Speech given by the Prime Minister on national and international occasions, review conference, etc. in English and in Khmer

សេចក្តីដកស្រង់ប្រសាសន៍ អបអរសាទរកីឡាការិនី ខាន់ ចេសា និងកីឡាករ សាលី អ៊ូមើត ជ័យលាភីមេដាយមាស ក្នុងការប្រកួតកីឡាអាស៊ីទី ១៨ នៅហ្សាកាតា-ប៉ាឡាំបាំង

បានសន្យាមុនចេញទៅប្រកួត “ជួបគ្នាលុះត្រាមានមេដាយមាសមួយ” ថ្ងៃនេះ យើងជួបជុំគ្នានៅទីនេះ ក្នុងនាមរាជរដ្ឋាភិបាល និងប្រជាជនកម្ពុជាទាំងមូល ខ្ញុំសូមសម្ដែងនូវការស្វាគមន៍យ៉ាងកក់ក្ដៅ ចំពោះវីរកីឡាការនី កញ្ញា ចាន់ ចេសា ដែលជាជ័យលាភីមេដាយមាសពីកីឡាអាស៊ី។ សូមងើបឈរឡើង។ ក៏សូមស្វាគមន៍ ចំពោះលោកវីរកីឡាករ សាលី អ៊ូមើត ដែលបានមេដាយមាស និងមេដាយសំរឹទ្ធិពីកីឡាអាស៊ី។ សូមអញ្ជើញឡើងមកខាងមុខ ដើម្បីអោយគេឃើញបន្តិច។ កាលពី ១៨ ថ្ងៃមុន យើងបានជួបជុំគ្នានៅទីនេះ ក្នុងពេលដែលខ្ញុំជូនដំណើរកីឡាករ/ការនី គ្រូបង្វឹក ក៏ដូចជាថ្នាក់ដឹកនាំ ដើម្បីទៅ​ចូលរួមការប្រកួតកីឡាអាស៊ីនៅប្រទេសឥណ្ឌូនេស៊ី។ ១៨ ថ្ងៃក្រោយ យើងក៏ជួបជុំគ្នានៅទីនេះម្ដងទៀត។ ដូច​ដែលខ្ញុំបានបញ្ជាក់កាលពីក្មួយៗចេញដំណើរថា យើងនឹងជួបគ្នាលុះត្រាតែមានមេដាយមាសមកជាមួយ។ ត្រូវរង់ចាំរហូតដល់ ៦៤ ឆ្នាំ ទើបទទួលបានមេដាយ ៤ លើកនេះ ក្មួយៗពិតជាធ្វើអោយប្រទេសជាតិរបស់យើងមិនខកបំណងនោះទេ។ យើងអង្គុយរង់ចាំបែបនេះអស់រយៈពេល ៦៤ ឆ្នាំ រួចមកហើយ។ មុននេះ ៦០ ឆ្នាំ យើងរង់ចាំនូវមេដាយមាសទី ១ ដែលនាំមកដោយវីរកីឡាការនី​ ស៊ន សៀវម៉ី កាលពីឆ្នាំ ២០១៤។…

សេចក្តីដកស្រង់ប្រសាសន៍ សំណេះសំណាលជាមួយកម្មករ និយោជិត សង្កាត់ចោមចៅ ខណ្ឌពោធិសែនជ័យ

ក្រោកពីយប់ ដើម្បីមកជួបគ្នានេះ ងងុយដេកទេក្មួយៗ? អត់ទេ! បែរជាមកងងុយពូឯណេះ។ ថាក្មួយ​ៗទៅចុះក្រោកពីយប់ ដើម្បីបានមកជួបជាមួយនឹងពូព្រឹកនេះទាន់ពេលវេលា ប៉ុន្តែ ចម្លែកពូឯណេះ មិនដឹងយ៉ាងម៉េចបានជាម៉ោង ៣.៣០ (ព្រឹក) ភ្ញាក់នឹងគេ? ភ្ញាក់រហូត។ (ដេក)អត់លក់ទៅវិញ។ ឥឡូវ ចាប់ផ្តើមងងុយហើយ ប៉ុន្តែ ក្មួយៗសំណាងជាងពូ នៅត្រង់ថា ពេលដែលជួបគ្នារួចហើយ គឺក្មួយៗមានឱកាសបានឈប់សម្រាកមួយល្ងាចនេះទៀត។ ឯពូគឺអត់ទេ ល្ងាចនេះគឺ(ជួបជាមួយ)រដ្ឋមន្ត្រីការបរទេសឥណ្ឌាផង។ ទៅពីហ្នឹងមិនដឹងថា នៅលើតុមាន(ឯកសារ)ប៉ុន្មាន? (អាហ្នឹង)មួយ។ មួយទៀត មុនទៅជួប(រដ្ឋមន្ត្រីការបរទេស)ឥណ្ឌា ត្រូវកាន់ឯកសារយកទៅទីស្តីការគណៈរដ្ឋមន្ត្រី រួចហើយមុនពេលគេមកដល់ យើងត្រូវចុះហត្ថលេខា និងសម្រេចកិច្ចការមួយចំនួន។ ត្រឡប់មកផ្ទះ មិនដឹងថាគេដាក់(ឯកសារ)ប៉ុន្មានទៀត? គេថាមនុស្សដែលធ្វើ(ជា)នាយករដ្ឋមន្ត្រី ឬធ្វើជាចៅហ្វាយស្រុក (ឬ)ចៅហ្វាយខេត្ត (ឬ)រដ្ឋមន្ត្រីអី សុទ្ធតែជាមនុស្សមានសំណាង​ អ្នកមានបុណ្យ … ផ្ទុយទៅវិញទេ។ បន្តជួបកម្មករ/ការិនីតាមការសន្យានៅមុនពេលបោះឆ្នោត ថ្ងៃនេះ រីករាយណាស់ ដែលបានមកជួបក្មួយៗសាជាថ្មីម្តងទៀត។ ពូបាននិយាយកាលពីពេលមុនបោះឆ្នោតថា ប្រសិនបើគណបក្សប្រជាជនជាប់ឆ្នោត ពូនឹងបន្តដំណើរជួបជាមួយកម្មករ/ការិនីតទៅទៀត។ ប៉ុន្តែ បើសិនជាគណបក្សប្រជាជនមិនទទួលបាននូវការគាំទ្រ និយាយពាក្យមួយម៉ាត់ថា ចាញ់ឆ្នោតទៅចុះ គឺពូមិនទៅដណ្តើមការងារអនាគតនាយករដ្ឋមន្ត្រីទេ…

សម្តេចតេជោ ហ៊ុន សែន ស្នើគណៈមេធាវីកម្ពុជា ពង្រាយមេធាវីទៅតាមបណ្តាខេត្ត និងទីជនបទជួយដល់ជនក្រីក្រ

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើដល់គណៈមេធាវីកម្ពុជា ជួយពង្រាយមេធាវីទៅតាមបណ្តាខេត្ត និងទីជនបទដើម្បីជួយការពារក្តីដល់ប្រជាពលរដ្ឋមានជីវភាពក្រីក្រីមិនមានលទ្ធភាពជួលមេធាវីការពារ ឬមិនសូវយល់ពីបញ្ហាផ្លូវច្បាប់នោះ។ សំណើរបស់សម្តេចតេជោ ហ៊ុន សែន បានធ្វើឡើងក្នុងពេលដែលសម្តេចអនុញ្ញាតឲ្យគណៈមេធាវីកម្ពុជា ដឹកនាំដោយលោក សួន វិសាល ប្រធានគណៈមេធាវីកម្ពុជាចូលជួបសម្តែងការគួរសមនាព្រឹកថ្ងៃទី២៧ ខែសីហា ឆ្នាំ២០១៨នេះនៅវិមានសន្តិភាព។ ពាក់ព័ន្ធបញ្ហានេះ លោក សួន វិសាល បានគូសបញ្ជាក់ថា បច្ចុប្បន្នគណៈមេធាវីកំពុងធ្វើកិច្ចសហប្រតិបត្តិការជាមួយក្រសួងយុត្តិធម៌ ដើម្បីជួយដល់ពលរដ្ឋក្រីក្រ ក៏ដូចជារៀបចំប្រព័ន្ធទិន្នន័យតាមដានករណីនីមួយៗផងដែរ។ នៅក្នុងជំនួបសម្តែងការគួរសមនាព្រឹកមិញនេះ លោក សួន វិសាល ក៏បានជម្រាបសម្តេចតេជោ ហ៊ុន សែន ផងដែរអំពីសមិទ្ធផលការងារមួយចំនួនរបស់គណៈមេធាវីកម្ពុជា ដែលសម្រេចបាននាពេលកន្លងមក ក៏ដូចជាកំពុងធ្វើនាពេលបច្ចុប្បន្ន។ បើតាមលោក អ៊ាង សុផល្លែត ជំនួយការផ្ទាល់សម្តេចតេជោ បានប្រាប់ឲ្យដឹងថា នៅក្នុងជំនួបនេះ លោក សួន វិសាល បានជម្រាបសម្តេចតេជោថា គណៈមេធាវី បានធ្វើការកែទម្រង់យ៉ាងច្រើន ជាពិសេសលើវិស័យរដ្ឋបាល និងហិរញ្ញវត្ថុ ក៏ដូចជាវិស័យអប់រំផងដែរ។ លោកបន្តថា គណៈមេធាវី…