ភ្ញៀវទេសចរដែលបានដើរលេងកម្សាន្តទូទាំងប្រទេស នាឱកាសឈប់សម្រាក៥ថ្ងៃ មានសរុបជាង១.៤លាននាក់

FN ៖ នៅរាត្រីថ្ងៃទី២១ ខែសីហា ឆ្នាំ២០២០ដែលជាថ្ងៃចុងក្រោយ នាឱកាសថ្ងៃឈប់សម្រាកសងពិធីបុណ្យចូលឆ្នាំប្រពៃណីជាតិខ្មែរ លោកបណ្ឌិត ថោង ខុន រដ្ឋមន្រ្តីក្រសួងទេសចរណ៍ បានថ្លែងប្រាប់នាយកប្រតិបត្តិអង្គភាពព័ត៌មាន Fresh News ឲ្យដឹងថា នៅក្នុងភ្ញៀវទេសចរដែលបានដើរលេងកម្សាន្តតាមគោលដៅនានាទូទាំងប្រទេស នាឱកាសឈប់សម្រាករយៈពេល៥ថ្ងៃ ចាប់ពីថ្ងៃទី១៧ រហូតដល់ថ្ងៃទី២១ ខែសីហា ឆ្នាំ២០២០នេះ មានសរុបមានចំនួនប្រមាណ ១,៤៥៩,៣៨៦នាក់ ក្នុងនោះភ្ញៀវជាតិមានចំនួនប្រមាណ ១.៤៤៥.២៣៨នាក់ និងភ្ញៀវអន្តរជាតិមានចំនួនប្រមាណ ១៤.១៤៨នាក់។ សម្រាប់ចំនួនភ្ញៀវទេសចរតាមថ្ងៃនីមួយៗ មានដូចខាងក្រោម៖ * ថ្ងៃទី១ ប្រមាណ ២៣៣.៣២៩ នាក់ * ថ្ងៃទី២ ប្រមាណ ២៨១.៨៥៥ នាក់ * ថ្ងៃទី៣ ប្រមាណ ៣២៥.០៧៧ នាក់ * ថ្ងៃទី៤ ប្រមាណ ៣៣៤.៣៩១ នាក់ * ថ្ងៃទី៥ ប្រមាណ ២៨៤.៧៣៤ នាក់ ជាការកត់សម្គាល់បន្ថែម លោករដ្ឋមន្រ្តីបានបញ្ជាក់ឲ្យដឹងដូចខាងក្រោមថា៖…

កម្ពុជានាំចេញអង្ករបានជិត៤៣ម៉ឺនតោន កើន៣៨% នៅរយៈពេល៧ខែ ឆ្នាំ២០២០

FN ៖ នៅរយៈពេល៧ខែ ឆ្នាំ២០២០ កម្ពុជានាំចេញអង្ករសម្រេចបាន ៤២៦,០៧៣តោន កើនឡើងប្រមាណ ១១៨ ០៦០ តោន ស្មើនឹង ៣៨.៣៣% បើធៀបទៅនឹងរយៈពេល៧ខែដើមឆ្នាំ២០១៩ ដែលមានចំនួន ៣០៨,០១៣ តោន។ នេះបើតាមការបញ្ជាក់របស់លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី៣១ ខែកក្កដានេះ។ ដោយឡែកសម្រាប់ខែកក្កដា ឆ្នាំ២០២០ ការនាំចេញអង្ករបាន ចំនួន ២៨៤១៣ តោន កើនឡើងចំនួន ១៩៣៨ តោន ស្មើនឹង ៧.៣២% ធៀបទៅនឹងខែឧសភា ឆ្នាំ២០១៩ ដែលក្នុងនេះមាន៖ អង្ករក្រអូបគ្រប់ប្រភេទមានចំនួន ១៨៥២៣ តោន, អង្ករចម្រុះគ្រប់ប្រភេទមានចំនួន ៩២០៨តោន, អង្ករចំហ៊ុយមានចំនួន ៦៨២ តោន និងអង្ករក្រហមមានចំនួន ២៨.៤១ តោន។ លោក វេង សាខុន បានបញ្ជាក់ទៀតថា ប្រទេសដែលបានបញ្ជាទិញអង្ករពីកម្ពុជាក្នុងរយៈពេល ៧ខែនេះ…

ក្រសួងសុខាភិបាល អំពាវនាវប្រជាពលរដ្ឋ ឱ្យកម្ចាត់ជម្រកមូសខ្លាការពារជំងឺគ្រុនឈីក

FN៖ ក្រសួងសុខាភិបាល បានអំពាវនាវឱ្យប្រជាពលរដ្ឋកម្ចាត់ជម្រកមូសខ្លា និងអនុវត្តន៍នូវវិធានការចាំបាច់មួយចំនួនទៀត ដើម្បីការពារជំងឺគ្រុនឈីក ដែលបាននិងកំពុងរាតត្បាតលើខេត្តចំនួន១២។ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យរបស់ក្រសួងសុខាភិបាល បានឱ្យដឹងតាមរយៈសេចក្តីប្រកាសព័ត៌មាននាព្រឹកថ្ងៃទី០១ ខែសីហា ឆ្នាំ២០២០នេះថា មកដល់ត្រឹមថ្ងៃទី៣១ ខែកក្កដា ឆ្នាំ២០២០ ជំងឺគ្រុនឈីកបានកើតចំនួន ១,០២០ករណី ក្នុងនោះ ស្ត្រីមានចំនួន ៥៦២នាក់ ស្មើនឹង ៥៥ភាគរយ។ ក្នុងនោះចំនួនករណីជាង ៨០ភាគរយ គឺកើតមានក្នុងខេត្តចំនួន៤៖ ខេត្តសៀមរាប បន្ទាយមានជ័យ ព្រះវិហារ និងកំពង់ចាម។ លោកស្រីរដ្ឋលេខាធិការ បានឱ្យដឹងដែរថា បច្ចុប្បន្នខេត្តដែលមានករណីគ្រុនឈីកមានចំនួន១២ហើយរួមមាន៖ ខេត្តសៀមរាប បន្ទាយមានជ័យ ព្រះវិហារ កំពង់ចាម ឧត្តរមានជ័យ ត្បូងឃ្មុំ តាកែវ កំពត ព្រះសីហនុ ពោធិ៍សាត់ ស្ទឹងត្រែង និងប៉ៃលិន។ លោកស្រី ឱ វណ្ណឌីន បានដកស្រង់ប្រសាសន៍របស់លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល មកបញ្ជាក់ថា ការទប់ស្កាត់…