Category Archives: បច្ចុប្បន្នភាព សង្គម

រដ្ឋមន្ត្រីក្រសួងអប់រំ អះអាងថា មណ្ឌលប្រឡងបាក់ឌុបនៅទូទាំងប្រទេសដំណើរការធម្មតា គ្មានការរំខានដោយជំនន់ទឹកភ្លៀងនោះឡើយ

FN ៖ លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងអះអាងប្រាប់បណ្តាញសារព័ត៌មាន Fresh News នៅរសៀលថ្ងៃទី២០ ខែសីហា ឆ្នាំ២០១៧នេះថា មណ្ឌលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅទូទាំងប្រទេស គឺដំណើរការធម្មតា មិនមានការរំខាន ដោយសារជំនន់ទឹកភ្លៀងនោះទេ បើទោះបីជានៅរយៈពេលប៉ុន្មានថ្ងៃចុងក្រោយនេះ ខេត្តមួយចំនួន មានភ្លៀងធ្លាក់ច្រើនក៏ដោយ។ ជាមួយគ្នានេះ នៅព្រឹកថ្ងៃទី២១ ខែសីហា ឆ្នាំ២០១៧ស្អែកនេះ លោករដ្ឋមន្ត្រី ហង់ ជួនណារ៉ុន បានបញ្ជាក់ថា លោកនឹងអញ្ជើញជាអធិបតីភាព បើកហិបវិញ្ញាសាប្រឡង នៅវិទ្យាល័យព្រះស៉ីសុវត្ថិ។ សូមជម្រាបថា ការប្រឡងសញ្ញាបត្រមធ្យមសិក្សាទុតិយមភូមិ នឹង​ប្រព្រឹត្ត​ទៅ​រយៈពេល០២​ថ្ងៃ គឺ​ចាប់​ពី​ថ្ងៃ​ទី​២១-២២ ខែ​សីហា ឆ្នាំ​២០១៧ មាន​បេក្ខជន​សរុប​ចំនួន ១០១,៤១០ នាក់ (ស្រី៥០,០៤៩ នាក់) ដោយ​ចែក​ចេញ​​ជា​១៧៨ មណ្ឌល​សំណេរ ត្រូវ​ជា ៤,០៩៣បន្ទប់ ទាំង​ថ្នាក់​វិទ្យាសាស្ត្រ និង​វិទ្យា​សាស្ត្រ​សង្គម៕

រដ្ឋមន្ដ្រីក្រសួងអប់រំ៖ យើង​នឹង​ពិនិត្យ​ចំណុចខ្លាំង និង​ខ្សោយ​របស់​ម៉ាឡេស៊ី ដើម្បី​​ត្រៀម​ធ្វើ​ម្ចាស់ផ្ទះ​ស៊ីហ្គេម ឆ្នាំ២០២៣

FN ៖ លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា បានអញ្ជើញជួបសំណេះសំណាលជាមួយប្រតិភូ គ្រូបង្វឹក និងអត្តពលិកកម្ពុជានៅថ្ងៃសៅរ៍ ទី១៩ ខែសីហា ដែលចូលរួមការប្រកួតកីឡាស៊ីហ្គេម លើកទី២៩ នៅម៉ាឡេស៊ី នៅសណ្ឋគារសាន់វេភូត្រា នាទីក្រុងកូឡាឡាំពួរផ្ទាល់តែម្ដង។ ថ្លែងក្នុងឱកាសនោះលោក ហង់ ជួនណារ៉ុន បានបញ្ជាក់ថា «ការចូលរួមប្រកួតកីឡា SEA Games ឆ្នាំ២០១៧នេះ ថ្នាក់ដឹកនាំគ្រប់កម្រិតត្រូវធ្វើការត្រួតពិនិត្យពីចំណុចខ្លាំង និងចំណុចខ្សោរបស់ម្ចាស់ផ្ទះ ដើម្បីជាគំរូសម្រាប់ត្រៀមធ្វើម្ចាស់ផ្ទះវិញម្ដង នៅឆ្នាំ២០២៣ខាងមុខ។ លោករដ្ឋមន្ដ្រីបន្ដថា ក្រោយចូលរួមប៉ុន្មានថ្ងៃមកនេះ កម្ពុជាបានរកឃើញនូវកង្វះខាតធំមួយ ដែលកម្ពុជាត្រូវដោះស្រាយមុនស៊ីហ្គេម ឆ្នាំ២០២៣ មកដល់ គឺការរៀបចំនូវផ្នែកវេជ្ជសាស្រ្ដកីឡា និងមជ្ឈមណ្ឌលវាស់ស្ទង់ កម្រិតសមត្ថភាពអត្តពលិកជាដើមដែលបច្ចុប្បន្ននៅខ្វះខាតនៅឡើយ»។ ជាមួយគ្នានោះលោក ថោង ខុន ក៏បានស្នើឲ្យគ្រូបង្វឹក និងអត្តពលិកត្រូវមានការយោគយល់ ចំពោះម្ចាស់ផ្ទះម៉ាឡេស៊ី ដោយកុំបង្ហោះ Facebook ប្រសិនបើពួកគេមើលឃើញពីភាពអសកម្មណាមួយ របស់ម្ចាស់ផ្ទះ។ យ៉ាងណាមិញកម្ពុជា…

តំណាងរាស្រ្តមណ្ឌលប៉ៃលិន ចុះស្រាយកង្វល់ជូនប្រជាកសិករ ជួបបញ្ហាខ្យងក្រហមរាតត្បាតស៊ីបំផ្លាញស្រូវ ក្នុងស្រុកសាលាក្រៅ ខេត្តប៉ៃលិន

FN ៖ ប្រជាកសិករជួបបញ្ហាខ្យងក្រហមរាតត្បាតស៊ីបំផ្លាញស្រូវប្រមាណជាង ២០០គ្រួសារ ក្នុងឃុំសាលាក្រៅ ស្រុកសាលាក្រៅ ខេត្តប៉ៃលិន នៅរសៀលថ្ងៃទី១៩ ខែសីហា ឆ្នាំ២០១៧ ត្រូវបានលោកស្រី បាន ស្រីមុំ តំណារាស្រ្តគណបក្សប្រជាជនកម្ពុជាមណ្ឌលប៉ៃលិន រួមនឹងក្រុមការងារ និងមន្ទីរកសិកម្មខេត្ត ព្រមទាំងក្រុមការងារយុវជនគណបក្ស បានចុះពិនិត្យ និងផ្តល់ថ្នាំសម្លាប់ខ្យងក្រហមបំផ្លាញស្រូវ ដើម្បីដោះស្រាយទុក្ខកង្វល់ភ្លាមៗ និងជួយសង្គ្រោះដំណាំស្រូវដែលត្រូវខ្យងស៊ីបំផ្លាញធ្ងន់ធ្ងរ។ ថ្លែងក្នុងឱកាសនោះ លោកស្រីបានគូសបញ្ជាក់ជូនប្រជាកសិករទាំងអស់ឲ្យបានដឹងថា «មានតែគណបក្សប្រជាជនកម្ពុជាតែមួយគត់ដែលនៅ រួមសុខ រួមទុក្ខ និងជួយដោះស្រាយបញ្ហា និងក្តីកង្វល់ជូនប្រជាពលរដ្ឋពិតប្រាកដ ដោយមិនដែលសន្យា តាំងពីអតីតកាល រហូតមកដល់បច្ចុប្បន្ន គឺធ្វើដូចភ្លៀងរលឹម ជួយដោះស្រាយបញ្ហាជូនប្រជាពលរដ្ឋចំពោះ មុខភ្លាមៗ និងទាន់ពេលវេលា ដោយមិនទុកឲ្យប្រជាកសិករណាម្នាក់រងគ្រោះប៉ះពាល់ដល់សេដ្ឋកិច្ចក្រុមគ្រួសារឡើយ»។ លោកស្រីក៏បានផ្តាំផ្ញើដល់ប្រជាកសិករទាំងអស់ ដែលជួបបញ្ហានាពេលនេះ សូមយកថ្នាំទៅប្រើប្រាស់តាមបច្ចេកទេសណែនាំ និងកុំឲ្យយកខ្យងទាំងនេះទៅបរិភោគ ដែលអាចប៉ះពាល់ដល់សុខភាព និងប្រសិនបើមានបញ្ហាផ្សេងទៀត សូមរាយការណ៍មកក្រុមការងារអ្នកតំណាងរាស្រ្ត និងសកម្មជនយុវជនក្នុងឃុំ និងអាជ្ញាធរភូមិ ឃុំ ដើម្បីជួយអន្តរាគមន៍ និងចាត់វិធានការជួយសង្គ្រោះភ្លាមៗ និងទាន់ពេលបន្តទៀត។ លោកស្រី បាន ស្រីមុំ ក៏បានថ្លែងអំណរគុណដល់មន្ទីរកសិកម្មខេត្ត ដែលបានចូលរួមសហការ ចុះជួយប្រជាកសិករនាពេលនេះ…