FN ៖ លោក ហង្ស ពុទ្ធា អ្នកនាំពាក្យ គ.ជ.ប បានប្រាប់បណ្តាញសារព័ត៌មាន Fresh News នៅមុននេះថា គិតត្រឹមវេលាម៉ោង៩៖៣០នាទី ព្រឹកថ្ងៃទី៤ ខែមិថុនា ឆ្នាំ២០១៧នេះ ប្រជាពលរដ្ឋប្រមាណ៣០ភាគរយហើយ ដែលបានអញ្ជើញទៅបោះឆ្នោត នៅតាមការិយាល័យរៀងៗខ្លួន។
លោកបានបញ្ជាក់ថា គិតត្រឹមម៉ោងដដែលនេះ ការបោះឆ្នោតនៅទូទាំងប្រទេស បានប្រព្រឹត្តទៅយ៉ាងល្អប្រសើរ មិនមានបញ្ហាធ្ងន់ធ្ងរកើតឡើងនោះទេ។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ មានប្រជាពលរដ្ឋគ្រប់អាយុបោះឆ្នោត ៧.៨លាននាក់ ស្មើនឹង ៨១.៣៨ភាគរយ បានចុះឈ្មោះបោះឆ្នោត ក្នុងចំណោមប្រជាពលរដ្ឋដែលគ្រប់អាយុបោះឆ្នោតប្រមាណ ៩.៦លាននាក់ ដែលមានការិយា ល័យបោះឆ្នោតចំនួន២២,១៤៨ការិយាល័យ៕
