ក្នុងសារផ្ញើជូនពលរដ្ឋខ្មែរឥស្លាម ក្នុងឱកាសបុណ្យចូលឆ្នាំ ថ្ងៃទី ១៤ ខែ តុលា ឆ្នាំ ២០១៥ ត្រូវនឹង ថ្ងៃទី ០១ ខែ មូហារ៉ាម មហាម៉ាត់ (Muharram) សករាជ ១៤៣៧ សម្តេចតេជោ ហ៊ុន សែន បាន រំលឹកពីការយកចិត្តទុកដាក់របស់រាជរដ្ឋាភិបាល គាំទ្រ និងលើកតម្កើងសិទ្ធិសេរីភាពជំនឿសាសនា សិទ្ធិប្រកបការងារ សិទ្ធិចូលរួម កិច្ចការសង្គមទូទៅ និងបានចាត់ទុកបងប្អូនខ្មែរឥស្លាមជាសាច់ឈាម ខ្មែរតែមួយ។ សម្តេចបានក្រើនរំឮកដល់បងប្អូនខ្មែរឥស្លាមទាំងអស់ អោយប្រុងប្រយ័ត្នចំពោះការឃោសនា ញុះញង់ របស់គណបក្សនយោបាយនានា ពីការផ្លាស់ប្តូរ ដែលអាចប្រឈមនឹងវាសនាដូចសាសនិកឥស្លាមកាលពីជំនាន់ ខ្មែរក្រហម ឬក៏ដូចនៅមជ្ឈឹមបូព៌ា ដែលត្រូវរស់នៅគេចពីសង្គ្រាមយ៉ាងលំបាក។ សម្តេច បានដាស់តឿនដល់បងប្អូនខ្មែរឥស្លាមទាំងអស់ ឲ្យបន្តជឿទុកចិត្តមកលើការដឹកនាំរបស់រាជរដ្ឋា ភិបាល៕
កម្ពុជាទស្សនៈថ្មី
ក.ទ.ថ.
