FN ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃចន្ទ ទី០១ ខែកុម្ភៈ ឆ្នាំ២០២១ បានបន្តអញ្ជើញអញ្ជើញបើកការដ្ឋាន និងសម្ពោធសមិទ្ធផលថ្មីទៀត សម្រាប់ជាតិ និងប្រជាជនកម្ពុជា។ ការបង្ហាញវត្តមានជាសាធារណៈជាលើកទី២ របស់សម្តេចតេជោ ហ៊ុន សែន នៅដើមឆ្នាំ២០២១នេះ គឺការអញ្ជើញបើកការដ្ឋានសាងសង់រោងចក្រប្រព្រឹត្តកម្មទឹក ស្អាតបាក់ខែង និងពិធីសម្ពោធដាក់ឱ្យដំណើរការជាផ្លូវការរោងចក្រប្រព្រឹត្តកម្មទឹកស្អាតចម្ការមន។
នៅក្នុងឱកាសសម្ពោធនេះសម្តេចតេជោ ហ៊ុន សែន បានថ្លែងសុន្ទរកថារយៈពេលប្រមាណ២ម៉ោង, ខាងក្រោមជាប្រសាសន៍សំខាន់ៗរបស់សម្តេចតេជោ៖
* សម្តេចតេជោ ហ៊ុន សែន ចាប់ផ្តើមថ្លែងសំណេះសំណាល ក្នុងឱកាសអញ្ជើញបើកការដ្ឋានសាងសង់រោងចក្រប្រព្រឹត្តកម្មទឹក ស្អាតបាក់ខែង និងពិធីសម្ពោធដាក់ឱ្យដំណើរការជាផ្លូវការរោងចក្រប្រព្រឹត្តកម្មទឹកស្អាតចម្ការមន នៅព្រឹកថ្ងៃចន្ទ ទី០១ ខែកុម្ភៈ ឆ្នាំ២០២១
* សម្តេចតេជោ ហ៊ុន សែន ប្រកាសគាំទ្រពាក្យស្លោកលើកដោយលោកទេសរដ្ឋមន្ត្រី ចម ប្រសិទ្ធ «ទឹកស្អាតសម្រាប់ទាំងអស់គ្នា»។
* សម្តេចតេជោ ហ៊ុន សែន បានថ្លែងថា ការកំណត់នយោបាយទឹកនេះ បង្ហាញឱ្យឃើញពីការប្តេជ្ញាចិត្តមុតមាំរបស់រាជរដ្ឋាភិបាល ក្នុងការដោះស្រាយបញ្ហាទឹករបស់ប្រជាពលរដ្ឋ។
* សម្តេចតេជោ ហ៊ុន សែន បានរំលឹកថា នយោបាយ ទឹក ផ្លូវ ភ្លើង និងធនធានមនុស្ស ត្រូវបានសម្តេចលើកឡើងតាំងពីពេលសម្តេចទៅចូលរួម ចរចារកសន្តិភាពនៅប្រទេសបារាំងនាឆ្នាំ១៩៨៧មកម្ល៉េះ។
* សម្តេចតេជោ ហ៊ុន សែន បានចាត់ទុកការរៀបចំកម្មវិធីនៅថ្ងៃនេះ ជាសមយុទ្ធលើកទី២ សម្រាប់ការរៀបចំកម្មវិធីក្នុងបរិបទកូវីដ១៩។
* សម្តេចតេជោ ហ៊ុន សែន បានហៅសមិទ្ធផលរោងចក្រប្រព្រឹត្តកម្មទឹកស្អាតនាពេលនេះ គឺជាកិច្ចសហប្រតិបត្តិការរវាងកម្ពុជា ជាមួយរដ្ឋាភិបាលបារាំង និងសហភាពអឺរ៉ុប។
* សម្តេចតេជោ ហ៊ុន សែន បានថ្លែងថា រោងចក្រប្រព្រឹត្តកម្មទឹកស្អាតបាក់ខែង ចំណាយថវិកាប្រមាណ ២៤៧លានដុល្លារអាមេរិក។ ក្នុងនោះថវិកាសាងសង់រោងចក្រ ១៥៥.៥លានដុល្លារ ការរៀបចំបណ្តាញចែកចាយ ៩១.៥លានដុល្លារ។
* សម្តេចតេជោ ហ៊ុន សែន បានថ្លែងថា គម្រោងសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី១ និងទី២ ចំណាយថវិកា ៣៤៨លានដុល្លារអាមេរិក។ ជំហានទី១ និងទី២នេះ អាចផលិតទឹកស្អាតបានប្រមាណ ៣៩ម៉ឺនម៉ែត្រគូបក្នុងមួយថ្ងៃ។
* សម្តេចតេជោ ហ៊ុន សែន បានវាយតម្លៃ និងកោតសរសើរខ្ពស់ចំពោះការប្រឹងប្រែងរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្ត ដែលបានប្រឹងប្រែងកសាងរោងចក្រប្រព្រឹត្តកម្មទឹកស្អាតនេះ។
* សម្តេចតេជោ ហ៊ុន សែន បានថ្លែងរំលឹកសាវតាររបស់លោក ចម ប្រសិទ្ធ ដែលបានផ្តើមចេញពីជំនួយការផ្ទាល់របស់សម្តេច និងបាននៅជាមួយសម្តេចប្រមាណ៤០ឆ្នាំហើយ
* សម្តេចតេជោ ហ៊ុន សែន បានថ្លែងថា រោងចក្រប្រព្រឹត្តកម្មទឹកស្អាតចំការមនចំណាយថវិកា ៤៧.១លានដុល្លារ អាចផលិតទឹកបាន ៥២,០០០ម៉ែត្រគូបក្នុងមួយថ្ងៃ។
* សម្តេចតេជោ ហ៊ុន សែន បានថ្លែងរំលឹកថា តំបន់អភិវឌ្ឍន៍នៅប្របមហាវិថីឈ្នះឈ្នះ ជាជម្រករបស់ខ្មែរក្រហមនោះទេ ហើយត្រូវបានសម្តេចនាំមន្ត្រីមកកាប់ឆ្កាព្រៃនៅទីនេះ កុំឱ្យខ្មែរក្រហមលាក់ខ្លួន។
* សម្តេចតេជោ បានរំលឹកថា បណ្តាញទឹកស្អាតនៅក្នុងរាជធានីភ្នំពេញ មានប្រើប្រាស់មុនរបបប្រល័យពូជសាសន៍ ប៉ុល ពត តែបណ្តាញនេះ ត្រូវបានបំផ្លាញទាំងស្រុងក្នុងរបបប្រល័យពូជសាសន៍នេះ។
* សម្តេចតេជោ ហ៊ុន សែន បានរំលឹកថា សម្តេចបាត់បង់កូនក្នុងផ្ទៃម្នាក់ ព្រោះតែសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន យោងទឹកដាក់លើផ្ទះ។ សម្តេចតេជោ បានលើកឡើងថា រហូតដល់ឆ្នាំ១៩៩៤ ទើបផ្ទះសម្តេចមានទឹកប្រើ។
* សម្តេចតេជោ ហ៊ុន សែន បានថ្លែងថា កម្ពុជា ជាប្រទេសរងគ្រោះដោយរបបប្រល័យពូជសាសន៍ ប៉ុល ពត តែបែរជារងទណ្ឌកម្មពីប្រទេសប្រជាធិបតេយ្យ។
* សម្តេចតេជោ ហ៊ុន សែន បានថ្លែងថា ប្រទេសប្រជាធិបតេយ្យ មិនដែលបង្ហាញការសោកស្តាយរបស់ពួកគេចំពោះកំហុសពីអតីតកាល តាមរយៈការគាំទ្ររបបខ្មែរក្រហមនោះទេ។
* សម្តេចតេជោ ហ៊ុន សែន បានថ្លែងថា ក្នុងកំលុងពេលរាតត្បាតនៃជំងឺកូវីដ១៩នេះ កម្ពុជា នៅតែមានលទ្ធភាពក្នុងការសងបំណុលបរទេស។
* សម្តេចតេជោ ហ៊ុន សែន បានលើកឡើងថា កម្ពុជារងគ្រោះ អ្នកជំនាន់មុនបង្កើតសង្គ្រាម អ្នកជំនាន់ក្រោយដើរពន្លត់សង្គ្រាម និងបង្កើតសន្តិភាព។
* សម្តេចតេជោ ហ៊ុន សែន ថ្លែងអំណរគុណបារាំង និងសហភាពអឺរ៉ុប ដែលបានជួយសាងសង់រោងចក្រផលិតទឹកស្អាត។
* សម្តេចតេជោ ហ៊ុន សែន បានថ្លែងថា ពាក់ព័ន្ធស្ថានភាពចាប់ខ្លួនមេដឹកនាំ និងប្រធានាធិបតីនៅប្រទេសមីយ៉ាន់ម៉ា កម្ពុជាមិនថ្លែងសារអ្វីពាក់ព័ន្ធបញ្ហាផ្ទៃក្នុងរបស់មីយ៉ាន់ម៉ាទេ
* សម្តេចតេជោ ហ៊ុន សែន បានថ្លែងថា នៅក្នុងរាជធានីភ្នំពេញ រដ្ឋាភិបាលជប៉ុន បានជួយច្រើនណាស់លើបញ្ហាទឹក។
* សម្តេចតេជោ ហ៊ុន សែន បានថ្លែងថាតម្រូវការទឹកក្នុងភ្នំពេញ បច្ចុប្បន្នត្រូវការទឹកជាង៧០ម៉ឺនម៉ែត្រគូប ខណៈការផលិតបានត្រឹមជាង៦០ម៉ឺនម៉ែត្រគូប ខ្វះប្រមាណ ១៥ម៉ឺនម៉ែត្រគូប។ ប្រជាពលរដ្ឋ៤ម៉ឺនគ្រួសារខ្វះទឹកប្រើប្រាស់
Senghor, [01.02.21 10:48]
* សម្តេចតេជោ ហ៊ុន សែន បានថ្លែងថា តម្រូវការទឹកក្នុងរាជធានីភ្នំពេញ គឺកើនឡើងរាល់ថ្ងៃ ដូច្នេះត្រូវតែប្រឹងប្រែងក្នុងការអភិវឌ្ឍសមត្ថភាពផលិត និងផ្គត់ផ្គង់ទឹកស្អាត។
* សម្តេចតេជោ ហ៊ុន សែន បានលើកឡើងថា ស្ថាប័នរដ្ឋទាំងអស់ ត្រូវយកចិត្តទុកដាក់ក្នុងការកាត់បន្ថយការប្រើប្រាស់ថាមពលអគ្គិសនី និងទឹក។
* សម្តេចតេជោ ហ៊ុន សែន បានលើកឡើងថា ក្រសួងស្ថាប័នរដ្ឋ កុំបើកម៉ាស៊ីនត្រជាក់ខ្លាំងពេក ហើយចេញត្រូវបិទភ្លើង។
* សម្តេចតេជោ ហ៊ុន សែន បានថ្លែងថា នៅឆ្នាំ២០១៩ រាជរដ្ឋាភិបាលបានវិនិយោគផ្ទាល់មានទំហំថវិកា៥៩៤លានដុល្លារ។ ក្នុងនោះវិនិយោគផ្ទាល់ ៥១៤លានដុល្លារ ៧៩លានដុល្លារ ថវិកាបដិភាគ។
* សម្រាប់ឆ្នាំ២០២០ វិនិយោគផ្ទាល់ ១,៤២៥លានដុល្លារអាមេរិក។ ក្នុងនោះវិនិយោគផ្ទាល់ ១២១៥លានដុល្លារ ប្រាក់បដិភាគ ២១០លានដុល្លារ។ ឆ្នាំ២០២១ ថវិកាវិនិយោគផ្ទាល់មានចំនួន ១,៤០០លានដុល្លារ។ ក្នុងនោះវិនិយោគផ្ទាល់ ១,១៨៩លានដុល្លារ និងបដិភាគ ២១១លានដុល្លារ។
* សម្តេចតេជោ ហ៊ុន សែន បានថ្លែងថា សង្គ្រាមពីអតីតកាល បានបន្សល់ទុកនូវស្នាមរបួសជាច្រើនសម្រាប់កម្ពុជា តែកម្ពុជាបានប្រឹងប្រែងងើបឡើង។
* សម្តេចតេជោ ហ៊ុន សែន បានថ្លែងថា នយោបាយ ទឹក ផ្លូវ ភ្លើង និងធនធានមនុស្ស នៅតែបន្តត្រូវនឹងស្ថានភាពរបស់កម្ពុជារហូតដល់ ៥០ឆ្នាំខាងមុខ។
* សម្តេចតេជោ ហ៊ុន សែន បានថ្លែងថា ស្ថានភាពជំងឺកូវីដ១៩មិនទាន់ស្រាកស្រាននោះទេ។ សម្តេចតេជោ បានសុំការយោគយល់ពីសំណាក់ប្រជាពលរដ្ឋគ្រប់រូប ជាពិសេសអ្នកកំពុងធ្វើចត្តាឡីស័កមិនអាចកាត់បន្ថយចំនួនថ្ងៃបាននោះទេ។
* សម្តេចតេជោ ហ៊ុន សែន បានប្រកាសថា អ្នកចូលមកកម្ពុជាត្រូវតែធ្វើតេស្តសុខភាព និងចត្តាឡីស័ក១៤ថ្ងៃដោយមិនអាចខានបាននោះឡើយ។
* សម្តេចតេជោ ហ៊ុន សែន បានថ្លែងថា ពេលនេះមិនមែនជាពេលត្រូវស្តីបន្ទោសគ្នានោះទេ តែជាពេលដែលប្រទេសទាំងអស់ ត្រូវសហការគ្នាដោះស្រាយបញ្ហា។
* សម្តេចតេជោ ហ៊ុន សែន បានថ្លែងថា ពលករខ្មែរនៅថៃចំនួន១៣៦នាក់ កើតជំងឺកូវីដ១៩។
* សម្តេចតេជោ ហ៊ុន សែន បានថ្លែងថា ត្រូវរួមគ្នាការពារឱ្យបានកុំឱ្យមានការឆ្លងចូលសហគមន៍ជាថ្មី។
* សម្តេចតេជោ ហ៊ុន សែន បានថ្លែងថា សម្តេចបានចូលសមរភូមិសង្គ្រាម និងសមរភូមិចរចាជាច្រើន តែមិនដែលតក់ស្លុតនឹងបញ្ហានោះទេ។ ប៉ុន្តែការប្រយុទ្ធនិងសមរភូមិកូវីដ១៩ ថ្ងៃខ្លះសម្តេចត្រូវញ័រដៃ។
* សម្តេចតេជោ ហ៊ុន សែន បានថ្លែងថា ប្រយុទ្ធលើសមរភូមិកូវីដ១៩ មិនស្ថិតលើអ្នកមាន ឬអ្នកក្រនោះទេ តែស្ថិតលើអភិបាលកិច្ចល្អ។
* សម្តេចតេជោ ហ៊ុន សែន បានថ្លែងថា ភាពជោគជ័យនៃការប្រយុទ្ធប្រឆាំងជំងឺកូវីដ១៩នាពេលកន្លងទៅ ដោយសារមានការចូលរួមពីប្រជាពលរដ្ឋ។
* ក្នុងឱកាសបុណ្យចូលឆ្នាំចិនខាងមុខនេះ សម្តេចតេជោ ហ៊ុន សែន អំពាវនាវឱ្យប្រជាពលរដ្ឋកុំភ្លេចវិធានការ «៣កុំ» និង «៣ការពារ»។
* សម្តេចតេជោ ហ៊ុន សែន បានថ្លែងអំណរព្រះគុណព្រះមហាក្សត្រ ព្រះមហាក្សត្រី ព្រះសង្ឃ និងប្រជាពលរដ្ឋទាំងអស់ ដែលបានផ្តល់ព្រះរាជអំណោយ និងជំនួយជួយទិញវ៉ាក់សាំង។ សម្តេចតេជោ បានលើកឡើងថា ព្រះរាជកាយវិការ និងកាយវិការទាំងនេះ បង្ហាញពីស្មារតីនៃសាមគ្គីភាពនៅក្នុងសង្គមកម្ពុជា។
* សម្តេចតេជោ ហ៊ុន សែន ប្រតិកម្មនឹងវិធានការរាំងខ្ទប់វ៉ាក់សាំងរបស់សហភាពអឺរ៉ុប។ សម្តេចតេជោ បានបញ្ជាក់ថា ពិភពលោកចាត់ទុកវ៉ាក់សាំងជាទំនិញរួម។ សម្តេចតេជោ ហ៊ុន សែន តាមរយៈទូតអឺរ៉ុប ជួយនាំសារនេះទៅកាន់សហភាពអឺរ៉ុប។
* សម្តេចតេជោ ហ៊ុន សែន បញ្ជាក់ពីប្រភពវ៉ាក់សាំង ដែលកម្ពុជានឹងទទួលបានប្រមាណ ២០លានដូស។ ក្នុងនោះទទួលបានជំនួយពីចិន ១លានដូស (មកដល់ខែកុម្ភៈ ចំនួន ៦០ម៉ឺនដូស), ទទួលពីកូវ៉ាក់ ដែលជារបស់អង្គការសុខភាពពិភពលោក ៧លានដូស, ទិញតាមកូវ៉ាក់១លានដូស និងទទួលបានតាមរយៈជំនួយពីអូស្ត្រាលីខ្ទង់៣លានដូស។ ក្រៅពីនោះកម្ពុជាពិចារណាទិញពីប្រទេសអង់គ្លេស។
* សម្តេចតេជោ ហ៊ុន សែន បានថ្លែងថា ពេទ្យកងទ័ពបានហ្វឹកហ្វឺនរួចហើយ ក្នុងប្រតិបត្តិការចាក់វ៉ាក់សាំង។
* សម្តេចតេជោ ហ៊ុន សែន បានថ្លែងថា បើវ៉ាក់សាំងមួយដូសតម្លៃចន្លោះ ៤ ទៅ៥ដុល្លារ គឺព្រះរាជអំណោយព្រះមហាក្សត្រ និងមហាក្សត្រី ព្រមទាំងការចូលរួមរបស់ប្រជាពលរដ្ឋខ្មែរជាង ៥៧លានដុល្លារ គឺគ្រប់គ្រាន់។
* សម្តេចតេជោ ហ៊ុន សែន ប្រកាសសុំជំនួយវ៉ាក់សាំង ពីសហភាព និងអឺរ៉ុប។
* សម្តេចតេជោ ហ៊ុន សែន បានថ្លែងថា កុំនិយាយថាកម្ពុជាមើលឃើញ ឬត្រូវការតែចិននោះ។ នយោបាយរបស់កម្ពុជា ត្រូវការជុំវិញខ្លួនទាំងអស់។
* សម្តេចតេជោ ហ៊ុន សែន បានថ្លែងថា ក្នុងមួយថ្ងៃកម្មការិនីឆ្លងទន្លេជាង ២០០នាក់។
* សម្តេចតេជោ ហ៊ុន សែន បានថ្លែងថា តំណក់ប្រេងដំបូងរបស់កម្ពុជា ដែលទទួលបាននៅថ្ងៃទី២៩ ខែធ្នូ ឆ្នាំ២០២០នោះ អណ្តូងទី១ ដំណើរការបាន ៣៣ថ្ងៃ បូមបាន ១,២៣៦បារ៉ែល ក្នុងមួយថ្ងៃ។ រយៈពេល ៣៣ថ្ងៃ ផលិតបាន ៤០,៧៨៨បារ៉ែល។
* សម្តេចតេជោ ហ៊ុន សែន បានថ្លែងថា តាមការវាយតម្លៃកម្ពុជាអាចចម្រាញ់ប្រេងបានចន្លោះពី ៧ពាន់ ទៅ ៧,៥០០បារ៉ែលប៉ុណ្ណោះក្នុងមួយថ្ងៃ ដែលជានេះជាចំនួនមួយតិចតួចនៅឡើយ តែជាការបោះជំហ៊ានមួយល្អលើវិស័យប្រេងនៅកម្ពុជា។ សម្តេចតេជោ ហ៊ុន សែន បានថ្លែងថា ចំណូលពីប្រេង មិនទាន់ជះវិសាលភាពដល់សេដ្ឋកិច្ចកម្ពុជានោះទេ។
* សម្តេចតេជោ ហ៊ុន សែន បានថ្លែងថា នៅឆ្នាំ២០២១ កម្ពុជារំពឹងទទួលបានកំណើនសេដ្ឋកិច្ច ៤ភាគរយមកវិញ តែត្រូវរួមគ្នាទប់ស្កាត់ឱ្យបានលើការរីករាលដាលជំងឺកូវីដ១៩។
* សម្តេចតេជោ ហ៊ុន សែន បានថ្លែងថា នៅចំពោះមុខវិបត្តិកូវីដ១៩នេះ សម្តេចមិនប្រកាសដាក់ប្រទេសក្នុងគ្រាមានអាសន្ននៅផ្នែកណាមួយ ឬប្រទេសទាំងមូលនោះឡើយ។
* សម្តេចតេជោ ហ៊ុន សែន បានថ្លែងថា នៅឆ្នាំ២០២១នេះ សម្តេចមិនមានគម្រោងលុបពិធីបុណ្យចូលឆ្នាំនោះឡើយ។
