទួលបានជនអនាថារាប់រយនាក់ មកស្នាក់នៅ និងបណ្តុះបណ្តាលវិជ្ជាជីវៈមុនធ្វើសមាហរណកម្មទៅសហគមន៍វិញ។
រដ្ឋមន្រ្តី វង សូត បានបញ្ជាក់ថា មជ្ឈមណ្ឌលជនវិបល្លាសស្មារតីត្រូវបានកសាងនិងដាក់ឱ្យដំណើរការក្នុងពេលដ៏ឆាប់ខាងមុខ និងបានលើលោឡើងពីរបបគោលនយោបាយ ឧបត្ថម្ភដល់ស្ត្រីមានផ្ទៃពោះ និងកុមារអាយុក្រោម២ឆ្នាំ ក្នុងគ្រួសារក្រីក្រ ត្រូវបានប្រកាសដាក់ឱ្យអនុវត្តចាប់ពីថ្ងៃទី០១ ខែមិថុនា ឆ្នាំ២០១៩ដែលក្នុងរយៈពេល ៦ខែដំបូងអនុវត្តដោយក្រសួងសុខាភិបាល និងចាប់ពីខែមករា ឆ្នាំ២០១៩ក្រសួងសង្គមកិច្ច អតីតយុទ្ធជន និងយុវនីតិសម្បទា ជាអ្នកត្រូវដឹកនាំ និងទទួលខុសត្រូវក្នុងកិច្ចការនេះបន្ត។
លោក វង សូត បានថ្លែងនៅក្នុងពិធីប្រជុំបូកសរុបលទ្ធផលការងារឆមាសទី១ ឆ្នាំ២០១៩ និងទិសដៅបន្ត នាព្រឹកថ្ងៃទី០២ កក្កដា ឆ្នាំ ២០១៩ នៅទីស្តីការក្រសួងសង្គមកិច្ច។
រដ្ឋមន្រ្តី ក៏បានបន្តថា ជនរងគ្រោះដោយអំពើជួញដូរមនុស្ស៤៣៨នាក់ ត្រូវបានជួយ ព្រមទាំងផ្តល់ការអប់រំផ្លូវចិត្ត ថែទាំសុខភាព ស្តារនីតិសម្បទា បណ្តុះបណ្តាលវិជ្ជាជីវៈ និងសមាហរណកម្មទៅសហគមន៍វិញ។ ចំណែកឯមណ្ឌលសំចតប៉ោយប៉ែត ត្រូវបានកសាង និងដាក់ឱ្យដំណើរដើម្បីទទួលជនរងគ្រោះ ដោយអំពើជួញដូរមនុស្សពីប្រទេសថៃ។
ជាមួយគ្នានោះ ក្រសួងសង្គមកិច្ច ក៏បានអនុវត្តយ៉ាងសកម្មនូវកំណែទម្រង់ការងារថែទាំកុមារកំព្រា នៅតាមមណ្ឌលថែទាំកុមារ តាមរយៈការពង្រឹងគុណភាព ការធ្វើអធិការកិច្ចការពង្រីក កម្មវិធីថែទាំកុមារ នៅតាមសហគមន៍ មិនការកាត់បន្ថយចំនួនមណ្ឌល ថែទាំកុមារ កុមារចំនួន ១,០១៣នាក់ ត្រូវបានធ្វើ សមាហរណកម្ម ពីមណ្ឌលថែទាំកុមារ ទៅកាន់គ្រួសារ និងសហគមន៍ នៃរាជធានីខេត្តគោលដៅទាំង០៥ផងដែរ។Read More

ឧបនាយករដ្ឋមន្រ្តី ជា សុផារ៉ា ដោះស្រាយរឿងពលរដ្ឋប្តឹង លោក ញឹក ប៊ុនឆៃ ករណីលក់ដី៣កន្លែង នៅអូរជ្រៅ

FN​ ៖ ឧបនាយករដ្ឋមន្រ្តី ជា សុផារ៉ា រដ្ឋមន្ត្រីក្រសួង រៀបចំ ដែនដី នគរូបនីយកម្ម និង សំណង់ និងជា ប្រធាន អាជ្ញាធរ ជាតិ ដោះស្រាយ ទំនាស់ ដីធ្លី ដោះស្រាយទៅលើបណ្តឹងពលរដ្ឋ ដែលប្តឹង លោក ញឹក ប៊ុនឆៃ ប្រធានគណបក្សខ្មែររួបរួមជាតិ ករណីភាពមិនប្រក្រតីក្នុងការលក់ដី៣កន្លែង នៅក្នុងឃុំចំនួន៣ ក្នុងស្រុកអូរជ្រៅ ខេត្តបន្ទាយមានជ័យ។

តាមលិខិតទីស្តីការគណៈរដ្ឋមន្រ្តី ផ្ញើជូនលោកឧបនាយករដ្ឋមន្រ្តី ជា សុផារ៉ា ដែលបណ្តាញព័ត៌មាន Fresh News ទទួលបាន នៅថ្ងៃទី០១ ខែកក្កដា ឆ្នាំ២០១៩នេះ បានឱ្យដឹងថា ពាក់ព័ន្ធនឹងភាពមិនប្រក្រតី នៃការលក់ដីបីកន្លែងស្ថិតនៅឃុំនិមិត្ត ឃុំប៉ោយប៉ែត និងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលបានលើកឡើងដោយប្រធានប្រតិភូគណបក្សខ្មែរក្រោក រាជរដ្ឋាភិបាលបានឯកភាពប្រគល់ជូន អាជ្ញាធរជាតិដោះស្រាយទំនាស់ដីធ្លី ពិនិត្យដោះស្រាយ។

បណ្តាញព័ត៌មាន Fresh News មិនអាចទំនាក់ទំនងលោក ញឹក ប៊ុនឆៃ ដើម្បីបំភ្លឺជុំវិញរឿងដីធ្លីនេះបាននៅឡើយទេ នាល្ងាចថ្ងៃទី០១ ខែកក្កដា ឆ្នាំ២០១៩នេះ ដោយសារទូរស័ព្ទរបស់លោក មិនអាចទំនាក់ទំនងបាន។

ចំណារបស់សម្តេចតេជោ ហ៊ុន សែន បានធ្វើឡើងកាលពីថ្ងៃទី១៩ ខែមិថុនា ឆ្នាំ២០១៩ បន្ទាប់ពីមានរបាយការណ៍របស់ឧត្តមក្រុមប្រឹក្សាពិគ្រោះ និងផ្តល់យោបល់ ដែលបានចុះស្រាវជ្រាវ ពាក់ព័ន្ធនឹងករណីទំនាស់ដីធ្លីនេះ៕

ឧបនាយករដ្ឋមន្ត្រី ប៊ិន ឈិន នាំយកថវិការាជរដ្ឋាភិបាលកម្ពុជា៣២០លានរៀល ប្រគល់ជូនក្រុមគ្រួសារសព៨នាក់នៅខេត្តកំពត ដែលរងគ្រោះដោយបាក់រលំអគារ នៅខេត្តព្រះសីហនុ

FN ៖ ឧបនាយករដ្ឋមន្ត្រីប្រចាំការ ប៊ិន ឈិន រដ្ឋមន្រ្តីទីស្តីការគណៈរដ្ឋមន្ត្រី និងជាអ្នកទទួលបន្ទុកចាត់ចែងថវិការបស់រាជរដ្ឋាភិបាលកម្ពុជា ដែលអមដំណើរដោយលោក ជាវ តាយ អភិបាលខេត្តកំពត ជាប្រធានកិត្តិយស សាខាកាកបាទក្រហមកម្ពុជាខេត្តកំពត នៅរសៀលថ្ងៃទី២៣ ខែមិថុនា ឆ្នាំ២០១៩នេះ បាននាំយកថវិការាជរដ្ឋាភិបាលកម្ពុជា ៣២០លានរៀល ប្រគល់ជូនក្រុមគ្រួសារសព៨នាក់នៅខេត្តកំពត ដែលបាក់រលំអគារនៅខេត្តព្រះសីហនុ ដែលក្នុងម្នាក់ៗទទួលបាន៤០លានរៀល ស្ថិតនៅក្នុងស្រុកកំពង់ត្រាច ៦នាក់ និងស្រុកដងទង់២នាក់។
លោកឧបនាយករដ្ឋមន្ត្រីប្រចាំការ ប៊ិន ឈិន បានពាំនាំនូវការសាកសួរសុខទុក្ខ និងចូលរួមរំលែកមរណទុក្ខ ដ៏ក្រៀមក្រំបំផុត ជូនចំពោះគ្រួសារសពពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលកំពុងយកចិត្តទុកដាក់បំផុត ចំពោះករណីបាក់រលំអគារនេះ ហើយថែមសម្រេចបញ្ចេញថវិកា សម្រាប់ឧបត្ថម្ភដល់ក្រុមគ្រួសារសព ដោយឡែកក្នុងខេត្តកំពតសពចំនួន៨នាក់ ក្នុងម្នាក់ៗទទួលបាន៤០លានរៀល។

ជាមួយគ្នានេះ នៅរសៀលថ្ងៃដដែលនោះ លោកស្រី ពុំ ចន្ទីនី អគ្គលេខាធិការកាកបាទក្រហមកម្ពុជា តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មានការអមដំណើរដោយលោក ជាវ តាយ អភិបាលខេត្តកំពត ជាប្រធានកិត្តិយសសាខា កាកបាទក្រហមកម្ពុជាខេត្ត និងលោកស្រីជាភរិយា លាង ហៃ ជាវតាយ អនុប្រធានកិត្តិយស សាខាកាកបាទក្រហមកម្ពុជាខេត្តកំពត និងលោក ជឹង ផល្លា ប្រធានក្រុមប្រឹក្សាខេត្ត ព្រមទាំងថ្នាក់ដឹកនាំ បានអញ្ជើញចូលរួមរំលែកទុក្ខយ៉ាងក្រៀមក្រំបំផុត ជាមួយក្រុមគ្រួសារសពកម្មករសំណង់ ដែលរងគ្រោះដោយសារអគារបាក់រលំសង្កត់លើ បណ្តាលឲ្យស្លាប់នៅខេត្តព្រះសីហនុ កាលពីថ្ងៃទី២២ ខែមិថុនា ឆ្នាំ២០១៩ ចំនួន៨នាក់ រស់នៅក្នុងស្រុកដងទង់ចំនួន២នាក់ និង ស្រុកកំពង់ត្រាច៦នាក់។

គណៈប្រតិភូបាននាំមកជាមួយនូវអំណោយជាសម្ភារ និងថវិកាមួយចំនួន សម្រាប់ចូលបុណ្យដោយក្នុង១គ្រួសារ រួមមាន៖ អង្ករ១០០ គីឡូក្រាម,...Read More

១ថ្ងៃមន្ទីរពេទ្យកុមារជាតិ ទទួលអ្នកជំងឺគ្រុនឈាមជាង៣០០នាក់, គិតពីដើមឆ្នាំ២០១៩ ដល់ថ្ងៃទី២០មិថុនានេះ ករណីជំងឺគ្រុនឈាមមានជាង៣ពាន់នាក់ ស្លាប់៤នាក់

FN : នាយកមន្ទីរពេទ្យកុមារជាតិ លោកវេជ្ជបណ្ឌិត ញឹប អង្គាបុស្ស បានថ្លែងថា មួយថ្ងៃមន្ទីរពេទ្យកុមារជាតិ ទទួលអ្នកជំងឺគ្រុនឈាមជាង៣០០នាក់ ហើយបើគិតពីដើមឆ្នាំ២០១៩ មកដល់ថ្ងៃទី២០ ខែមិថុនានេះ កុមារមានជំងឺគ្រុនឈាម មកទទួលការព្យាបាលនៅមន្ទីរពេទ្យកុមារជាតិ ជាង៣ពាន់នាក់ ក្នុងនោះមាន៤នាក់បានស្លាប់។
លោកបញ្ជាក់បន្ថែម ករណីស្លាប់ភាគច្រើន ដោយសារអាណាព្យាបាល ទុកកូនឱ្យមានសភាពធ្ងន់ធ្ងរពេក ទើបយកកាន់មន្ទីរពេទ្យ និងករណីកុមារនោះ មានជំងឺផ្សេងរួមផ្សំ ដូចជា ពងបែកមាត់ដៃជើង ជាជំងឺម្ស៉ាងដែលធ្វើឱ្យខូចសួត ពេលមានជំងឺគ្រុនឈាមមួយទៀត ធ្វើឲ្យធ្លាក់ខ្លួនឈឺធ្ងន់ធ្ងរមួយរំព្រិច។
លោកបន្ថែមថា បើករណីអ្នកជំងឺគ្រុនឈាម ទុកក្នុងកំឡុងពេលយ៉ាងយូរបំផុត ២-៣ថ្ងៃ អាចព្យាបាលជាស្ទើរ១០០% ។
លោកវេជ្ជបណ្ឌិត ញឹប អង្គាបុស្ស បានថ្លែងប្រាប់អង្គភាពព័ត៌មាន Fresh News នៅថ្ងៃទី២០ ខែមិថុនានេះទៀតថា «ក្នុងមួយថ្ងៃនេះ មន្ទីរពេទ្យកុមារជាតិ ទទួលកុមារមានជំងឺគ្រុនឈាមរហូត៣០៦នាក់ ស្មើនឹង៤០.២% ក្នុងចំណោមអ្នកជំងឺ ដែលមកសម្រាកព្យាបាល៧៦២នាក់។ ជំងឺគ្រុនឈាមក្នុងឆ្នាំផ្ទុះឡើងខ្លាំងនេះ ចាំបាច់អាណាព្យាបាលទាំងអស់ ត្រូវប្រុងប្រយ័ត្នខ្ពស់ ធ្វើយ៉ាងណាធានាបានថា ផ្ទះរបស់លោកអ្នកគ្មានជម្រកមូសខ្លា នឹងកាត់បន្ថយជំងឺគ្រុនឈាមនេះបាន»។
ជាងនេះទៅទៀត លោកវេជ្ជបណ្ឌិតបន្ដថា ក្រសួងសុខាភិបាល ក្រោមការដឹកនាំរបស់រដ្ឋមន្ដ្រី ម៉ម ប៊ុនហេង បានយកចិត្ដទុកដាក់ខ្ពស់ និងបានដាក់ចេញនូវវិធាន ការរួចជាស្រេច ដើម្បីទប់ស្កាត់ករណីឈឺ និងស្លាប់ដោយជំងឺគ្រុនឈាមនេះ ទាំងសម្ភារ និងការបណ្ដុះបណ្ដាលព្យាបាលរករោគវិនិច្ឆ័យ។ ជាក់ស្ដែង នៅថ្ងៃនេះ រដ្ឋមន្ដ្រី បានចុះមកពិនិត្យ ពីស្ថានភាពអ្នកជំងឺ និងបានបញ្ជូនគ្រែ សម្រាប់សម្រាកព្យាបាលអ្នកជំងឺចំនួន៨០គ្រែបន្ថែមទៀត ដល់មន្ទីរពេទ្យកុមារជាតិ ។
ទន្ទឹមនឹងនោះ រដ្ឋមន្ដ្រី ក្រសួងសុខាភិបាល ក៏បានជំរុញលើកទឹកចិត្ដ ដល់ក្រុមគ្រូពេទ្យពេទ្យ ត្រូវខិតខំប្រឹងប្រែងបន្ថែមទៀត ជាមួយនឹងការយកចិត្ដទុក្ខដាក់ខ្ពស់ ដើម្បីសង្គ្រោះអ្នកជំងឺ...Read More

សម្តេចកិត្តិព្រឹទ្ធបណ្ឌិត អញ្ជើញសំណេះសំណាលជាមួយគ្រូ និងកុមារីរងគ្រោះនៅមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប ទុំឌី

FN ៖ នៅព្រឹកថ្ងៃព្រហស្បតិ៍ ៣រោច ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២០ ខែមិថុនា ឆ្នាំ២០១៩នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាល សួរសុខទុក្ខ ផ្តល់អំណោយមនុស្សធម៌ និងរៀបចំអាហារមួយពេលដល់កុមារី យុវនារី បុគ្គលិក អ្នកស្ម័គ្រចិត្តបរទេសសរុបចំនួន១១១នាក់ នៅមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប ទុំឌី ដែលស្ថិតនៅផ្លូវបេតុងព្រៃស សង្កាត់ព្រៃស ខណ្ឌដង្កោ រាជធានីភ្នំពេញ។
នេះជាលើកទី៣ហើយ ដែលសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញចុះសំណេះសំណាលជាមួយគ្រូៗ យុវនារី និងកុមារី រងគ្រោះនៅមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប ទុំឌី ។
មជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប ទុំឌី ស្ថិតនៅភូមិ២៤ សង្កាត់ព្រៃស ខណ្ឌដង្កោ រាជធានីភ្នំពេញ។ មជ្ឈមណ្ឌលនេះ គឺជាកន្លែងជួយសង្គ្រោះ ជួយព្យាបាលផ្លូវចិត្ត និងផ្តល់ជំនាញវិជ្ជាជីវៈផ្សេងៗដល់កុមារី និងយុវនារី ដែលរងគ្រោះដោយការរំលោភសេពសន្ថវៈ។
មជ្ឈមណ្ឌលនេះ មានគ្រូ បុគ្គលិក អ្នកស្ម័គ្រចិត្តចំនួន៤៤នាក់ និងមានកុមារី យុវនារីរងគ្រោះកំពុងស្នាក់នៅ និងទទួលការបណ្តុះបណ្តាលផ្សេងៗ៨៩នាក់។
សម្តេចកិត្តិព្រឹទ្ធបណ្ឌិត បានស្វែងយល់យ៉ាងច្បាស់ ពីទុក្ខវេទនារបស់កុមារី និងយុវនារីរងគ្រោះ នៅក្នុងមជ្ឈមណ្ឌល ព្រមទាំងបានថ្កោលទោសយ៉ាងដាច់អហង្ការចំពោះទង្វើដ៏ព្រៃផ្សៃរបស់ឪពុក ជីតា និងជនល្មោភកាមទាំងឡាយ ដែលបានធ្វើទៅលើកុមារី និងយុវនារីទាំងអស់នោះ។
សម្តេចកិត្តិព្រឹទ្ធបណ្ឌិត ថែមទាំងបានអំពាវនាវឲ្យអាជ្ញាធរ និងកងកម្លាំងសមត្ថកិច្ច ត្រូវតែស្វះស្វែងរកចាប់ក្រុមជនល្មោភកាមទាំងអស់នោះឲ្យខាងតែបាន ដើម្បីយកមកផ្តន្ទាទោស៕

CDC អនុម័តគម្រោងវិនិយោគចំនួន៣ថ្មីទៀត ទុនវិនិយោគជាង១២លានដុល្លារ

FN ៖ ក្រុមប្រឹក្សាអភិវឌ្ឍន៍កម្ពុជា (CDC) ទើបអនុម័តគ្រោងវិនិយោគបើករោងចក្រថ្មីចំនួន៣កន្លែង សរុបទុនវិនិយោគជាង១២លានដុល្លារអាមេរិក។
គណៈកម្មាធិការវិនិយោគកម្ពុជា ក៏បានសម្រេចចេញវិញ្ញាបនប័ត្រ ចុះបញ្ជីជាស្ថាពរដល់គម្រោងវិនិយោគទាំង៣នោះរួមមាន៖
១៖ ក្រុមហ៊ុន EALYTEX (CAMBODIA) GARMENT CO., LTD. គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៣.៤លានដុល្លារអាមេរិក និងអាចបង្កើតការងារបានចំនួន ១,៨២៣កន្លែង។
២៖ ក្រុមហ៊ុន XINLONGTAI (CAMBODIA) INDUSTRIAL CO., LTD. គម្រោងបង្កើតរោងចក្រផលិតអំបោះគ្រប់ប្រភេទបម្រើការនាំចេញ ដែលមានទីតាំងវិនិយោគស្ថិតនៅផ្លូវក្រវ៉ាត់ក្រុងពីរ ភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ មានទុនវិនិយោគប្រមាណ ៦លានដុល្លារអាមេរិក និងអាចបង្កើតការងារបានចំនួន ៤៤១កន្លែង។
៣៖ ក្រុមហ៊ុន CAPITAL GARMENTS CO., LTD. គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៣.៣លានដុល្លារអាមេរិក និងអាចបង្កើតការងារបានចំនួន ១,៤២១កន្លែង៕

រយៈពេល៥ខែ ឆ្នាំ២០១៩ អគ្គនាយកដ្ឋានពន្ធដារ ប្រមូលបានចំណូលពន្ធ-អាករប្រមាណ ១៣៣៥,៨៥លានដុល្លារ

FN ៖ នាថ្ងៃទី១៣ ខែមិថុនា ឆ្នាំ២០១៩ អគ្គនាយកដ្ឋានពន្ធដារ បានរៀបចំកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែឧសភា ឆ្នាំ២០១៩ ព្រមទាំងទិសដៅសម្រាប់អនុវត្តបន្ត របស់អគ្គនាយកដ្ឋានពន្ធដារ ក្រោមអធិបតីភាពរបស់លោក គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ និងដោយមានការចូលរួមរបស់ អគ្គនាយករង លោកប្រធាន-អនុប្រធាននាយកដ្ឋាន សាខាពន្ធដារខេត្ត-ខណ្ឌ និងមន្ត្រីរាជការពន្ធដារពាក់ព័ន្ធទាំងអស់ ក្រោមចំណុះរបស់អគ្គនាយកដ្ឋានពន្ធដារ។
ចំពោះលទ្ធផល នៃការគ្រប់គ្រងប្រមូលចំណូលពន្ធនិងអាករ ប្រតិភូរាជរដ្ឋាភិបាល បានបង្ហាញថា ក្នុងខែឧសភា ឆ្នាំ២០១៩ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបាន (តាមប្រព័ន្ធគ្រប់គ្រងទិន្នន័យចំណូលអនឡាញ Online របស់អគ្គនាយកដ្ឋានពន្ធដារ) មានចំនួន ៧៤៣,៣២ ប៊ីលានរៀល (ប្រមាណជា ១៨៥,៨៣ លានដុល្លារអាមេរិក) ស្មើនឹង ៨,១២% នៃផែនការប្រចាំឆ្នាំ។ ប្រសិនបើប្រៀបធៀបនឹងចំណូលពន្ធ-អាករប្រចាំខែឧសភា ឆ្នាំ២០១៨ ឃើញថា កើនឡើងចំនួន ២០៥,៩៥ ប៊ីលានរៀល (ប្រមាណជា ៥១,៤៩ លានដុល្លារអាមេរិក) ស្មើនឹង ៣៨,៣៣%។
សម្រាប់រយៈពេល៥ ខែឆ្នាំ២០១៩ នេះ ចំណូលពន្ធ-អាករដែលអគ្គនាយកដ្ឋានពន្ធដារប្រមូលបាន (តាមប្រព័ន្ធគ្រប់គ្រងទិន្នន័យចំណូលអនឡាញ) មានចំនួន ៥ ៣៤៣,៣៩ ប៊ីលានរៀល (ប្រមាណ ១ ៣៣៥,៨៥ លានដុល្លារអាមេរិក) ស្មើនឹង ៥៨,៣៧% នៃផែនការប្រចាំឆ្នាំ។ ប្រសិនបើប្រៀបធៀបនឹងរយៈពេលដូចគ្នា នៃឆ្នាំ២០១៨ ឃើញថាចំណូលពន្ធ-អាករសម្រាប់រយៈពេល០៥ ខែ ឆ្នាំ២០១៩ កើនឡើងចំនួន ១ ១៦៦,៩០ ប៊ីលានរៀល (ប្រមាណជា ២៩១,៧៣ លានដុល្លារអាមេរិក) ស្មើនឹង ២៧,៩៤%។Read More

ក្រុមប្រឹក្សាអភិវឌ្ឍន៍កម្ពុជា អនុម័តគម្រោងវិនិយោគចំនួន៦ថ្មីទៀត ទុនវិនិយោគជាង៦០លានដុល្លារអាមេរិក

FN ៖ ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី០៥ ខែមិថុនា ឆ្នាំ២០១៩នេះបានបញ្ជាក់ឲ្យដឹងថា ខ្លួនទើបអនុម័តគ្រោងវិនិយោគបើករោងចក្រថ្មីចំនួន៦កន្លែង សរុបទុនវិនិយោគជាង៦០លានដុល្លារអាមេរិក។
Facebook ផ្លូវការរបស់ CDC បានចុះផ្សាយនៅថ្ងៃនេះ គម្រោងវិនិយោគទាំង៦នោះរួមមាន៖
១៖ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចុះបញ្ជីគម្រោងវិនិយោគបង្កើតរោងចក្រគ្រឿងសង្ហារឹម និងសម្ភារៈបរិក្ខារផ្សេងៗ (បម្រើការសាងសង់) ពីថ្មម៉ាប ឬថ្មក្រានីត របស់ក្រុមហ៊ុន MIKOL STONE CO., LTD. តែពុំមានការលើកទឹកចិត្តនោះទ ដែលមានទីតាំងវិនិយោគស្ថិត នៅភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ មានទុនវិនិយោគប្រមាណ ២.៩លានដុល្លារអាមេរិក និងអាចបង្កើតការងារបានចំនួន២៥៧កន្លែង។
២៖ គណៈកម្មាធិការវិនិយោគកម្ពុជា ក៏បានសម្រេចចេញវិញ្ញាបនប័ត្រ ចុះបញ្ជីជាស្ថាពរ ជូនដល់ក្រុមហ៊ុន SAAB PHNOM PENH CO., LTD.” គម្រោងបង្កើតរោងចក្របោកគក់ និងកែច្នៃម៉ូតសម្លៀកបំពាក់ ដែលមានទីតាំងវិនិយោគស្ថិតនៅភូមិបឹងកំបោរ សង្កាត់ឪទ្បោក ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ២.៣លានដុល្លារអាមេរិក និងអាចបង្កើតការងារបានចំនួន ១០២៨កន្លែង។
៣៖ គណៈកម្មាធិការវិនិយោគកម្ពុជា ក៏បានសម្រេចចេញវិញ្ញាបនប័ត្រ ចុះបញ្ជីជាស្ថាពរ ជូនដល់ក្រុមហ៊ុន SHAN HAI JING (HONG KONG) HANDICRAFT MANUFACTURING CO., LTD. គម្រោងបង្កើតរោងចក្រផលិតផ្កា និងផ្លែឈើសិប្បនិម្មិត ដែលមានទីតាំងវិនិយោគស្ថិតនៅភូមិសាលាគ្រួស ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ២.៩លានដុល្លារអាមេរិក និងអាចបង្កើតការងារបានចំនួន ៤៤១កន្លែង។
៤៖ គណៈកម្មាធិការវិនិយោគកម្ពុជា...Read More

ចំណូលបានពីការលក់សំបុត្រចូលទស្សនាតំបន់អង្គរ មានជាង៥០លានដុល្លារ ធ្លាក់ចុះ៨.៥១ភាគរយ នៅរយៈពេល៥ខែ ឆ្នាំ២០១៩

FN ៖ របាយការណ៍ផ្លូវការរបស់គ្រឹះស្ថានអង្គរ ដែលបណ្តាញព័ត៌មាន Fresh News ទទួលបាននៅថ្ងៃទី០១ ខែឧសភា ឆ្នាំ២០១៩នេះ បានបញ្ជាក់ថា នៅរយៈពេល៥ខែឆ្នាំ២០១៩ រមណីយដ្ឋានអង្គរ រកចំណូលចូលថវិកាជាតិបាន ៥០,៣១២,៨៤៧ដុល្លារ ធ្លាក់ចុះចំនួន៨.៥១ភាគរយ បើធៀបនឹងរយៈពេលដូចគ្នាឆ្នាំ២០១៨។

សម្រាប់ភ្ញៀវទេសចរបរទេស ដែលបានទិញសំបុត្រចូលទស្សនាអង្គរវិញ នៅរយៈពេល៥ខែមកនេះ មានចំនួន១,១១៧,៨៤១នាក់ ធ្លាក់ចុះ៧.៣២ភាគរយ។

រាបយការណ៍បាឲ្យដឹងទៀតថា ថវិកាបានពីការលក់សំបុត្រចូលទស្សនាតំបន់អង្គរ នៅរយៈពេល៥ខែនេះ ត្រូវបានឧបត្ថម្ភចូលមូលនិធិគន្ធបុប្ផាកម្ពុជា ចំនួន២,២៣៥,៦៨២ដុល្លារ។

ដោយឡែកគិតតែក្នុងខែឧសភា ឆ្នាំ២០១៩ មានភ្ញៀវទេសចរចំនួន ១៤៤,៥៣៦នាក់ បានទិញសំបុត្រទស្សនាអង្គរ ទទួលបានចំណូល ៦,១៧៨,២១២ដុល្លារ៕