កម្ពុជានាំចេញជ័រកៅស៊ូបានជាង១៧ម៉ឺនតោន ទទួលចំណូល២៣០លានដុល្លារ នៅរយៈពេល៩ខែឆ្នាំនេះ

បច្ចុប្បន្នភាព សង្គម

FN​ ៖ យោងតាមរបាយការណ៍របស់អគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ ដែលបណ្ដាញព័ត៌មាន Fresh News ទទួលបាននៅថ្ងៃទី២៤ ខែតុលា ឆ្នាំ២០១៩នេះបានបញ្ជាក់ថា ក្នុងរយៈពេល៩ខែ ឆ្នាំ២០១៩ កម្ពុជាបាននាំចេញកៅស៊ូចំនួន១៧៣,០៧២តោន កើនឡើង២៣% បើធៀបនឹងរយៈពេលដូចគ្នាឆ្នាំ២០១៨ ដោយទទួលបានចំណូលប្រមាណ២៣០លានដុល្លារអាមេរិក។ របាយការណ៍បញ្ជាក់ថា តម្លៃជាមធ្យមរបស់ជ័រកៅស៊ូ នៅ៩ខែដំបូង ឆ្នាំ២០១៩នេះ មានតម្លៃ១,៣៣៥ដុល្លារក្នុង១តោន បានធ្លាក់ចុះ២%។ ដូច្នេះបើគិតជាចំណូលដែលកម្ពុជា ទទួលបានពីការនាំចេញជ័រកៅស៊ូរយៈពេល៩ខែ មានចំនួនប្រមាណជា ២៣១,០៥១,១២០ដុល្លារអាមេរិក។ សម្រាប់ការនាំចេញជ័រកៅស៊ូ ក្នុងខែកញ្ញា មានចំនួនប្រមាណជាជាង ២៣,៨០៩តោន ខណៈតម្លៃជ័រកៅស៊ូជាមធ្យមក្នុងខែកញ្ញាមានតម្លៃ ១,៣០៣ដុល្លារក្នុង១តោន បានថយចុះ២.១៥%ផងដែរ។ សូមបញ្ជាក់ថា រយៈពេលពេញមួយឆ្នាំ២០១៨ កម្ពុជាបាននាំចេញជ័រកៅស៊ូជាង២១ម៉ឺនតោន ទទួលបានចំណូលជិត៣០០លានដុល្លារអាមេរិក។ ជ័រកៅស៊ូកម្ពុជា បាននាំចេញទៅកាន់ប្រទេសចិន វៀតណាម សង្ហឹបុរី និងម៉ាឡេស៊ី៕

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងក្នុងឱកាសពិធីប្រគល់សញ្ញាបត្រជូននិស្សិត មកពីសាកលវិទ្យាល័យបៀលប្រាយ (BBU) ជាង៤ពាន់នាក់

តេជោ តាមរយៈសារព័ត៌មាន

FN ៖ នៅព្រឹកថ្ងៃទី២២ ខែតុលា ឆ្នាំ២០១៩ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញជាអធិបតីដ៏ខ្ពង់ខ្ពស់ ប្រគល់សញ្ញាបត្រជូននិស្សិតជាង៤ពាន់នាក់ មកពីសាកលវិទ្យាល័យបៀលប្រាយ (BBU) បានបញ្ចប់ការសិក្សារបស់ពួកគេដោយជោគជ័យ បន្ទាប់ពីបានជម្នះការលំបាកជាច្រើនឆ្នាំលើវិថី នៃការសិក្សានេះ។ ពិធីប្រគល់សញ្ញាបត្រនេះធ្វើឡើងនៅមជ្ឈមណ្ឌលកោះពេជ្រ។ ខាងក្រោមជាប្រសាសន៍សំខាន់ៗរបស់សម្តេចតេជោ ហ៊ុន សែន៖ * សម្តេចតេជោ ហ៊ុន សែន បានថ្លែងថា សម្តេចមានភាពសប្បាយរីករាយដែលបានអញ្ជើញចែកសញ្ញាបត្រជាថ្មីម្តងទៀតជូននិស្សិតសាកលវិទ្យាល័យបៀលប្រាយ។ * សម្តេចតេជោ ហ៊ុន សែន បានចាត់ទុកនិស្សិតដែលទទួលសញ្ញាបត្រនៅថ្ងៃនេះ គឺជាសមិទ្ធផលថ្មីមួយទៀតសម្រាប់សង្គមកម្ពុជា។ * សម្តេចតេជោ ហ៊ុន សែន បានថ្លែងថា សម្តេចនៅតែចងចាំចំពោះការលំបាករបស់យុវជនសម័យមុន ដែលបាត់បង់ឱកាសការសិក្សាដោយសារតែភ្លើងសង្គ្រាម។ * សម្តេចតេជោ ហ៊ុន សែន បានថ្លែងថា វិស័យអប់រំកម្ពុជា បានចាប់ផ្តើមឡើងវិញនៅឆ្នាំ១៩៧៩ ជាមួយស្ថានភាពដ៏លំបាកបំផុត។ * សម្តេចតេជោ ហ៊ុន សែន បានថ្លែងថា ទាំងវិស័យរដ្ឋ និងឯកជននាពេលបច្ចុប្បន្ន សុទ្ធតែត្រូវការធនធានមនុស្សដែលមានចំណេះដឹងច្បាស់លាស់។…

ក្រសួងសុខាភិបាល រកឃើញថ្នាំមួយប្រភេទទៀត ដែលអាចព្យាបាល និងបង្ការការចំលងជំងឺគ្រុនចាញ់បាន

បច្ចុប្បន្នភាព សង្គម

FN ៖ លោកសាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងថា ក្រសួងសុខាភិបាល បានរកឃើញថ្នាំមួយប្រភេទទៀតហើយ ដែលមានឈ្មោះថា Primaquin ដែលមានសមត្ថភាពពិសេស អាចព្យាបាលអ្នលដែលមានជំងឺគ្រុនចាញ់ដោយទទួលបានប្រសិទ្ធភាពខ្ពស់ ថែមទាំងអាចបង្ការជំងឺគ្រុនចាញ់ មិនឱ្យឆ្លងរាលទៅមនុស្សដ៏ទៃទៀត តាមរយៈសត្វមូសផងដែរ។ លោកសាស្រ្តាចារ្យ ម៉ម ប៊ុនហេង បានថ្លែងយ៉ាងដូចនេះនាព្រឹកថ្ងៃទី២២ ខែតុលា ឆ្នាំ២០១៩នេះ ក្នុងឱកាសដែលលោកបានអញ្ជើញជាអធិបតី ក្នុងកិច្ចប្រជុំប្រឹក្សាយោបល់លើវឌ្ឍនភាពការងារ របស់ក្រុមការងារពិសេសថ្នាក់ខេត្ត សម្រាប់លុបបំបាត់ជំងឺគ្រុនចាញ់ និងយុទ្ធសាស្រ្តលុបបំបាត់ជំងឺគ្រុនចាញ់ ដែលបានរៀបចំឡើងនៅទីស្តីការក្រសួងសុខាភិបាល ដោយមានការចូលរួមពីថ្នាក់ដឹកនាំក្រសួង ប្រធាន អនុប្រធាន និងមន្ត្រីបង្គោលគ្រប់គ្រងកម្មវិធីជាតិនៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្រ្ត អភិបាលរងខេត្តជាប្រធានក្រុមការងារពិសេសថ្នាក់ខេត្ត សម្រាប់លុបបំបាត់ជំងឺគ្រុនចាញ់ ប្រធានមន្ទីរសុខាភិបាលខេត្ត និងប្រធានកម្មវិធីគ្រុនចាញ់ខេត្តមកពី២១ខេត្ត ព្រមទាំងមន្ត្រីបង្គោលតំណាងអន្តរក្រសួងជាដៃគូ និងដៃគូអភិវឌ្ឍន៍ជាប់ពាក់ព័ន្ធទាំងអស់ផងដែរ។ លោកសាស្រ្តាចារ្យ ម៉ម ប៊ុនហេង បានបញ្ជាក់ថា ក្រសួងសុខាភិបាល និងមន្ត្រីសុខាភិបាលទាំងអស់ តែងតែបានខិតខំធ្វើតេស្ត រកអ្នកដែលមានមេរោគគ្រុនចាញ់ឱ្យបានច្រើន នៅតាមតំបន់ដែលមានហានិភ័យខ្ពស់ ដើម្បីពិនិត្យមើលប្រភេទនៃជំងឺគ្រុនចាញ់ ដោយបច្ចុប្បន្ននេះយើងមានឱសថថ្មីដែលមានឈ្មោះថា Primaquin ដែលមានប្រសិទ្ធភាពខ្ពស់សំរាប់សម្លាប់មេរោគប្រភេទ វីវ៉ាក់ ដែលត្រូវធ្វើការព្យាបាលដោយប្រើឱសថប្រភេទនេះរយៈ១៤ថ្ងៃ…