Category Archives: បច្ចុប្បន្នភាព សង្គម

ដំណាំខ្ញីកំពុងត្រូវប៉ានទីផ្សារ! ម្ចាស់រោងចក្រកែច្នៃខ្ញីនាំចេញ អំពាវនាវឲ្យពលរដ្ឋដាំដុះឲ្យច្រើន ឆ្លើយតបតម្រូវការទីផ្សារ

FN ៖ ថ្លែងប្រាប់សារព័ត៌មាន Fresh News នៅព្រឹកថ្ងៃទី២៥ ខែសីហា ឆ្នាំ២០១៧ លោក អ៊ិហ្ស៊ិកាវ៉ា គិអ៊ិឈិ អគ្គនាយករោងចក្រកែច្នៃមើមខ្ញី ដែលមានមូលដ្ឋាននៅខេត្តពោធិ៍សាត់ បានឲ្យដឹងថា បច្ចុប្បន្ននេះដំណាំខ្ញីកំពុងត្រូវប៉ាន់ទីផ្សារជាខ្លាំង ដោយក្រុមហ៊ុនរបស់លោកត្រូវការទិញមើមខ្ញីយ៉ាងច្រើនពីកសិករ ដើម្បីកែច្នៃទៅជាមើមខ្ញីជ្រក់ នាំយកទៅលក់ចែកចាយបន្ដលើទីផ្សារបរទេស។ លោក អ៊ិហ្ស៊ិកាវ៉ា គិអ៊ិឈិ បានថ្លែងឲ្យដឹងថា រោងចក្រត្រូវការមើមខ្ញីពី២ម៉ឺនគីឡូឡើងទៅក្នុង១ខែ ដើម្បីធ្វើជ្រក់ នាំចេញទៅលក់​នៅក្នុងប្រទេសចិន, ជប៉ុន, ថៃ, វៀតណាម និងមួយផ្នែកទៀតសម្រាប់លក់ក្នុងស្រុក តាមហាងទំនើបៗមួយចំនួន ដើម្បីបំពេញ​តម្រូវ​ការភ្ញៀវបរទេស ដែលនិយមចូលចិត្តទទួលទានខ្ញីជ្រក់នេះ។ លោកបានថ្លែងបន្ដទៀតថា អស់រយៈពេល២ឆ្នាំហើយ ដែលក្រុមហ៊ុនបានបើកដំណើរការ ផលិតខ្ញីជ្រក់នេះ។ ជាមួយគ្នានេះ លោកបានអំពាវនាវឲ្យប្រជាកសិករនាំគ្នាដំាំដំណាំខ្ញីឲ្យច្រើន ខណៈនៅពេលនេះពុំទាន់មានបងប្អូនប្រជាពលរដ្ឋណាដំាំដំណាំនេះ ជាលក្ខណៈ​ទ្រង់ទា្រយធំ នាំយកមកលក់ឲ្យក្រុមហ៊ុននោះឡើយ ទោះបីជាមានការអំពាវនាវ បំផុសបំផុលយ៉ាងណាក្ដី។ ក្រុមហ៊ុននឹងចាប់ទទួលទិញខ្ញីចាប់ពី១តោនឡើងទៅ។ លោកថា ខ្ញីជ្រក់មួយថងមានទម្ងន់១.៥គីឡូក្រាម តម្លៃ៦ពាន់រៀល មើមខ្ញីទាំងនោះត្រូវប្រមូលទិញពីប្រទេសចិន ប្រទេសថៃ និងប្រទេសកម្ពុជា (ខេត្តមណ្ឌលគីរី) ដោយទិញក្នុងតម្លៃ​៨០០រៀលក្នុងមួយគីឡូ។ ក្នុងនោះលោកក៏បានធ្វើកាអំពាវនាវជាថ្មី ដល់ប្រជាពលរដ្ឋក្នុងខេត្តពោធិ៍សាត់ ឲ្យដាំខ្ញីឲ្យបានច្រើន…

កិច្ចព្រមព្រៀងថ្មី៣ទៀត រវាងកម្ពុជា-រស្ស៊ី ត្រូវបានចុះហត្ថលេខា នៅអំឡុងទស្សនកិច្ច របស់លោកទេសរដ្ឋមន្រ្តី ប្រាក់ សុខុន

FN ៖ រាជរដ្ឋាភិបាលកម្ពុជា និងរដ្ឋាភិបាលរុស្ស៊ី បានចុះកិច្ចព្រមព្រៀងថ្មីចំនួន៣ទៀត អំឡុងទស្សនកិច្ចរបស់ លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកម្ពុជា ទៅកាន់ប្រទេសរុស្ស៊ី។ នេះបើតាមសេចក្តីប្រកាស របស់ក្រសួងការបរទេសនៅថ្ងៃទី២៥ ខែសីហា ឆ្នាំ២០១៧។ កិច្ចព្រមព្រៀងចំនួន៣នោះ រួមមាន៖ ១៖ ពិធីសារនៃកិច្ចប្រជុំលើកទី១០ របស់គណៈកម្មការអន្តររដ្ឋាភិបាលកម្ពុជា-រុស្ស៊ី ស្តីពីកិច្ចសហប្រតិបត្តិការពាណិជ្ជកម្ម សេដ្ឋកិច្ច វិទ្យាសាស្រ្ត និងបច្ចេកវិទ្យា។ ២៖ អនុស្សារណៈយោគយល់ស្តីពីការពារបរិស្ថាន ការគ្រប់គ្រងធនធានធម្មជាតិ និងការអភិរក្សជីវៈចម្រុះ រវាងក្រសួងបរិស្ថានកម្ពុជា និងក្រសួងធនធានធម្មជាតិ និងបរិស្ថានរុស្ស៊ី។ ៣៖ កម្មវិធីសកម្មភាពរួមរវាងក្រសួងទេសចរណ៍កម្ពុជា និងភ្នាក់ងារសហព័ន្ធទេសចរណ៍រុស្ស៊ី សម្រាប់ឆ្នាំ២០១៨-២០២០។ សូមបញ្ជាក់ថា លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេសកម្ពុជា បានទៅបំពេញទស្សនកិច្ចនៅប្រទេសរុស្ស៊ីរយៈពេល២ថ្ងៃ នាថ្ងៃទី២៣-២៤ ខែសីហា ឆ្នាំ២០១៧។ តាមការគ្រោងទុកមានកិច្ចព្រមព្រៀងចំនួន៥ ដែលត្រូវចុះហត្ថលេខាជាមួយគ្នា៕

អ្នកនាំពាក្យក្រសួងយុត្តិធម៌៖ បើគ្មានការគោរពច្បាប់ សូមកុំនិយាយពីប្រជាធិបតេយ្យ! អ្នកនៅលើទឹកដីកម្ពុជា ត្រូវគោរពច្បាប់កម្ពុជា!

FN ៖ ការប្រតិកម្មរបស់ស្ថានទូតអាមេរិកប្រចាំនៅភ្នំពេញ ក្រោមចំណងជើងថា «តើប្រទេសកម្ពុជាមានការប្តេជ្ញាចិត្តចំពោះលទ្ធិប្រជាធិបតេយ្យ ដែរឬទេ? អ្នកជាអ្នកសម្រេចិត្ត» ឬ «Is Cambodia committed to democracy? You decide» ជុំវិញការបិទនិងបណ្តេញអង្គការ NDI ចេញកម្ពុជា បានធ្វើឲ្យមានប្រតិកម្មតបតវិញពីសំណាក់មន្រ្តីរដ្ឋាភិបាល និងពីការគំរាមធ្វើបាតុកម្មប្រឆាំងស្ថានទូតអាមេរិកទៀតផង។ នៅព្រឹកថ្ងៃទី២៤ ខែសីហា ឆ្នាំ២០១៧នេះ អ្នកនាំពាក្យក្រសួងយុត្តិធម៌លោក គឹម សន្តិភាព បានថ្លែងប្រតិកម្មទៅកាន់ស្ថានទូតអាមេរិកវិញយ៉ាងដូច្នេះថា៖ «បើគ្មានការគោរពច្បាប់ សូមកុំនិយាយពីប្រជាធិបតេយ្យ! អ្នកនៅលើទឹកដីកម្ពុជា អ្នកត្រូវតែគោរពច្បាប់កម្ពុជា! សូមកុំភ្លេចថា កម្ពុជាជារដ្ឋអធិបតេយ្យ! សមាគម ឬអង្គការមិនមែនរដ្ឋាភិបាលបរទេស អាចធ្វើសកម្មភាពបានលុះណាតែមានការចុះបញ្ជីជាមុន ហើយការចុះបញ្ជីនេះត្រូវធ្វើនៅក្រសួងការបរទេស មិនមែនជាមួយស្ថាប័ន ផ្សេងឡើយ យោងតាមច្បាប់ NGO កម្ពុជា!»។ ក្រោយប្រតិកម្មរបស់ស្ថានទូតសហរដ្ឋអាមេរិកនៅភ្នំពេញ រយៈពេលតែប៉ុន្មានម៉ោងប៉ុណ្ណោះ ក្រុមសម្ពន្ធយុវជនស្រឡាញ់សន្តិភាព ដែលមានគ្រប់សាខាទូទាំងប្រទេស ប្រកាសព្រមានធ្វើបាតុកម្មនៅមុខ ស្ថានទូតអាមេរិក ប្រសិនបើបន្តលូកដៃចូលកិច្ចការកម្ពុជាមិនបញ្ឈប់នោះ។ ប្រធានក្រុមសម្ពន្ធយុវជនស្រលាញ់សន្តិភាព លោក ប៉ាន់ ខែមប៊ុនថន បានថ្លែងប្រាប់បណ្តាញព័ត៌មាន Fresh…