ប្រើផ្លូវជាតិ ១២៣ ក៏លែងបង់លុយ
តាមហ្វេសប៊ុក ថ្ងៃ ៦ កុម្ភៈ ឆ្នាំ ២០១៦ សម្តេចតេជោ ហ៊ុន សែន បានផ្ញើសារជម្រាបជូនជនរួមជាតិទូទាំង ប្រទេសថា រាជរដ្ឋាភិបាលកម្ពុជា បានចេញសេចក្តីសម្រេចលុបចោលកិច្ចសន្យាវិនិយោគប្រព័ន្ធសាងសង់ អាជីវកម្មផ្ទេរ (Build, Operate and Transfer – BOT) ផ្លូវជាតិលេខ ១២៣ ក្នុងខេត្តតាកែវ។ សម្តេចតេជោបញ្ជាក់ថា ចាប់ពីពេលនេះតទៅ ប្រជាពលរដ្ឋឈប់បង់លុយក្នុងការធ្វើដំណើរលើផ្លូវជាតិ លេខ ១២៣ ដែលតភ្ជាប់ពីផ្លូវជាតិលេខ ២ ចាប់ពីផ្សារចំបក់ ទៅដល់ភូមិទំនប់ ឃុំត្នោត ស្រុកបាទី ខេត្តតាកែវ ហើយសង្ឃឹមថា ការសម្រេចនេះ នឹងជួយកាត់បន្ថយការចំណាយប្រចាំថ្ងៃរបស់បងប្អូនប្រជា ពលរដ្ឋ ក៏ដូចជាជួយសម្រាលដល់ជីវភាពរស់នៅ របស់ប្រជាពលរដ្ឋអោយកាន់តែប្រសើរឡើង៕