FN ៖ គណៈកម្មាធិការជាតិ រៀបចំការបោះឆ្នោត (គ.ជ.ប) នៅថ្ងៃទី០៤ ខែមិថុនានេះ បានចេញសេចក្ដីអំពាវនាវជាបន្ទាន់មួយ ដោយហាមមិនឲ្យអ្នកបោះឆ្នោត ថតយករូបភាពសន្លឹងឆ្នោត ដែលបានគូសធិចរួចហើយ ទៅបង្ហោះលើបណ្ដាញសង្គម Fecebook ព្រោះសកម្មភាពនេះ ផ្ទុយទៅនឹងច្បាប់បោះឆ្នោត។
គ.ជ.ប បានបញ្ជាក់ថា ឃុំ-សង្កាត់នីមួយៗ ត្រូវមានក្រុមប្រឹក្សាមួយ ដែលត្រូវបានបោះឆ្នោតជ្រើសរើសឡើង ដោយប្រជាពលរដ្ឋនៃឃុំ-សង្កាត់របស់ខ្លួន តាមការបោះឆ្នោតជាទូទៅជាសកល ដោយសេរី ត្រឹមត្រូវ និងយុត្តិធម៌ ដោយស្មើភាព ដោយចំពោះ ដោយសម្ងាត់ ស្របទៅតាមនីតិវិធីដូចមានចែងក្នុងច្បាប់នេះ។
