FN ៖ ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានអន្តរាគមន៍ជួយពលករ-ពលការិនីខ្មែរចំនួន៨នាក់ ឲ្យវិលត្រឡប់មកកម្ពុជាវិញ។ នេះបើយោងតាមសេចក្តី ជូនដំណឹងរបស់អ្នកនាំពាក្យក្រសួងការបរទេសកម្ពុជា និងកិច្ចសហប្រតិបត្តិការអន្តរជាតិ នៅល្ងាចថ្ងៃទី១ ខែកក្កដា ឆ្នាំ២០១៧នេះ។
សេចក្តីប្រកាសព័ត៌មានបានបញ្ជាក់ថា «ពលករ-ពលការិនីខ្មែរចំនួន៨នាក់ត្រូវ បានជួយអន្តរាគមន៍ ក្រោយពីស្ថានឯកអគ្គរាជទូត កម្ពុជាប្រចាំ ប្រទេសម៉ាឡេស៊ី សហការជាមួយអាជ្ញាធរពាក់ព័ន្ធរកឃើញថា រងគ្រោះដោយសារការធ្វើបាបពីសំណាក់ ថៅកែ នៅប្រទេសម៉ាឡេស៊ី»។
បើតាមក្រសួងការបរទេស ពលករ-ពលការិនីទាំង៨នាក់ បានមកដល់ព្រលានយន្តហោះអន្តរជាតិភ្នំពេញហើយ នៅថ្ងៃទី២៩ ខែកក្កដា ឆ្នាំ២០១៧ កាលពីវេលាម៉ោង ០៧៖៣៥នាទី តាមជើងយន្តហោះលេខ AK536។
