គណៈកម្មាធិការជាតិរៀបចំការបោះឆ្នោតប្រជុំផ្សព្វផ្សាយស្ដីពីនីតិវិធីឈ្មោះបោះឆ្នោត និងការបញ្ជូនទិន្នន័យ

ការបោះឆ្នោតជ្រើសតាំង តំណាងរាស្ត្រ ឆ្នាំ២០១៨

PPR៖ គណៈកម្មាធិការជាតិរៀបចំការបោះឆ្នោត (គ.ជ.ប)នៅវេលាម៉ោង១០និង០០ព្រឹកថ្ងៃទី១ ខែកញ្ញា ឆ្នាំ២០១៧នេះបានរៀបចំកិច្ចប្រជុំផ្សព្វផ្សាយស្ដីពី នីតិវិធីឈ្មោះបោះឆ្នោត និងការបញ្ជូនទិន្នន័យ ក្រោមអធិបតីភាពលោកគួយ ប៊ុនរឿន អនុប្រធាន គ.ជ.បនិងតំណាងគណបក្សនយោបាយអង្គការសង្គមស៊ីវិលមិនមែនរដ្ឋាភិបាលជាតិ អន្តរជាតិ សារព័ត៌មាន។ លោកគួយ ប៊ុនរឿន អនុប្រធាន គ.ជ.បបានមានប្រសាសន៍ថាចាប់ពីថ្ងៃទី០១ ខែកញ្ញា នេះ រហូតដល់ថ្ងៃទី០៩ ខែវិច្ឆិកា ឆ្នាំ២០១៧ គណៈកម្មាធិការជាតិរៀបចំការបោះឆ្នោត (គ.ជ.ប) នឹងដាក់ពង្រាយមន្រ្តីចុះឈ្មោះបោះឆ្នោតរបស់ខ្លួន រង់ចាំចុះឈ្មោះបោះឆ្នោត ក្នុងបញ្ជីបោះឆ្នោតថ្មី ឆ្នាំ២០១៧ និងធ្វើបច្ចុប្បន្នភាពបញ្ជីបោះឆ្នោត ឆ្នាំ២០១៦ ជូនប្រជាពលរដ្ឋកម្ពុជា នៅតាមការិយាល័យបោះឆ្នោតគ្រប់ឃុំ-សង្កាត់ទាំងអស់ នៅទូទាំង២៥រាជធានី-ខេត្ត។ លោកបន្តថា ការចុះឈ្មោះបោះឆ្នោតថ្មី ធ្វើឡើងសម្រាប់តែប្រជាពលរដ្ឋណាដែលមាន៖ ១៖ គ្រប់អាយុបោះឆ្នោតជ្រើសតាំងតំណាងរាស្រ្ត នីតិកាលទី៦ នៃរដ្ឋសភា ពោលគឺអាយុ១៨ឆ្នាំ (គិតដល់ថ្ងៃបោះឆ្នោត)។ ២៖ អ្នកគ្រប់អាយុយូរហើយ តែមិនទាន់បានចុះឈ្មោះបោះឆ្នោតនឹងគេ កាលពីឆ្នាំ២០១៦ កន្លងទៅ។ ៣៖ អ្នកដែលចុះឈ្មោះបោះឆ្នោត ឆ្នាំ២០១៦ រួចហើយ តែបានផ្លាស់ប្ដូរទីលំនៅ ឬទីសំណាក់ទៅឃុំ-សង្កាត់ផ្សេង។ ប្រសិនបើអ្នកមានទីលំនៅច្រើនជាងមួយកន្លែង អ្នកត្រូវជ្រើសរើសយក…

ក្រសួងពាណិជ្ជកម្ម ដាក់ឲ្យប្រើប្រាស់ម៉ាស៊ីនត្រួតពិនិត្យគុណភាពប្រេងឥន្ធនៈចល័តតម្លៃជាង ១៥ម៉ឺនដុល្លារ

បច្ចុប្បន្នភាព សង្គម

FN ៖ ដើម្បីរួមចំណែកការពារអត្ថប្រយោជន៍អ្នកប្រើប្រាស់ប្រេងឥន្ធនៈនៅក្នុងប្រទេសកម្ពុជា នៅព្រឹកថ្ងៃទី៣១ ខែសីហា ឆ្នាំ២០១៧ ក្រសួងពាណិជ្ជកម្ម បានដាក់ឲ្យដំណើរការជាផ្លូវការមន្ទីរពិសោធន៍ចល័ត (Mobile Lab) ផ្នែកប្រេងឥន្ធនៈរបស់អគ្គនាយកដ្ឋានកាំកុងត្រូល ក្រោមអធិបតីភាពលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងមានការចូលរួមពីថ្នាក់ដឹកនាំ និងមន្ត្រីសំខាន់ៗប្រមាណ ៥០រូប។ រថយន្តមន្ទីរពិសោធន៍ចល័តផ្នែកប្រងឥន្ធនៈនេះជារបស់ក្រុមហ៊ុន Ford ម៉ូដែលឆ្នាំ២០១៦ មានតម្លៃសរុបចំនួន ១៥២,៩៨២.៤៩ដុល្លារអាមេរិក ហើយគឺជារថយន្តទី២ បន្ទាប់ពីរថយន្តមន្ទីរពិសោធន៍ចល័តទី១ ត្រូវបានដាក់ឱ្យដំណើរការ ដើម្បីតាមដាន និង ត្រួតពិនិត្យគុណភាព និងសុវត្ថិភាពម្ហូបអាហារកាលពីចុងឆ្នាំ ២០១៦កន្លងទៅ។ លោក ប៉ាន សូរស័ក្តិ បានគូសបញ្ជាក់ថា ការដាក់ដំណើររថយន្តមន្ទីរពិសោធន៍ចល័តផ្នែកប្រងឥន្ធនៈបង្ហាញពីការគិតគូរយកចិត្តទុកដាក់ ប្រកបដោយស្មារតីទទួលខុសត្រូវខ្ពស់ ក្នុងនាមអាជ្ញាធរដែលមានបេសកម្ម និងភារកិច្ចត្រួតពិនិត្យទំនិញនីហរ័ណ-អាហរ័ណ និង បង្ក្រាបអំពើក្លែងបន្លំនៅក្នុងព្រះរាជាណាចក្រកម្ពុជា។ លោករដ្ឋមន្ត្រី បានបន្តទៀតថា រថយន្តនេះនឹងជួយពង្រឹងប្រសិទ្ធភាពការងាររបស់មន្ត្រីកាំកុងត្រូល ក្នុងការចុះត្រួតពិនិត្យប្រេងឥន្ធនៈ នៅតាមស្ថានីយ៍ ឬដេប៉ូចែកចាយនៅក្នុងរាជធានី និងតំបន់ឆ្ងាយៗទូទាំងប្រទេស ព្រោះវាមានបំពាក់ដោយឧបករណ៍ទំនើប ដែលអាចវិភាគរកនូវប៉ារ៉ាម៉ែត្រនៃផលិតផលទំនិញជាប្រេងឥន្ធនៈទាំងផ្នែកគុណភាព និងបរិមាណ។ សូមបញ្ជាក់ថា បន្ទាប់ពីដាក់ឲ្យដំណើរការរថយន្តមន្ទីរពិសោធន៍ចល័តផ្នែកប្រងឥន្ធនៈថ្ងៃនេះ មន្ត្រីនៃអគ្គនាយកដ្ឋានកាំកុងត្រូល នឹងចុះត្រួតពិនិត្យគុណភាពប្រេងឥន្ធនៈគ្រប់ប្រភេទដូចជា…

រាជរដ្ឋាភិបាល អនុញ្ញាតឱ្យក្រសួងការពារជាតិ ជ្រើសរើសទាហានជិត៤ពាន់នាក់បន្ថែមទៀត

បច្ចុប្បន្នភាព សង្គម

FN ៖ រាជរដ្ឋាភិបាលកម្ពុជានាថ្មីៗនេះ បានចេញសេចក្តីសម្រេចមួយ ដោយអនុញ្ញាតឱ្យក្រសួងការពារជាតិកម្ពុជា ជ្រើសរើសទាហានចំនួន ៣៨៥០បន្ថែមទៀត ដើម្បីឆ្លើយតបនឹងតម្រូវការកងទ័ព ជាពិសេសសម្រាប់កងពលថ្មីដែលទើបនឹងបង្កើតឡើងនៅខេត្តស្ទឹងត្រែង កាលពីថ្ងៃទី១២ ខែសីហា កន្លងទៅនេះ។ តាមអនុក្រឹត្យរបស់រាជរដ្ឋាភិបាលកម្ពុជា ដែលចុះហត្ថលេខាដោយ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២៤ ខែសីហា ឆ្នាំ២០១៧ បានឱ្យដឹងថា ពលទាហានជាងជិត ៤ពាន់នាក់នោះ នឹងត្រូវទៅបំពេញក្របខណ្ឌនៅកងឯកភាពមួយចំនួនដូចខាងក្រោម៖ ១៖ ទីបញ្ជាការយោធភូមិភាគទី១ ចំនួន២៥០នាក់ ២៖ កងពលតូចអន្តរាគមន៍លេខ១២៨ ចំនួន ២៩០០នាក់ ៣៖ តំបន់ប្រតិបត្តិការសឹករងស្ទឹងត្រែង ចំនួន២៥០នាក់ ៤៖ តំបន់ប្រតិបត្តិការសឹករងមណ្ឌលគិរី ចំនួន១០០នាក់ ៥៖ កងអនុសេនាធំស្រុកសៀមប៉ាង ចំនួន ២៥០នាក់៕